IMF නොයා බේරීමට ක්‍රමයක් තිබේද

 

 

ලංකාවේ විදේශ විනිමය ප්‍රශ්නය ඉතාමත් උග්‍ර අතට පැමිණ තිබේ. මගේ මිතුරෙකු ඊයේ ඔහුගේ පුතාට අවුරුදු 3ක කාලයකට ඔස්ට්‍රේලියාවට යාම සඳහා,  සෞඛ්‍යය රක්ෂණයට ගෙවීමට මුදල් බැංකුවකින් ලබා ගැනීමට නොහැකි නිසා  මා යම් ක්‍රමයක් දන්නේදැයි, මගෙත් මගෙන් විමසා සිටිය යුතු තරමට මෙය උග්‍ර වී තිබෙන බව පෙනේ. 

ඔහුට මම විසඳුමක් පෙන්වා දුන්නද, මේ ප්‍රශ්නය ලංකාවට ඉතාමත් උග්‍ර ලෙස ඉදිරි අනාගතයේ දී බලපෑ හැකි බව ට කිසිම සැකයක් නැත. 

මේ නිසා මම ඔහුත් සමග කතා කිරීමෙන් පසුව ේ ප්‍රශ්නයට කුමන විසඳුම් තිබේදැයි සිතන්නට පටන් ගත්තෙමි.

IMF ආයතනයට යාම එකම ගැළවීමේ මාර්ගය බව පෙනේ. එහෙත් ඔවුන් ණයක් දෙන විට අපිට ඒ ණය ගෙවන්න පුළුවන් දැයි පරික්ෂා කර බලනු ලැබේ. ඔවුන් වෙනත් සමහර රටවල් මෙන් ණය ගෙවන්නට බැරි තත්ත්වයේ රටවල් වලට ණය ලබාදී මස් රාත්තල කපා ගන්නට බලා සිටින ආයතන නොවේ.

IMF ණයක් දෙනවිට  මුදල රටේ ප්‍රගතියට පාවිච්චි කරන බවට සොයා බලයි, එම මුදල ලබාගෙන වියදම් කරන විට එය රටේ ජනතාවගේ යහපත සඳහාය ද වෙන්නේ දැයි පරීක්ෂාවෙන් සිටී. දීමට පෙර පරීක්ෂා කර බලයි. 

මෙවැනි ආයතනයකින් ණය ගන්නා විට ඒ මුදල් නාස්ති වීමට තිබෙන ඉඩකඩ බොහෝ අඩුය. ඒ නිසා පුරවැසියන් වන අපට ත්, එම ණයට ගත් මුදල් නාස්ති වන්නේ නැති බවට යම් දුරකට සහතිකයක් ලැබේ. ඒ ණය මුදල විනාශකර රට තවත් ණය අර්බුදයක ගිලී වන්නේ නොමැති බවට අපට යම් සහතිකයක් ලැබේ. නමුත් පාලකයන් අන්තර්ජාතික මුල්‍ය අරමුදලට යාමට මැලිකමක් දක්වති. ඒ අන්තර්ජාතික මූල්‍ය අරමුදල, ඔවුන් වෙත මුදල් පතා පැමිණෙන රජයන්ට යථාර්ථයට මුහුණ දෙන ලෙසටත් ථාර්ථයට මුහුණ දෙන ලෙසට තමන්ගේ ප්‍රතිපත්ති සකස් කර ගන්නා ලෙසටත් බල කිරීමට පුරුදුව සිටීමයි. 

ඔවුන් කීවත් නැතත් අප යථාර්ථයට මුහුණ දිය යුත්තෙමු. විශේෂයෙන්ම ආර්ථික යථාර්ථයට මුහුණදීම මග හැර රටකට හෝ පුද්ගලයෙකුට වැඩි කාලයක් දුවන්නට නුපුළුවන. බැංකුවලින් ණය අරගෙන යථාර්ථයට මුහුණ නොදී තමන්ගේ නිවසට ලොකු ගේට්ටුවක් හදා ගන්නා කෙනෙකුට ඒ ණය ගෙවන්නට ඒ ගේට්ටුවෙන් ආදායමක් නොලැබෙන විට තමන් බංකොලොත්භාවය පැත්තට තල්ලු වීම නවත්වා ගත නොහැක. 

ජාත්‍යන්තර මූල්‍ය අරමුදල යථාර්ථයට මුහුණ දෙන ලෙසට තමන්ගෙන් මුදල් උපකාර ලබා ගන්නට පැමිණෙන අයට බල කරන්නේ අන්න ඒ හේතුව නිසාය, එසේ නැතුව ඔවුන් අප කෙරෙහි යම් තරහක් වෛරයක් ක්‍රෝධයක් තිබෙන නිසා නොවේ.

අන්තර්ජාතික මූල්‍ය අරමුදලට යාමට කිසිසේත්ම කැමති නැත්නම් මට පෙනෙන විදිහට තව එක ක්‍රමයකින්, මෙහෙ විදේශ විනිමය අර්බුදයෙන් ගැලවෙන්නට පුළුවන්කමක් තිබේ. ගැලවෙන්නට ම නොහැකි වුවත් ඩු තරමින් මේ ප්‍රශ්නය යම් තරමකට සහනයක් ලබාගැනීමට මගේ මේ යෝජනාවෙන් හැකියාව තිබෙන බව පෙනේ.

ඒ ගංජා වැවීමයි. ලෝකයේ 2020 වසරේ ගංජා මාකට් එක ඩොලර් බිලියන 21 කි. මේ වෙළෙඳපොළ මෙතරම් තත්ත්වයකට පැමිණියේ, ලෝකයේ දියුණු එසේම වැදගත් යැයි සැලකෙන ඇමරිකාව කැනඩාව සහ යුරෝපය යන රටවල ගංජා පාවිච්චි කිරීම නොයෙකුත් ආකාරයෙන් නීතිගත කිරීමෙන් පසුවය. අනෙක් බොහෝ කර්මාන්ත covid වසංගතය නිසා පහතට වැටුනද ගංජා මාකට් එක 2020 වසරේදී සියයට 50කින් පමණ වැඩිවී තිබේ. මේ වෙළෙඳපොළ 2028 වන විට ඩොලර් බිලියන දෙසීයක පමණ විශාලත්වයක් ගනු ඇතැයි විශ්ලේෂකයින් ගණනය කරති.

අපට අක්කර දහදාහක පමණ හොඳින් සංවිධානය කර කන්සා වවන්නට පුලුවන්නම්, රාජ්‍ය සුපරීක්ෂාව යටතේ පුද්ගලික සමාගම් වලට ඉඩ දෙන්නේ නම්, මට හිතෙන විදිහට මේ වෙළඳ පොළින් 10% ක් පමණ අල්ලා ගන්නට පුළුවන. 

ඒ කියන්නේ ඩොලර් බිලියන දෙකක් පමණ මුදලකි. ganja ඉක්මනින් සහ පහසුවෙන් වන්නට පුළුවන. මේ 10% 2028 බිලියන විස්සක් පමණ වෙන්නට හැකියාව තිබේ යැයි පෙනෙන්නට තිබේ. 

මට පෙනෙන විදිහට නම් දැනට ඉක්මනින් කරනට පුළුවන් විදේශ විනිමය ටට ගෙන්වා ගැනීමේ එකම ක්‍රමය මෙයයි.

යථාර්ථයට මුහුණ දෙමු, 

ජපානෙත් එහෙමද

 

අද්මිරාල් යමාමොටෝ

 

මම මේ දවස් වල, ජපානයේ ප්‍රසිද්ධ යුද වීරයෙකු වන අද්මිරාල් යමා මොටෝ ගේ ජීවිත කතාව කියවමින් සිටිමි. එහිදී හමුවූ ඔහුගේ නම පිළිබඳ අපූරු කතාවක් මෙසේ ලියා තබන්නට සිත් විය.

ජපන්  අද්මිරාල් යමාමොටෝ හොන්ෂු දූපතේ දී වසර 1884 දී උපත ලැබීය. 1877 වසරේ මේ දූපතේ ජපන් රාජාණ්ඩුවට විරුද්ධව පැවැති අරගලයක  ඔහුගේ පියා  ප්‍රධාන ආධාරකරුවෙකු විය. මෙම කැරැල්ලෙන් එම කණ්ඩායම පරාජය වූ නිසා samurai නිලධාරියකු වූ ඔහුගේ පියා මහත් දුෂ්කරතාවන්ට මුහුණ දුන්නේය. 

කැරැල්ලෙන් ටික කලකට පසුව තම බිරිඳ මිය ගිය නිසා yamamoto ගේ පියා බිරිඳගේ නැඟණිය විවාහ කර ගත්තේය. යමා මොටෝ ඇයට ලැබුණු දරුවන් තිදෙනාගෙන් බාලම දරුවා විය.

ඔහු ඉපදුන විට ඔහුට නම තබන ලද්දේ, ඉසරොකු නමිනි. ඉසරොකු යන්නේ තේරුම, 56 යන ඉලක්කමය.

එසේ 56 ලෙස ඔහුට නම් තබන ලද්දේ ඔහුගේ පියාගේ වයස ඔහු ඉපදෙන විට පනස් හයක් වූ නිසාය. 

ටකනෝ ඉසරොකු ගේ කුඩා කාලය ඉතාමත් දුප්පත් කමින් එසේම අවිනිශ්චිත භාවයෙන් පිරුණු කාලයක් විය. එහෙත් ගුරුවරයෙකු වූ ඔහුගේ පියා ඔහුට කෙසේ හෝ හොඳ අධ්‍යාපනයක් ලබා දීමට කටයුතු කළේය. මෙම අධ්‍යාපනය ක්‍රිස්තියානි මිෂනාරි වරුන්ට සම්බන්ධ වූ නිසා ඔහුට විනය එසේම විද්‍යාව සහ කාර්මික කටයුතු පිළිබඳව ැබුණු අධ්‍යාපනයක් විය.

දක්ෂ සහ විනයගරුක සිසුවෙකු වූ මොහු තමා ජීවත් වූ දුප්පත් දුෂ්කර ජීවිතයෙන් ගැලවීමට තමා ලබා ගත් අධ්‍යාපනයම යොදවා ගත්තේය. 

ඔහු 1901  වර්ෂයේ එකල ජාතික වශයෙන් පවත් වූ නාවික විද්‍යායතනයට බැඳීමේ තරඟ විභාගයට පෙනී සිටියේ ය. එම තරග විභාගයෙන් ජපානයේ දෙවැනි ස්ථානය ලබාගැනීමට  ඔහුට හැකි විය.

එටා ජිමා දූපතේ තිබෙන මෙම නාවික පුහුණු පාසල තවමත් ජපානයේ නාවික හමුදාවේ නිලධාරී පුහුණු පාසලයි. ඔහු එහි ඇතුල්වන කාලයේ එම කෙඩෙට් නිලධාරීන්ට බලවත් දුෂ්කර ජීවිතයක් ගත කරන්නට සිදුවිය.  මෙම දුෂ්කරතා  අතර ඇල්කොහොල් පානය කරන්නට නොහැකි වීම දුම් පානය කරන්නට නොහැකි වීම පැණි රස ආහාර ගැනීමට නොහැකි වීම සහ කාන්තාවන් ඇසුරු කරන්නට නොහැකි වීම ්‍රධාන වූ බව සඳහන් වේ. 😃

අද්මිරාල් යමා මොටෝ හට මේ නම ලැබීම ද අපූරු කතාවකි. මේ සඳහා ජපානයේ පවතින යම් පවුලක තත්ත්වය එසේත් නැත්නම් ්‍රසිද්ධිය වැඩි කරගන්නට වැඩිහිටි තරුණයන් කුඩා දරුවන් මෙන් හදාගන්නට ගැනීමේ චාරිත්‍රය ඉවහල් විය.

ලුතිනන් කමාන්ඩර් ටකනෝ ඉසරොකු yamamoto නැමැති ධනවත් එසේම ප්‍රසිද්ධ පවුලක් සමග එකතු වී ඔවුන්ගෙන් කෙනෙකු ලෙස ජීවත් වන්නට කැමැති විය. ඒ අනුව ඔහු එතැන් පටන් ඉසරොකු යමා මොටෝ ලෙස ජීවිතය ගත කළේය. 

සමුද්‍ර දේවිය සහ සූරිය දේවිය

 

1555 වසරේ බුවනෙකබාහු රජුගේ දියණියවූ සමුද්‍ර දේවි කුමරිය විවාහ කරගෙන සිටී වීදිය බණ්ඩාර කුමරු පෘතුගීසීන්ට විරුද්ධව කැරලි ගැසීය.

එම කැරැල්ල පටන් ගැනුණේ පෘතුගීසීන් විසින් ඔහු කොළඹ දී සාකච්ඡාවකට යයි කැඳවා ඔහු අල්ලා සිර කර ගැනීම නිසාය. ඒ අවස්ථාවේ පැලැන්ද නුවරට පලාගිය සමුද්‍ර දේවිය, පෘතුගීසි නිලධාරීන්ට පගාව දී ඔහු රඳවා සිටි භූගත සිර කඳවුරට බිංගෙයක් කප්පවා, ඔහු බේරා ගත්තාය. 

ඇය සිටි පැළඳ නුවරට පලාගිය වීදිය බණ්ඩාර පෘතුගීසීන්ට විරුද්ධව මේ කැරැල්ල පටන් ගත්තේය. 

පෘතුගීසීන්ගේ නොපනත් කම් නිසා බොහෝ කෝපයට පත්ව සිටි කෝට්ටේ රාජධානියේ වැසියෝ ඔහු එසවු ධජය වටා රැස් වන්නට පටන් ගත්හ. විශේෂයෙන්ම කෝට්ටේ රජුන් ගේ ියණිය වූ සමුද්‍ර දේවිය මෙතන සිටීම ෙලෙස ජනයා එකතු වීමට ප්‍රධාන හේතුවක් වන්නට පුළුවන.

එහෙත් ටික කලකින් සමුද්‍ර දේවිය මිය ගියාය. පෘතුගීසි නිලධාරියකු හා අනියම් සබඳතාවක් පැවැත්වූ සැකයට වීදිය බණ්ඩාර විසින් ඇය මරා දැමුවා දැයි සැකයක් ද මෙකල මතුවිය. 

අවස්ථාවෙන් ප්‍රයෝජන ගෙන පෘතුගීසීන්ට විරුද්ධව ිත්‍ර පක්ෂයක් ගොඩ නගා ගැනීමට සිතූ සීතාවක මායාදුන්නේ රජු තමන්ගේ වැන්දඹු වී සිටී සූරිය දේවිය නම් දියණිය මේ අවස්ථාවේ වීදියබණ්ඩාර ට පාවා දුන්නේ මහත් බලාපොරොත්තු ඇතිව ය. 

එහෙත් ටික කලකින් සූරිය දේවිය වීදියෙ බණ්ඩාර තමන්ට කරදර කරන බව දන්වමින් තම පියා වූ මායාදුන්නේ රජු වෙත පණිවිඩ එවීමට පටන් ගත්තාය. මෙයින් උරණ වූ මායාදුන්නේ රජු තමන්ගෙ දක්ෂතම සෙනෙවියා වූ වික්‍රමසිංහ මුදලි සමග සීතාවක හමුදාව කළුතරට යැවීය. වීදියේ බණ්ඩාර අල්ලා ගැනීමට බලවත් උනන්දුවකින් සිටි පෘතුගීසීන් ද මෙම හමුදාවට තමන්ගේ හමුදාවද කළුතරදී එකතු කිරීමට පොරොන්දු විය. මායාදුන්නේ රජුගේ දහතුන් හැවිරිදි ටිකිරි බණ්ඩාර කුමරු මේ හමුදාවත් සමග ගමන් කළේය. පෘතුගීසීන්ට පසුකලෙක මහත් හිසරදයක් වූ සීතාවක පළමුවැනි රාජසිංහ රජු මේ ටිකිරි බණ්ඩාර කුමරු වෙයි.

මේ සීතවක සහ සොල්දාදුවන් සීයක ගෙන් සමන්විත වූ පෘතුගීසි  හමුදාවට පැලැන්ද ගඟ අසල දී එඩිතරව මුහුණ දෙන වීදියබණ්ඩාර දරුණු සටනකින් පසුව පැරද පලා යයි. ඔහු එසේ පලා යද්දී ඉතිරි වන සූරිය දේවිය ඉමහත් ගෞරවයෙන් ඇතකු පිට ආපසු සීතාවක තම පියා වෙත පැමිණෙයි.

පලා ගොස් අවසානයේ කන්ද උඩරටට පැමිණෙන වීදියේ බණ්ඩාර මහනුවර කරලියද්දේ බණ්ඩාර රජු විසින් සතුටින් පිළිගනු ලබයි. ඒ ඔහුගේ සතුරාගේ සතුරා මිතුරෙකු බව සිතමිනි.

බුවනෙකබාහු රජු ක්‍රිස්තියානි ආගමට එකතුවීම

 

ඇන්තනි බැරටෝ

1547 වසරේ අන්තෝනියෝ මොනිස් බැරටෝ නමැති පෘතුගීසි නිලධාරියා සියයක් භට පිරිස් සමග ලංකාවේ එකල තිබූ දේශපාලන විරුද්ධවාදිකම් වලින් යම් ප්‍රයෝජනයක් ගැනීමට හැකියාව විමසා බැලීමට කොළඹට පැමිණියේය. 

එසේ පැමිණියේ එකල කෝට්ටේ සීතාවක හෝ කන්ද උඩරට කුමන රාජධානියකට පෘතුගීසි සහයෝගය ලබාදිය යුතුදැයි ීක්ෂාකර එසේ ඔවුන්ට වඩාත්ම ප්‍රයෝජන ලැබෙන රාජ්‍යයට සහයෝගය ලබාදීම පිණිසය.

ඔහු මුලින්ම කෝට්ටේ බුවනෙකබාහු රජුට සහයෝගය ලබා දීමට තීරණය කළේය. කෝට්ටේ හමුදාවත් සමග ඔහුගේ හමුදාව සීතාවක මායාදුන්නේ රජුට විරුද්ධව මෙහෙයවූයේය.

සීතාවක මායාදුන්නේ රජු නගරය පෘතුගීසි සහ කෝට්ටේ හමුදාවට විවෘත කර  දැරණියගලට පලා ගියේය. ඔවුනට නගරය ලබාදෙන බවත් සියලු වස්තුව ඔවුන්ට රැගෙන යාමට හැකි බවත් දන්වා ලිපියක් ද ඔවුනට ලැබෙන්නටද සැලැස්සුවේය.

සටනකින් තොරවම සිතාවක ජයගත් පෘතුගීසි සහ කෝට්ටේ හමුදාව කන්ද උඩරටට පහරදීමට පිටත් වූහ. එහෙත් එහිදී ඔවුන්ගෙන් හොඳින් පහර කෑ එම හමුදාව පරාජයට පත්ව ආ පසු සීතාවකට පැමිණියහ. පෘතුගීසි හමුදාවෙන් අඩක් එම සටනේදී මිය ගියහ.

ආපසු සීතාවකට පැමිණි පෘතුගීසි සහ කෝට්ටේ හමුදාවට සියලු පහසුකම් ලබාදුන් mayadunne ඔවුනට ආපසු කොළඹ බලා යාමට බෝට්ටු ඇතුළු සියලු පහසුකම් සැලසුවේය.

කොළඹට පැමිණි පසු මෙතෙක් කල් පෘතුගීසින්ට තමන් ක්‍රිස්තියානිය ආගමට හැරෙන බවට පොරොන්දු දෙමින් සිටි කෝට්ටේ බුවනෙකබාහු රජුට ඉක්මනින් එලෙස ක්‍රිස්තියානි ආගමට හැරෙන ලෙසට බැරටෝ පණිවුඩ යැවීය.

එහෙත් එසේ නොවන බව දුටු barreto කොළඹ සිට කෝට්ටේ අගනුවරට ගොස් රජු හමුවී එසේ ආගම මාරු නොකළහොත් රජුට මරණයෙන් පසු අපායේ ගත කරන්නට සිදුවන දඬුවම් පිළිබඳව දීර්ඝ පැහැදිලි කිරීමක් කළේය.

මේ විස්තරය අසා සිටි රජු මේ තරම් හොදට අපාය ගැන දැනගැනීමට මේ සෙන්පතියා දැනටමත් අපායට ගොස් එහි දඩුවම් විද ඇද්දැයි ඔහුගෙන් විමසීය. 

එකල යුරෝපයේ බොහෝ ආගමට බර ෘතුගීසි රාජ්‍ය නිලධාරියකු වු බැරටෝ මෙයින් බොහෝ කෝපයට පත් විය. ඔහු තමන් රජු ඉදිරියේ සිටිනා බවත් අමතක වී, තමන්ගේ තොප්පිය ගලවා පොළොවේ ගසා එතනින් පිටත් වී කොළඹට ගියේය.

රජු ඔහුගේ සිත සැනසීමට ොළඹට යැවූ ත්‍යාග ද බාර නොගත් මේ සෙන්පතියා වහාම කොළඹින් පිටත් වී ආපසු ඕවා බලා ගියේ, රජුට තමන් රටින් පිටවන බවත් නොදන්වා ය.

ශ්‍රී ලංකාවට සංචාරකයන් පැමිණෙයි ද?

 ප්‍රංශයේ සහ ජර්මනියේ ්‍යාපාරික කටයුත්තක් සඳහා තවත් නිලධාරීන් දෙදෙනෙකු සමග ගිය මම ෙරදා රාත්‍රියේ ලංකාවට සැපත් වූයේමි. 

අප පැමිණි ගුවන් යානය ඩුබායි හරහා මාල දිවයිනට පැමිණ ඉන්පසු කොළඹට අප රැගෙන ආවේය. 

එම ගුවන් යානයේ සිටි සියලුම සංචාරකයින් පාහේ මාලදිවයිනේ බැස ගත්හ. ලංකාවට පැමිණියේ ඉතාමත් සුළු පිරිසකි. ඩොලර් නොමැති නිසා ඉතාමත් අපහසු තත්ත්වයකට වැටී සිටින අප ආර්ථිකය ට ඉක්මනින් ඩොලර් ටිකක් පහසුවෙන්ම සොයා ගැනීමට තිබෙන්නේ ංචාරක ව්‍යාපාරයෙන් බව කියන්නටත් අවශ්‍ය නැත. එසේ තිබියදී මෙලෙස සංචාරකයන් අප රට අතහැර මාලදිවයිනට යාම ඉතාමත් කනගාටුදායක තත්ත්වයකි. 

අනෙක් පැත්තෙන් මාලදිවයිනේ තිබෙන වෙරළ සඳහා පැමිණෙන සංචාරකයින්ට වෙරළත් සමඟ තවත් බොහෝ සිත්ගන්නාසුලු සංචාරක ්ථානයන් ඇති ශ්‍රී ලංකාව අතහැර මාලදිවයිනට යන්නේ කුමන හේතුවක් දැයි මම කල්පනා කළෙමි. 

මේ සඳහා ්‍රධාන හේතුව ලෙස මගේ සිතට ආවේ අප මේ ්‍යාපාරය කරන්නේ කිසිම ඕනෑකමක් නොමැතිව බවය. 

මෙයට හොඳම උදාහරණයක් අපේ ගමනේ අප අද්දැකීම් අතරට එකතු වූයේ ජර්මනියේ හැම්බර්ග් ගුවන්තොටුපළේ දී ය. 

අප තිදෙනා එහි පැමිණ check-in කිරීමට කවුන්ටරයට ගියවිට අප තිදෙනාගේ අනෙකුත් සියළුම ලියකියවිලි සම්පූර්ණ වී තිබුණත් අප ඔන්ලයින් ගොස් health declaration පෝරමය පුරවා නොමැති බව කවුන්ටරයේ සිටි තරුණ කාන්තාව අපට කීවාය. ඇත්තෙන්ම මෙවැන්නක් තිබෙන බව අප දැන සිටියේ නැත.

පෝලිමේ අපට පිටිපස්සෙන් සිටි මගීන්ට ඉදිරියට යන්නට හැර අප තිදෙනා ගුවන් තොටුපලේ වයිෆයි පාවිච්චි කර ඔන්ලයින් ගොස් කොළඹ ගුවන්තොටුපලේ health declaration පෝරමය පුරවන්න ට උත්සාහ කළෙමු.

අහෝ ඛේදයකි එම කොටස temporary out of order යනුවෙන් සඳහන් වී තිබිණ. 

අපි දැන් තරමක් කලබලයට පත් වුණෙමු. මම කොළඹ ගුවන්තොටුපළට කතා කළෙමි . මට පිළිතුරු දුන් නිලධාරිනියට අපට සිදුවී ඇති අකරතැබ්බය පැහැදිලි කළෙමි. ඒ අසා සිටි ඇය මම තවත් නිලධාරිනියක වෙතට සම්බන්ධ කළාය. ඇයටත් මම මේ ප්‍රශ්නය පැහැදිලි කළෙමි. 

ඔවුනට එයට කළ හැකි කිසිවක් නොමැති බවත් කොළඹට පැමිණ එම declaration පෝරම පුරවා භාර දීමට හැකි බවත් ඇය කීවාය. එහෙත් ඒ පිළිබඳව එමිරේට් කවුන්ටරයේ කාන්තාවට පැහැදිලි කළත් ඇය කිව්වේ ඔවුන්ට කොළඹින් ලැබී ඇති උපදෙස් වලට පිටින් කටයුතු කිරීමට නොහැකි බවයි. 

මම ඇයට මට ඇයගේ කළමනාකාර වරයා මුණ ගැසීමට අවශ්‍ය බව පැහැදිලි කළෙමි. ඇය මා ඔහු වෙත රැගෙන ගියාය. ඔහුට මේ පිළිබඳව තීරණයක් ගැනීමට අපහසු බව කියා ඔහු මම ඔහුගේ ජේෂ්ඨ නිලධාරිනියක වෙත යොමු කළේය.

ඇයට මම මේ ප්‍රශ්නය පැහැදිලි කළ පසු ඇය කියා සිටියේ අප ශ්‍රී ලාංකිකයින් නම් පමණක් ඇයට අපට ගුවන් යානයට ගොඩ වීමට ඉඩදිය හැකි බවයි. ඇය එසේ කියා සිටියේ ද මම විනාඩි පහළොවක් පමණ ඇයට මේ පිළිබඳව ආයාචනා කරමින් පැහැදිලි කළ නිසාය.

මේ සිදුවීම ම විදේශිකයෙකුට සංචාරකයෙකුට සිදුවූයේ නම් ඔවුනට එම ගුවන් යානයට නැගීමට නොහැකි වනු ඇත. 

සංචාරකයින් රටට ගෙන්වා ගැනීමට අවශ්‍ය නම් මීට වඩා සංවිධානාත්මක ලෙස එය කළ යුතු බව මේ සිද්ධියෙන් මා හොඳින් පෙනේ. 

2 පැරිසියට යාම 2

 

ගුවන් ගමන් වල කෑම බීම යනාදිය සැපයීම covid වසංගතයෙන් කිසිම විදිහකින් වෙනස් වී නොමැති බව පෙනුණි. 

අප හවස පැරිසියේ ඩිගෝල් ගුවන්තොටුපල වෙත පැමිණි අතර, එහිදී අපගේ ගමන්මලු සොයා ගැනීම සඳහා තරමක් අසීරු එලෙසම දුර ගමනක් ගුවන්තොටුපල තුළම යාමට සිදුවීම හැරෙන්නට, සියල්ල සාමාන්‍ය ආකාරයෙන් සිදු විය.

එහෙත් ගුවන් ගමන් දෙකේදීම, covid කාලෙට වඩා යම් වෙනසක් මට දක්නට ලැබුණි. ඒ ගුවන් සේවිකාවන් සියලු දෙනාම පාහේ නැගෙනහිර යුරෝපයේ රටවලින් පැමිණි අයවලුන් බවය. සාමාන්‍යයෙන් පෙර එමිරේට්ස් ගුවන් සේවයේ දක්නට ලැබුනු තරම් ආසියාතික යුවතියන් මෙවර දක්නට නොලැබුණි. ඒ වෙනුවට ශක්තිමත් උස මහත කඩිසර තරුණ ගුවන් සේවිකාවන් නැගෙනහිර යුරෝපයෙන් පැමිණ ඇති බව හොඳින් පෙනුණි. මෙය සමහර විට ඉදිරියේදී trend එකක් වන්නටත් පුළුවන් විය හැක.

ගුවන්තොටුපලින් පිටතට පැමිණි පසු කුලී රථයක් ලබා ගැනීමට!  විශේෂයෙන්ම අප තිදෙනාගේ ම ගමන්මලු තිබුණ නිසා, යම් වෙහෙසක් දරන්නට සිදු වේ යැයි අප සිතුවද, කුලී රථ සම්පූර්ණයෙන්ම එක් ස්ථානයකින් පාලනය කරන ලද බව පෙනුන නිසා එතැන සිටි ලංකාවේ පෙනුමැති තරුණ කාන්තාව මුණගැසී අපගේ ප්‍රශ්නය කීවෙමු. 

ඇය අප ගියේ ගමන්මලු දෙස බලා එයට ගැලපෙන වාහනයක් වහාම ගෙන්වා දුන්නාය. හෝටලයට පැමිණීම සදහා අපට යුරෝ 36ක් වැය විය.

පසුදා සිටම නොයෙකුත් ව්‍යාපාරික කටයුතු වල යෙදුණු අපි ට, අපගේ යම් ඇඳුනුම් කම් වලින් හි ජීවත් වන ශ්‍රී ලාංකික මිතුරන් දෙදෙනකු බොහෝ පිහිට විය. අපගේ ව්‍යාපාරික කටයුතු සඳහා ඔවුන් තිදෙනාම ඔවුන්ගෙ සම්බන්ධතා හරහා ප්‍රංශ සමාගම් අපට හඳුන්වා දුන් අතර එයට අමතරව ඔවුන්ගේ නිවෙස් වල ට, අපව රැගෙන ගොස්  සංග්‍රහ කිරීම ද බොහෝ කෙරුණි. 

මුලින්ම හමු වුන මිතුරා වුරුදු 35ක් පමණ ප්‍රංශ ජීවත් වී ඇති අතර විවාහව සිටින්නේද ප්‍රංශ කාන්තාවක සමඟය. 

ලංකාවට ඇති බැඳීම් තබාගැනීමට බොහෝ මහන්සි වන ඔහු එක් දරුවෙකුට යම් තරමකට ලංකාවේ අධ්‍යාපනයක් ලබා දීමට පවා පෙළඹී ඇත. එම දරුවන් ද බටහිර සංස්කෘතියට වඩා අපේ ජීවන රටාවන් අනුගමනය කරමින් ජීවත් වන බවක්ද පෙනෙන්නට තිබීම අපට බලවත් සතුටක් ගෙන දුන්නේය.

එහෙත් එම දරුවන්ට ද්විත්ව පුරවැසි භාවය ලබා ගැනීමට උත්සාහ කළ විට   ඒ සම්බන්ධව බොහෝ ප්‍රශ්න ඇති කරන බවක් අපට දැනගන්නට ලැබුණි.

මෙය ඉතාමත් කණගාටුදායකය. ප්‍රංශයේ පුරවැසිභාවය තිබෙන ්‍රී ලාංකික පියෙකුගේ දරුවන් දෙදෙනෙකුට එම පියාගේ බලවත් ඕනෑකම නිසා තරමක  ගාස්තුවක් ද ගෙවා තමන්ගේ මව්රට ද්විත්ව පුරවැසිභාවය ලබා ගැනීමට අපහසු කරන්නට නීති හෝ රතු පටි තිබේනම් කොතරම් කණගාටුදායක තත්ත්වයක් ද?

පැරීසියට යාම

 පසුගිය බදාදා, මම අප සමාගමේ ව්‍යාපාරික කටයුත්තකට තවත් දෙදෙනෙකු සමග පැරිස් නුවර බලා පිටත් වීමි. emirates සමාගමේ ගුවන් යානය පිටත් වීමට තිබුණේ උදය දහයයි පහටය. කලින් දවසේ කොළඹ ගොස් ,PCR පරීක්ෂාව කරගෙන, ගමන් බලපත්‍රයත් එකතු කරගෙන ආපසු නුවර ගියෙමි. 

මම නිවසින් උදේ 5:00 ට යාමට බලාපොරොත්තු ව සිටිය ද, කතා කළ කිහිප දෙනකුම ඒ වෙලාව මදි යැයි කිවූ නිසා උදේ හතරට නිවසින් පිට වීමි.  උදේ 6:00 වනවිට ගුවන් තොටුපළට පැමිණියෙමි. හරියටම ඒ වේලාවට මගේ කොළඹ ජීවත්වන මිතුරන් දෙදෙනාට ගුවන්තොටුපළට පැමිණියහ.

වෙනදා පැය දෙකක් පමණ තබා ගුවන් තොටුපලට පැමිණෙන අපි, මෙදින , පැය හතරක් කලින් පැමිණියේ, covid වසංගතය නිසා කලින් පැමිණිය යුතු යැයි බොහෝ දෙනා කිව් නිසා ය.

ඒත් අපි පැමිණි පසු වෙනදාටත් වඩා බොහෝ ඉක්මනින් check in counter වලට පැමිණියද, ඒවායේ වැඩ කරන නිලධාරීන්ගේ ඉතාමත් සෙමෙන් වැඩ කිරීම නිසා, අප ගුවන් යානය ළඟට ගියේ වීමට මොහොතකට පෙරය. 

මෙයට තවත් හේතුවක් වූයේ online checkin කරගෙන පැමිණීමට අපට අමතක වූ නිසාය.

වසන්ගත යෙන් පසු, ගුවන් ගමන් පටන්ගෙන කාලයක් ගත වී නොමැති නිසා මම හිතුවේ ගුවන් යානය ඇතුළත ද පෙර පරිදි නොව යම් සමාජ දුරකින් මගින් වාඩි කරවන බවය. එහෙත් මගින් වාඩි කිරීම  පෙර පරිදිම සෑම ආසන එකටම එක මගියෙකු බැගින් බව දුටුවෙමි. මට සිතුණේ මේ පරීක්ෂණයක අපි guinea pig වරුන් බව ද කියාය. ගුවන් ගමන් වසංගතේ ට පෙර තිබුණු පරිදිම නැවත, පටන් ගෙන ඇත.

mask දාගෙන හිටියද නිතරම කෑම ගැනීමට යමක් පානය කිරීමට mask ගලවා තබන නිසා, එවැනි සංවෘත අවකාශයක එක් අයෙකුට හෝ රෝගය තිබුණේ නම් බොහෝ දෙනෙකුට බෝ වෙන්න ඉඩ තිබුණි.

එකම වාසිය සියලු දෙනාම පැය 48ක් ඇතුළත pcr ආර් පරීක්ෂණ කර තිබීමය. 

අපගේ මුල් අදියරේ ගුවන් ගමන තිබුණේ කොළඹ සිට ඩුබායි දක්වාය. මෙහිදී මම හොද චිත්‍රපටයක් තෝරා ගැනීමට පරික්ෂා කරද්දී , රිඩ්ලි ස්කොට් ගේ නම දුටු නිසා එම චිත්‍රපටය පරික්ෂා කර බැලුවෙමි. last mile stone නම් වූ එම චිත්‍රපටය, කෙන්යාවේ නම කීමටත් අපහසු තවමත් ලෝකයේ මැරතන් සඳහා වාර්තාව තිබෙන ්‍රීඩකයෙකුගේ මැරතන් තරගයක් පැය දෙකකට අඩුවෙන් දුවන්නට කරන උත්සාහයක් වටා ගෙතී තිබුණි.

මෙම සැතපුම් 26 පැය දෙකකට අඩුවෙන් දුවන්නට කරන ලද උත්සාහය සාර්ථක වුවත්, එහිදී ඔහුට වඩා වේගයෙන් දුවන්නට, නොයෙකුත් උදව් කිරීම් නිර්මාණය කර තිබූ නිසා එය ලෝක වාර්තාවක් ලෙස පිළි නොගැනේ. 

නමුත් චිත්‍රපටය මනාවට සදා තිබුණි. එය කොතරම් සිත් ඇදගන්නා සුළු ද යත්, මගේ දෙපසින් සිටි දෙදෙනාම අවසානයේ ඒ චිත්‍රපටය බලන්නට පටන්ගත්හ.....

බල්ලාගේ හුණුවටයේ කතාව

 

දැන් මාස කිහිපයකට පෙර මාතලේ සිටින මගේ මිතුරෙකුගේ බල්ලෙකු නැතිවුනි. අලුත් අවුරුද්දට රතිඤ්ඤා පත්තු කරන සද්දයට බියවී ගෙදරින් පලා ගොස් නැවත ආපසු පැමිණියේ නැත.

සති දෙකකට පමණ පෙර එවැනි බල්ලෙකු තමන් වෙත රැගෙන විත් එන්නත් ලබා ගත් බවට ඒ බල්ලා මීට පෙර බැලූ පශු වෛද්‍යවරයා වෙනත් බල්ලෙකු ප්‍රතිකාර කිරීම සඳහා රැගෙන ගිය අසල්වැසියකු අතේ පණිවිඩයක් එවා තිබිණ.

ඒ හෝඩුවාව පස්සේ සොයාගෙන ගිය මගේ මිතුරාගේ මෙවැනි ක්‍රියාන්විතයන් ට දක්ෂ වෙනත් මිතුරෙකු, බල්ලා සිටිනවා යයි, සැකකරන නිවාසය අසලට ගියේය. 

ඒ අසල කුඩා නිවාසයක දවස් පඩියට වැඩ කරන... කෙනකු මුණගැසී මේ පිළිබඳව විමසන විට, අවුරුදු දිනවල ඔහුට එවැනි බල්ලකු මුණගැසුණු බවත් මේ බල්ලා තුවාල සහ සීරීම් වලින් යුක්ත වූ බවත්, තමාට හදාගැනීමට, අපහසු පොහොසත් බල්ලෙකු බව සිතී එසේ හදා ගත හැකි යැයි සිතන නිවසකට බාර දුන් බව ඔහු කීය.

ඉන්පසු ඔහු පෙන්වූ නිවසට ගිය මිතුරා ඒ පිළිබඳව විමසූ විට ඒ නිවසේ වැසියන් ඔහුට බල්ලා පෙන්වා සිටියේය. 

ප්‍රථමයෙන් මේ බල්ලා සෙවීමට ෂර්ලොක් හෝම්ස් වැඩේ කලේ බළලාගේ අයිතිකරුවන්ට උදව් වීමට ඉදිරිපත් වූ මගේ මිතුරෙකු විසිනි. ඔහු වහාම බල්ලගේ නියම අයිතිකරුවන්ගේ නිවසේ කාන්තාවට මේ පිළිබඳව දුරකතනයෙන් දන්වා සිටියේය. ඇයද වාහනය රැගෙන පැමිණියේ ය. 

එහෙත් බල්ලා දෙගිඩියාවකට පත් ව සිටින බවක් පෙනුණි. ඔහු වාහනය වටේ රවුමක් ගොස් ආපසු තමන්ගේ අලුත් නිවාසය ඇතුළට ගියේය. 

පරම අයිතිකරුවන් සහ අලුත් අයිතිකරුවන් ද  එකසේ දෙගිඩියාවට පත්වූහ. දැන් බල්ලාට නම් දෙකකි, අයිතිකරුවන් කණ්ඩායම්ද දෙකකි. 

හරියටම හුණුවටයේ කතාවේ කුමාරයා වැනිය. 

අලුත් අයිතිකරුවන් බොහෝ කණගාටුවෙන් සහ ශෝකයෙන් බල්ලා ආපසු දීමට කැමති වූහ. පරන අයිතිකරුවන් ද බල්ලා ආපසු ගෙනි යනවාදැයි දෙගිඩියාවෙන් පසු වූහ.

ටික වේලාවක් මෙසේ සාකච්ඡා කිරීමෙන් පසු අලුත් අයිතිකරුවන් බල්ලා ආපසු ගෙන යන ලෙසට පරණ අයිතිකරුවන්ගෙන් ඉල්ලා සිටියහ. බල්ලා ද ඉතා අකමැත්තෙන් මෙන් පරණ අයිතිකරුවන්ගේ වාහනයට නැග ගත්තේය. 

මෙසේ මේ බල්ලා තමන්ට හමුවූ පසු, ඔවුහු හමුවීම පිළිබඳව ඔහුගේ අයිතිකරුවන් සොයා මේ පිළිබඳව දෙවන අයිතිකරුවන්, මුහුණු පොතේ දැන්වීමක්ද පළ කර ඇති බව ඔවුනට දැනගන්නට ලැබුණි. 

එහෙත් මේ අය අප බොහෝ දෙනෙකු මෙන් මුහුණු පොතේ සමාන්තර විශ්ව යන්ගේ ජීවත් වන නිසා ඒ බල්ලගේ found දැන්වීම දැක නැත.

පරණ අයිතිකරුවන් අලුත් අයිතිකරුවන්ට යම් මුදලක් ත්යාගයක් වශයෙන් දීමට උත්සාහ කළ ද, ඔවුන් එය පිළිගත්තේ නැත. නිවසේ ස්වාමි දුව ඇඬු කඳුළෙන් ඉහළ මාලයට නගිනවා පරන් අයිතිකරුවන් දුටහ.

පරන් අයිතිකරුවන් බල්ලා පශු වෛද්‍යවරයා ළඟට ගෙන යන විට ඒ කාලේ ඔහු රැගෙන ගොස් ඇත්තේ ඔවුන්ගේ කාර් එකේ නොව ්‍රීවීලර් එකක ය. ඒ පහසුව සඳහා ය. එහෙත් දැන් ඒ බල්ලා, වාහනයකට නැග හොඳින් ගමන් කිරීමට අලුත් නවාතැනේ ඉගෙනගෙන ඇති බව, හොඳින් පෙනුණි. 

සමහරවිට බල්ලාට දැන් ඔහුගේ දෙවන නිවසේ සාමාජිකයින් සිහිනෙන් පෙනෙනවා වෙන්නටත් පුළුවන.

2005 වසරේ ජනාධිපතිවරණය සහ ඡන්ද ඔට්ටු

මගේ මිත්‍ර බද්දේගම ආනන්ද ලැනරෝල්, ලංකාව සහ ලෝක දේශපාලනය පිළිබඳව විශේෂයෙන්ම ඒවා ගේ ඉතිහාසය පිළිබඳව හසල දැනුමක් ඇත්තෙකි. 

ඔහුට දැනුමටත් වඩා ඉතාමත් පොහොසත් අත්දැකීම් සම්භාරයක් ඇත්තේය. ඒ කෙසේද යත්, ඔහු ප්‍රධාන දේශපාලන පක්ෂ දෙකකින්ම එම ප්‍රදේශයේ, ප්‍රාදේශීය සභා සභාපති වරයා වශයෙන් කටයුතු කර ඇත්තේය.

කන්ද උඩරට සහ දකුණේ යන ප්‍රදේශ දෙකේම, බොහෝ කාලයක් දේශපාලනය කර ඇති ඔහු ජාතික දේශපාලනයේ ද, හැකි සෑම විටකම ්‍රායෝගිකව කටයුතු කර ඇත්තේය.

ඒ අතරම හොඳ ගොවියෙකු වන ඔහු, දෙවන රාජසිංහ රජු කල ප්‍රංශ නාවික හමුදාව සමග ත්‍රිකුණාමලයෙන් ලංකාවට පැමිණි, තානාපතිවරයාගෙන් සහ රාජගුරු පවුලේ කුල කාන්තාවක ගෙන් පැවත එන ඉතිහාසයක් ද තිබේ.

මහනුවර නගරය අවට suduhumpola ග්‍රාමයේ නම වැටී ඇත්තේ ද, මේ ප්‍රංශ තානාපතිවරයාගේ පවුල නිසා බව කියනු ලැබේ. 

සුද්දා හුන් පොල, suduhumpola.

වරෙක ඔහු, 2005  වර්ෂයේ අග එස් බී දිසානායක සිරගතව සිටියදී අසනීප වී මර්චන්ට් වෝඩ් එකට ගියේය. මමත් ළඟදි මිතුරෙකු බැලීමට මේ මර්චන්ට් ward එකට ගිය අතර, එහි පඩි පෙළ සහ සෝපානය, ඇත්තෙන්ම තිබිය යුත්තේ කෞතුකාගාරයක බව මට එතනදී සිතුනි.

මා මිත්‍ර ananda, එස්බී සිටි කාමරේට, යන විට එහි දොර වසා තිබුණු අතර දොරට තට්ටු කරන විට දොර ඇරුණි.

ඔහු කාමරේ ඇතුලට ගිය විට එහි එස් බී සහ බන්දුල ගුණවර්ධන ඇඳ මත වාඩිවී කතා කරමින් සිටියහ. ආනන්ද එතනට ගිය විට SB බන්දුල ගුණවර්ධනට මෙසේ කීවේය.

"අන්න ඇවිල්ලා ඉන්නවා ආනන්ද ලැනරෝල්, ලංකාවේ දේශපාලන භූමියේ තත්වය හොදින් විශ්ලේෂණය කරන කෙනෙක්, අපි ඔහුගෙන් අහමු මොකක්ද වෙන්නේ කියලා" ඔහු එසේ කීවේ එකල පැවැත්වෙමින් තිබූ ජනාධිපතිවරණයේ ප්‍රතිඵල පිළිබඳවය.

මේ දෙදෙනාම එකල එක්සත් ජාතික පක්ෂය රජයේ ඇමතිවරු වූ අතර ඉදිරි මැතිවරණයේ ප්‍රතිඵල පිළිබඳව බොහෝ උනන්දුවක් දැක්වූ දෙදෙනෙකුද වූහ.

මේ අතර ලාච්චුවේ තිබූ විස්කි බෝතලයක් එළියට ගත් SB විදුරු තුනක්ද හොයාගෙන, ිශ්‍ර කිරීමට යමක් නොතිබුණු නිසා අමුවෙන්ම glass තුනට ටික ටික වක්කර කුඩා ඩ්‍රින්ක් එකක් ද පිළියෙල කළේය.

බන්දුල ගුණවර්ධන ආනන්ද දෙසට හැරී ඡන්ද ප්‍රතිඵලය කුමක් විය හැකි දැයි විමසුවේය.

රනිල් වික්‍රමසිංහට ඡන්ද ලක්ෂ හතළිස් අටක් පමණක් මහින්ද රාජපක්ෂ ට හතළිස් හයක් පමණ ලැබෙන බව ආනන්ද තවත් විස්තර සමගින් බන්දුලට කීවේය.

"ආනන්ද ඔයා දෙමළ ඡන්ද දැම්මෙ කාටද?" එස් බී දිසානායක ඇඳේ සිට ඇසුවේය. 

"රනිල් වික්‍රමසිංහට"

"ඇයි එහෙම කලේ?"

"දෙමළ මිනුස්සුන්ට හැකි හැම වෙලාවකම සමාන ලෙස සැලකුවේ එක්සත් ජාතික පක්ෂයයි, මට ඕනෑ තරම් උදාහරණ දෙන්නට පුළුවන්, ඒකයි මම ඒ විදියට කළේ" ආනන්ද පිළිතුරු දුන්නේය.

"අන්න ඒ හේතුව නිසාම, ප්‍රභාකරන් දෙමළ මිනිසුන්ට මේ පාර රනිල්ට ඡන්දෙ නොදී ඉන්න බලකරන්න පුළුවන් බව මට හිතෙනවා" 

ආනන්ද ඒ වෙලාවේ එම අදහස පිළිගත්තේ නැත. කොළඹ සිට ආපහු බද්දේගමට යනතෙක්ම, තම රියදුරා සමග s b ට බැන්නේය. 

නමුත් අවසානයේ සිදුවූයේ එස්බී කියපු එක ය.

මේ ඡන්දය පිළිබඳ ලක්ෂ 25ක් ඔට්ටුවක් ඇල්ලූ ආනන්ද, එයින් ද පරාජයට පත්විය.

එහෙත් ඔහු එවැනි ඔට්ටුවක්,පසු කලෙක, 2015 වසරේ, පොලියත් සමඟ ආපසු දිනා ගත්තේය.

උපාලි විජේවර්ධනගේ ඔර්ලෝසු වැස්ස

 අපූරූ එහෙත් සත්‍ය කතා භාණ්ඩාගාරයක් බඳු මිතුරෙකු මට සිටී. ඒ අතරම ඔහු ඓතිහාසික පුද්ගලයන් සමග ජීවත්වීමට පවුල් සබඳතා තිබූ පුද්ගලයෙකි. මේ නිසා ඔහුගේ කතාවල අපි දන්නා කෙනෙකු එසේත් නැත්නම් අසා ඇති කෙනෙකු සිටීම නිසා කතාවට යම් ආලෝකයක් එසේත් නැත්නම් වර්ණයක් ලැබේ.

සමහර කතා ලියන්නට පුළුවන් ඒවාය, සමහර ඒවා ්‍රසිද්ධ කළහොත් යම් පුද්ගලයන්ට නරක ප්‍රසිද්ධියක් ලැබෙන්නට පුළුවන.

ඔහු ඊයේ මට කියූ කතාව ලස්සන එකක් නිසා ලියා පළ කරන්නට සිතුවෙමි.

මේ කතාව සිදුවී ඇත්තේ හැත්තෑ ගණන්වල අග විය යුතුය. එකල රුහුණට විශ්වවිද්‍යාලයක් සාදන්නට සැලසුම් කරන කාලය විය. 

මේ සඳහා නායකත්වය දීමට එකල රටේ සිටි ප්‍රසිද්ධ දේශපාලඥයින් දෙදෙනෙකු අතර තරඟයක් ඇති විය.

දේශපාලඥයින් කිව්වට එයින් එක් අයකු ප්‍රසිද්ධ ව්‍යාපාරිකයෙකු වූ උපාලි විජේවර්ධන මහතා විය. එකල ජනාධිපතිවරයා වූ ජේ ආර් ජයවර්ධන මහතාගේ ඥාති සොහොයුරෙකු වූ ඔහු එකල ජාතික දේශපාලනයට ඇතුළුවීමට සැලසුම් කරමින් සිටියේය. 

අනෙක් පුද්ගලයා වූයේ රොනී ද මැල් මහතා ය. ඔහු මට මතක හැටියට  ජයවර්ධන ආණ්ඩුවේ මුදල් ඇමතිවරයා විය යුතුය.

උපාලි විජේවර්ධන මහතා මෙම විශ්වවිද්‍යාලය තමන් උපන් ගම තමන්ට අයිති  කඹුරුපිටියේ ඉඩමක, බිහි කරන්නට උත්සාහ කළ අතර රොනී ද මැල් මහතා එය දැන් තිබෙන ස්ථානයේ පිහිටුවන්නට මූලිකව කටයුතු කළේ ය.

මේ දෙදෙනා අතර එම තරගය ඉතාමත් උත්සන්න වූ අතර රොනී ද මැල් මහතාගේ ආධාරකරුවන් පිරිසක් විසින් උපාලි විජේවර්ධන මහතාගේ ආධාරකරුවෙකු ගේ ඔරලෝසුවක් කඩා ගැනීමක් මේ අතර සිදුවිය. 

මෙම සිද්ධිය සම්බන්ධයෙන් උපාලි විජයවර්ධන මහතා අපූරු ප්‍රතිචාරයක් දැක්විය. ඒ ඔහුගේ හෙලිකොප්ටරයක් මගින්, ප්ලාස්ටික් ඔරලෝසු විශාල ප්‍රමාණයක් රොනී ද මැල් මහතාගේ ආධාරකරුවන් සිටි ප්‍රදේශයට ගුවනින් අතහැරීමයි. රොනී ද මැල් මහතා මේ නිසා ාස්‍යජනක ලෙස අපහසුතාවයට පත් විය.

එකල දේශපාලඥයින්ගේ හැසිරීම ඒ ආකාරය.

කොටි පොල්ලේ පහර දීම

 යුද්ධයේ මුල් කාලයේදී ඉන්දියාවේ සිට ලංකාවට සහ අනිත් පැත්තට ොටි ත්‍රස්තවාදීන්ගේ මුහුදු ගමනා ගමනය නිතරම සිදු කෙරුණි. පුහුණුවට යන තරුණ තරුණියන් රැගෙන යාම, පුහුණු සාමාජිකයන් ලංකාවට ගෙන ඒම, ආයුධ සහ නොයෙකුත් වෙනත් යුද උපකරන මෙරටට ගෙන ඒම මෙම මුහුදු ගමනාගමන යෙන් කෙරුණ කටයුතු විය. 

ශ්‍රී ලංකා නාවික හමුදාවේ තිබූ මුර යාත්‍රා වල එතරම් වේගයක් නොතිබුණු නිසා, මෙම යාත්‍රා අල්ලා ගැනීම එකල මහත් උගහට විය. මේ සඳහා එකල වඩාත් ම පාවිච්චි කෙරුණු මුර යාත්‍රා වූයේ එංගලන්තයේ නිෂ්පාදනය කරන ලද fiberglass බෝට්ටු වර්ගයක් වූ චෙවර්ටන් නම් යාත්‍රා වර්ගයකි. මේවයෙ පැයකට මුහුදු සැතැප්ම දොළහක් දහතුනක්  වේගයක් තිබූ අතර hp 40 outboard motors දෙකක් ඩිංගියක සවිකර ගත් කුඩා fiberglass යාත්‍රාවල වේගය සමග කිට්ටු කරන්නටවත් නොහැකි විය.

මෙම ප්‍රශ්නය සඳහා කොතරම් විසඳුමක් සෙව්වද අවුරුදු කිහිපයකට පසුව ඊශ්‍රායලයෙන් dvora  බෝට්ටු රැගෙන එන තෙක්, හරි විසඳුමක් නොලැබුණි. 

මේ සඳහා trial and error විසඳුම් සොයද්දී එක් ට්‍රයල් එකක් වූයේ, කොටි පොල්ල නම් අපූරු සංකල්පයකි. මේ සඳහා අති විශාල පැරණි සේවයෙන් ඉවත් කර දැමීමට ආසන්න වූ වෙළඳ නෞකා තුනක් රැගෙන එන ලද අතර, ඒවායේ පාලනය යටතේ වල්ලම් යාත්‍රා කිහිපයක් ත්‍රස්තවාදී බෝට්ටු යන එන මං අහුරා රාත්‍රිය පුරාවට තබන ලදී. 

මව් යාත්‍රාව ලෙස හැඳින්වූ මෙම වෙළඳ නෞකා වෙ, සිට මෙම යාත්‍රා හසුරුවනු ලැබූ අතර ඔවුන් ආපසු උදෑසන නෞකාව වෙත පැමිණ විවේක ගැනීමට  පුරුදු වූහ. මෙම යාත්‍රා වල සේවය සඳහා අවශ්‍ය තරම් නාවිකයන් නාවික හමුදාවේ නොසිටි හෙයින්, තරුණ ධීවරයන් සමූහයක් බඳවාගෙන කෙටි පුහුණුවක් ලබාදී මේ සඳහා යොදවා ගන්නා ලදී. 

මෙය එතරම් සාර්ථක ක්‍රමයක් නොවූ අතර සංඥා ජාලවල විනය පිරිහී ගොස් පහත් අඩියටම වැටිණ. ඇත්තෙන්ම මෙම ක්‍රමය ගොඩබිම ආරක්ෂණ විදි මුහුදට ගෙන යාමක් හා සමාන විය. ගොඩ වැටක් ගසා ආරක්ෂකයන් යොදවා යම් ස්ථානයක් ආරක්ෂා කළ හැකි වුවද මුහුදෙ එසේ කිරීමට නොහැකි බව මෙම සංකල්පය ක්‍රියාවට යෙදෙන්නට යාමේදී පැහැදිලි විය.

එක් දිනක මෙලෙස මව් යාත්‍රාව ලෙස සේවය කළ වෙළඳ නෞකාව තුළ ිලධාරියෙකුට රාත්‍රියේ කෙනෙකු විසින් පොල්ලකින් පහරදී  සිද්ධියක් ඇති වුණි.  

මෙම සිද්ධිය බරපතළ ගණයේ එකක් වූ නිසා, දවසේ කාර්ය භාර නිලධාරී කේ පරීක්ෂණයට අමතරව, කරේ නගර් නාවික හමුදා කඳවුරෙන්, පරීක්ෂණ මණ්ඩලයක් මේ සඳහා පත් කෙරුණි. මම ද එම පරීක්ෂණ මණ්ඩලයේ සාමාජිකයෙකු විය.

මුලින්ම සැකය තිබුණේ කෙටි පුහුණුවකින් පසු සේවයේ යෙදවූ ධීවර කණ්ඩායම පිළිබඳව වුවද, අපට පරීක්ෂණයේදී දැනගන්නට ලැබුණේ මේ පහර දීම සම්බන්ධව සැක මතු වන්නේ, ස්ථිර සේවයේ තරුණ නැවියන් දෙදෙනකු වෙත බවය.

මොවුන් දෙදෙනා පිළිබඳ නොයෙකුත් සාක්ෂි මතු වුවද කෙලින්ම මොවුන් දෙදෙනා විසින්ම කරන ලදැයි කියන්නට තරම් ඇසින් දුටු සාක්ෂි වැනි සාක්ෂි තිබුණේ නැත. 

කෙසේ වුවද අප මේ දෙදෙනා kareinagar කදවුර වෙත යවා අත්අඩංගුවේ තබන්නට නිර්දේශකර පරීක්ෂණ දිගටම කරන්නට උත්සාහ කළෙමු. 

මේ අතර කරේනගරි කඳවුරේ සිටි ජ්‍යෙෂ්ඨ නිලධාරියකු අපට මෙවැනි සුළු දෙයක් වත් අල්ලා ගැනීමට නොහැකි බවට සමච්චල් කරමින්, දවසක අප දෙදෙනා සමග අත්අඩංගුවේ සිටි මේ නැවියන් ගෙන් පාපොච්චාරණයක් ලබා ගැනීම සඳහා ඔවුන් වෙත ගියේය.

ඔහු ඔවුන්ට තමන් වැරැද්ද කළේ නම් එය පිළිගන්නේ නම් හෝ හරියටම වැරැද්ද කළ කෙනා කියන්නේ නම්, ඔවුනට යම් දඬුවමක් දී සේවයෙන් ඉවත් නොකරන බව මුලින්ම ප්‍රකාශ කර සිටියේය. ඉන්පසු මෙවැනි රැකියාවක් සොයා ගැනීමට තිබෙන අපහසුකම් ද ඔවුනට පැහැදිලි කළේය.

ඉන්පසු ඔහුගේ ප්‍රශ්න ඇසීම මෙසේ විය

ඔබගේ ගම කොහෙද

අනුරාධපුරයේ සර්

ඔබගේ පියා මොනවද කරන්නේ, ඔහු බලාපොරොත්තු වුණේ ගොවිතැන වැනි රැකියාවකි.

අනුරාධපුරේ ලංකා බැංකුවේ ප්‍රාදේශීය කළමනාකරු සර්

ඒ ලයින් එකේ ප්‍රශ්න ඇසීම නැවතිණ. අපි ආපසු නිලධාරි නිවාසය වෙත පැමිණියෙමු.

ලංකාවේ epoch making රජවරු

 අපේ ඉතිහාසයේ රජවරු දෙසිය ගානක් සිටි බව කියනු ලැබේ. නොයෙකුත් කාලවලදී රජවරුන් යැයි කියාගන්නා ්‍රාදේශීය පාලකයනුත් ගණන් කළහොත් මෙය 500ක් පමණ වනු ඇත. 

මෙයින් සමහර රාජ්‍ය නායකයන්, යුගය වෙනස් කළ, එසේත් නැත්නම් රටේ අනාගතය වෙනස් කළ epoch-making ාජ්‍ය නායකයන් වෙති.     මෙයින් සමහර රජවරුන්; දුටුගැමුණු රජු වැනි, රටේ ඉතාමත් ප්‍රසිද්ධියට පත් ව, බොහෝ ජනයාගේ ආදරයට ගෞරවයට පත්ව ඇත. එහෙත් ඊටත් වඩා ඉතිහාසය වෙනස් කළ, සමහර එවැනි රජවරු, පිළිබඳව තරම් ප්‍රසිද්ධියක් ලැබී නැත. 

මෙයට හොඳම උදාහරණයක් වන්නේ, කන්ද උඩරට රජ කළ පළවෙනි විමලධර්මසූරිය රජතුමාය. කුඩා කල සිට පෘතුගීසීන් සමග හැදී වැඩුණු ඔහු, ඔවුන්ගෙන් රට බේරා ගැනීමට, කන්ද උඩරට රජ විය, ඔවුනට විරුද්ධව යුද්ධ කළේ නැත්නම්, ලංකාවේ අනිකුත් කොටස් මෙන් කන්ද උඩරට ද පහසුවෙන්ම පෘතුගීසීන් යටතට පැමිණීමට ඉඩ තිබුණි. 

ඇත්තෙන්ම එසේ නොවී බේරුණේ කොනප්පු බණ්ඩාර හෙවත් පලවෙනි විමලධර්මසූරිය රජතුමාගේ තැනට සුදුසු නුවණ සහ එඩිතර බව නිසාය. එතැනදී ඔහු නැගී සිටියේ නැත්නම්, මුළු ලංකාවම පෘතුගීසි කොලනියක් බවට පත්වනූ නොඅනුමානය. 

සීතාවක රාජසිංහ රජුගේ අගමැතිවරයා වූ , අරිට්ඨ කී වෙන්ඩු පෙරුමාල් නැමැති සීතාවක රාජසිංහ රජු මිය ගිය පසු , ජයවීර බණ්ඩාර රජු ලෙස නමක් පටබැඳ ගෙන විශාල සේනාවක් සමග පෘතුගීසීන් හා එකතු වු, සෙනෙවියා පෘතුගීසීන්ට ඇත්තෙන්ම එවැනි යෝජනාවක් ඉදිරිපත් කළේය. මෙම යෝජනාව ඉදිරිපත් කළේ ඔහු පෘතුගීසින් හා එක්ව ෙංකඩගල නුවර ආක්‍රමණය කර මහනුවර කඳවුරු බැඳ සිටියදී ය. මේ අවස්ථාවේ විමලධර්මසූරිය රජු මහනුවර එන් පසු බැස කඳු අතර සැඟවී සිටියේය.

ජයවීරගේ යෝජනාවෙන් කියැවුණේ, තමන්ට මහනුවර රාජවංශික දෝන කැතරිනා කුමරිය විවාහ කර ගන්නට ඉඩ දෙන ලෙස සහ එසේ විවාහ වෙන්නට ඉඩ දෙනවා නම්, තමන් පෘතුගීසීන් යටතේ කන්ද උඩරට සමන්ත වරයෙකු ලෙස කටයුතු කිරීමට කැමති බවයි.

එහෙත් ඔවුනුත් රාජාණ්ඩුවක් නිසාවෙන් රාජවංශයට මහත් ගෞරවයක් දැක්වූ පෘතුගීසීහු එම යෝජනාවට කැමැත්තක් දැක්වූයේ නැත. මෙම ප්‍රශ්නය දුරදිග ගොස් පෘතුගීසීන් අතින් ජයවීර බණ්ඩාර මැරුම් කෑවේය. මේ ප්‍රශ්නය දුරදිග යාමට, තවත් හේතුවක් වූයේ ජයවීර බණ්ඩාර සහ සැඟවී සිටින විමලධර්මසූරිය රජු අතර, යම් කුමන්ත්‍රණයක් සිදු වෙමින් තිබෙන බවට පෘතුගීසින් සැක කිරීමයි.

මෙයින් පසුව ජයවීරගේ සේනා පෘතුගීසීන් ගෙන් ඉවත්ව විමලධර්මසූරිය රජු හා එකතු වූ අතර ඔවුනට පෘතුගීසීන් කන්ද උඩරටින් පලවා හරින්නට හැකියාව ලැබුණි. 

තමන් සමග සිටී, රාජ වංශිකයෙකු නොවන කෙනෙකු, තමන් පරදවා කන්ද උඩරට රජ වීම පෘතුගීසීන්ට මහත් ලැජ්ජාවක් සහ කෝපයක් ගෙන දුන්නේ ය. ඔවුහු පිටරටින් ද හමුදාවන් ගෙන්වා, දිවයිනේ අනෙක් ප්‍රදේශ වලින්ද මහත් හමුදාවක් හදාගෙන විමලධර්මසූරිය රජු පැරදවීමට අප්‍රතිහත ධෛර්යයකින් කටයුතු කළහ. 

එහෙත් බලන සහ දන්තුරේ දී ඇතිවූ අතිශය දරුණු සංග්‍රාම දෙකකින්, පෘතුගීසීන් සම්පූර්ණයෙන්ම පැරදවීමට විමලධර්මසූරිය රජුට හැකි විය. 

ඇත්තෙන්ම ඔවුන් මෙහිදී ඇතිවූ පරාජයන්, පෘතුගීසි බලය ආසියාවේ මේ ප්‍රදේශයේ අවසන් වන්නටත් ප්‍රධාන හේතුවක් වූයේ යැයි සිතිය හැක.

විමලධර්මසූරිය රජු ඉතිහාසයේ එම අවස්ථාවේ මතු වූයේ නැත්නම්, අනිවාර්යෙන්ම සම්පූර්ණ ශ්‍රී ලංකාව ම, පෘතුගීසි කොලනියක් වීමටත්, ඉන්පසු ඕලන්ද සහ ඉංග්‍රීසි අධිරාජ්‍යයන්ට අතිනත යාමටත්, පැහැදිලි ඉඩකඩක් තිබුණ බව පෙනේ.

ඉතිහාසය වෙනස් වූයේ නම් සිදුවන දෑ හොඳ දේවල් ද නරක දේවල් දැයි අපට සිතන්නට අපහසුය. සමහරවිට විමලධර්මසූරිය චරිතය එකල ඇති වූයේ නැත්නම්, අප දැන් බොහෝ දුරට සම්පූර්ණයෙන්ම වාගේ ක්‍රිස්තියානි රෝපීය චාරිත්‍ර වාරිත්‍ර වලින් යුතු එක් වීමට බොහෝ ඉඩකඩ තිබුණ බවත් පෙනේ.

වෙළඳ නෞකා වල හොරු ඇල්ලීම අවසාන සහ දෙවැනි කොටස

 https://lakshmanillangakoon.blogspot.com/2021/09/blog-post_23.html?m=1

තරමක වේලාවක් ගත කර, සිතියම මත අඳින ලද fix එක, තමන් ඇත්තෙන්ම සිටින ස්ථානය ට වඩා මුහුදු සැතපුම් අසූවක් පමණ දුරින් තිබෙන බව මගේ මිතුරාට පෙනුණි.

 අලුත් නිලධාරියාට  අත්වැරදීමක් සිදුවන්නට ඇතැයි, සිතා ඔහු නැවත වරක් අලුත් fපික්ස් එකක් දමන ලෙසට කියා සිටියේය. එයත් ඒ ආකාරයෙන්ම වැරදුනු නිසා, කොහේ හෝ යම් වරදක් සිදුවී ඇති බව මගේ මිතුරා අවබෝධකර ගත්තේය. 

ඔහු ඒ වන විට තමාගේ මුරය අවසන් වී තිබුණ ද, ඉතිරි පැය හතරම bridge එකේ නැවතී අලුත් නිලධාරියාට රේඩාර් එක යොදාගෙන තමන් ඉන්නා තැන සොයාගන්නා ආකාරය ඉගැන්වීය. 

තමන්ට ඒ හැකියාව නොමැති වීම පිළිබඳව ඔහු නොයෙකුත් කාරණා කිව්වද ඒවා පිළිගත නොහැකි කාරණා විය. ලාංකිකයෙකු නිසා උදව් කිරීමටත් අවශ්‍ය නිසා ත්, නැව වැරදි ආකාරයකට ගමන් කරවා විශාල අනතුරකට මුහුණ පෑමට ඉඩ තිබෙන නිසා ත් , මගේ මිතුරා මාසයක් පමණ යන තෙක්, අලුත් නිලධාරියාට නාවික ගමනාගමනය සහ නෞකාවල භාණ්ඩ සහ තෙල් පිලිබඳ ගණනය කිරීම් ඉගැන්වීය.

අලුත් නිලධාරියා මේ තරම් දැනුමෙන් මද වීමට යම් වංචා සහගත යමක් සිදුවී ඇති බව තේරුම්ගත් මගේ මිතුරා, දවසක නිලධාරීන්ගේ සහතික දමා තිබෙන කපිතාන්ගේ දහවල් කාමරයේ (day room) තබා තිබෙන මේ අලුත් නිලධාරියාගේ සහතිකය පරීක්ෂා කර බැලීය. 

ඒ සහතිකය තමන්ගේ සහතිකයට වඩා අවුරුදු දෙකකින් අලුත් එකක් වුවද සහතිකයේ අංකය තමන්ගෙ අංකයට වඩා සීයක් පමණ පැරණි අංකයක් තිබීම ඔහු නිරීක්ෂණය කළේය. ඔහු අනෙක් නිලධාරීන්ට හොරෙන් මේ පිළිබඳව අලුත් නිලධාරියාට පෙන්වා ඔහුගෙන් කරුණු විමසා සිටියේය. 

තමන් වංචාසහගත සහතිකයක් යොදාගෙන මේ රැකියාව ලබා ගෙන ඇති බව ඔහු පිළිගත්තේය. මගේ මිතුරා ඔහු සාක්ෂාත් කරගත් මේ වංචාව පිළිබඳව නෞකාවේ කපිතාන්ට වාර්තා නොකර, නෞකාවේ මෙවර මාස හය කොන්ත්‍රාත්තුව අවසන් වන තෙක් සේවය කර ආපසු රටට යන ලෙස ඔහුට දන්වා සිටියේය. 

ඔහුගේ මෙයට පොරොන්දුවී ලිපියක් ද ලබා ගත්තේය. 

එහෙත් ඉන්පසු මගේ මිතුරා ාත්‍රියට නිදා ගන්නා විට ; සාමාන්‍යයෙන් නෞකාවල කාමර ඇතුලෙන් අගුලු දැමීම නොකරන නමුත්, තමන්ගෙ කාමරයේ අගුළු දැමීමට අමතක නොකළේය.

මීළඟට නෞකාවේ සේවයට පැමිණි, ඉන්දියාවේ ගෝවා වල නිලධාරියකු වූ...... සම්බන්ධයෙන් ද මෙවැනිම සිදුවීමක් සිදු විය. ඔහුගේ වෙළඳ නෞකා වල හැකියාවන් සුදුසුකම් සහ අත්දැකීම් වලට වඩා අඩු බව පෙනුණු මගේ මිතුරා ැන් පරීක්ෂාකිරීමට ක්‍රමයත් දන්නා නිසා, කපිතාන්ගේ දහවල් කාමරයේ සහතික නැවත පරීක්ෂා කළේය. මෙය ඉන්දියානු සහතිකයක් නිසා තමන්ගේ සහතිකයත් සමඟ සංසන්දනය කර එහි යම් වැරැද්දක් සොයාගැනීමට නොහැකි බව තේරුම් ගත් ඔහු, එහි තිබිය හැකි අනෙකුත් වැරැදි පිළිබඳව පරීක්ෂා කළේය. 

එම සහතිකයේ ද ඔහු යම් පටලැවිල්ලක් නිරීක්ෂණය කළේය. එය ධර්මාශෝක අධිරාජයා පිළිබඳ පටලැවිල්ල කි. ඒ ඒ ඉන්දියානු රාජ්‍ය ලාංජනය වන අශෝක ස්ථම්භයේ එක් සිංහයකු පැත්තකට කඩා වැටී සිටිනු දැකීමයි. 

ඔහු මෙම සහතිකය පෙන්නුවා ඉන්දියානු නිලධාරියාගෙන් මේ පිළිබඳව ප්‍රශ්න කරන විට ඔහු ද ඔහු විසින් කර ඇති වැරැද්ද පිළිගත්තේය. ඉන්දියානුවාට ද, වංචාසහගත ලාංකික නිලධාරි 8 දුන් ප්‍රතිකර්මය ම ලබා දුන්නේය. 

මින් පසු ඔහු තමන්ගෙ කාමරයේ නිදාගන්නා විට ඇතුළතින් අගුල් දෙකම දාගන්න පුරුදු වූයේ ය.

සෑම අත්දැකීම කින් ම කෙනෙකුට යමක් ඉගෙන ගන්නට පුළුවන. ඔහුගේ මෙම අද්දැකීමෙන් අපට කරුණු කිහිපයක් පෙනේ. 

වෙළඳ නෞකා වල කොපමණ හොර සහතික ඇති නිලධාරීන් සේවය කරනව ඇද්ද යන බව.

නෞකා ගමනාගමනයේ නිලධාරියකුගේ මුරයක් කිරීමට කොතරම් කෙටි කලකින් ඉගෙන ගන්නට පුළුවන් ද යන බව.

යම් වංචාවක් කරන විටත්, ඒවා ්‍රවේසමෙන් නොකළහොත්, සුළු වැරැද්දකින් එය අසූ වන්නට ඉඩ තිබෙන බව.

වෙළඳ නෞකා වල සොරු ඇල්ලීම

 

https://lakshmanillangakoon.blogspot.com/2021/08/blog-post_24.html?m=1

අවුරුදු 10ක් පමණක් නාවික හමුදාවේ සේවය කර එහෙත් අවුරුදු 100ක පමණ ්‍රියාකාරකම්වල යෙදුණා අමුතු විදිහේ අත්දැකීම් ඇති මගේ මිතුරෙකු ගැන මම මීට පෙර බ්ලොග් දෙකක් ලියා ඇත්තෙමි.

ඒවායේ link මුදුනේ ඇතුල් කර ඇත.

මේ මිතුරා ලුතිනන් වරයෙකු ලෙස නාවික හමුදාවෙන් ඉවත් වී ; ඒ ඉවත් වුණු කතාව බොහෝ සිත්ගන්නා සුළු එකක් වුවත් එය ලියන එක හොඳ දැයි සිතා ගැනීමට අපහසු නිසා නොලියා සිටිමි, ටික කලකින් වෙළඳ නෞකාවකට රැකියාව සඳහා පිටත් විය. ඔහු එසේ ගියේ එංගලන්ත නාව්ක සමාගමකට අයිති, නෞකාවක හතරවෙනි නිලධාරියා වශයෙනි (කපිතාන් , ප්‍රධාන නිලධාරී, දෙවන නිලධාරි තුන්වන නිලධාරීන් සහ හතරවන නිලධාරීන් වෙළඳ නෞකා වල සාමාන්‍යය hierarchy ය වෙයි. 

කපිතාන්වරයා  නෞකාවේ ප්‍රධානියා ය. එහි සියලු වගකීම් දරන්නේ ඔහු විසිනි. ඊළඟට සිටින chief officer එහෙම නැත්නම් ප්‍රධාන නිලධාරී නෞකාවේ ගෙනයන බඩුබාහිරාදිය පිළිබඳ වගකීම දරයි. අනෙක් නිලධාරීන් ඔවුන්ගේ වැඩ කටයුතු වලට සහාය දක්වන අතර, මුහුදේ දී නෞකාව නියමිත ස්ථානය කරා ගෙන යාමට උදව් වෙති.

සාමාන්‍යයෙන් වෙළඳ නෞකාවක මුහුදේ දී නැව ගමනේ යෙදෙන විට එකෙක් නිලධාරීන් නැවේ මෙහෙයුම් කටයුතු කරන්නේ පහත ආකාරයටය.

මේ නිලධාරීන් නෞකාව ගමනාගමන යෙදවීමට පැය හතරෙ මුරයන් කරයි.

හතරවෙනි නිලධාරියා වශයෙන් සේවයට බැඳුණු ගේ මිත්‍රයා ඉංග්‍රීසි ජාතික කපිතාන් සහ ප්‍රධාන නිලධාරී ගේ සිත් දිනාගෙන ඉක්මනින් ඉහළ තනතුරුවලට උසස්වීම් ලැබුවේය.

මේ නෞකාව සේවයේ යොදවා තිබුණේ ැදපෙරදිග ප්‍රදේශයේ වූ අතර එකල මැදපෙරදිග යුද්ධයක් ද පැවතිණ.

කෙසේ හෝ මේ දිනවල නෞකාවේ හතරවෙනි නිලධාරියෙකු සඳහා පුරප්පාඩුවක් ඇති වින. මේ නෞකාවට නොයෙකුත් රැකියාවන් සඳහා සුදුසුකම් ඇති පුද්ගලයන් සොයා දුන්නේ ලංකාවේ ම ව්‍යාපාරයෙහි යෙදෙන සමාගමක් මගිනි. 

පුරප්පාඩු වූ හතරවැනි නිලධාරියාගේ රාජකාරි සඳහා ද, සුදුසුකම් ලත් ගැලපෙන පුද්ගලයෙකු එම සමාගම මගින් ම ලංකාවේ සිට මෙම නෞකාව වෙත එවන ලදී. 

තමන්ට තවත් ලාංකික නිලධාරියෙකු නෞකාව වෙත ලැබීම පිළිබඳව මගේ මිතුරා බොහෝ සතුටට පත්විය. එහෙත් මගේ මිතුරා තමන්ගේ වොච් එක (මුරය) වන 0400-0800 අවසන් කළ පසු ඊළඟ මුරයට පැමිණිය යුත්තේ අලුතෙන් ලංකාවෙන් නෞකාව වෙත ගිය නිලධාරියාය. සාමාන්‍යයෙන් එසේ මුරයක් භාරදෙන විට, අලුතෙන් පැමිණෙන නිලධාරියා නෞකාව තිබෙන ස්ථානය හරියටම ශපථ කර ගැනීමට, fපික්ස් එකක් ලබාගැනීම නෞකා ජීවිතයේ සිරිතයි. 

මගේ මිත්‍රයා ද නව නිලධාරියා එසේ fix එකක් දාන තුරු බලා සිටියේ ය. එහෙත් ඔහු එයට එතරම් උනන්දුවක් නොපෙන්වන නිසා ඔහුට fix එකක් දමන ලෙසට දන්වා සිටියේය. දුර තුනක්, දුර දෙකක්, දුර සහ කෝණ සංයෝගයක් යනාදී වශයෙන් මෙම fix එසේත් නැත්නම් තම ස්ථානය ැන ගැනීමේ ක්‍රමය සොයා ගනු ලැබේ.

මා මිතුරාගේ වදයට, අලුත් 4වැනි නිලධාරියා radar  උපකරණයෙන් බලා fix එකක් දැම්මේ ය......... ඉතිරි කොටස හෙට. 🤣

 https://lakshmanillangakoon.blogspot.com/2021/09/blog-post_78.html?m=1

රවි ජයවර්ධන සහ M16 අවි මිලට ගැනීම

 https://lakshmanillangakoon.blogspot.com/2021/08/blog-post_24.html?m=1

මෙතැන් සිට

මම මීට පෙර දවසක මගේ පරණ මිතුරෙකු ගැන කතාවක් ලිව්වෙමි. ඔහු අවුරුදු දහයක් පමණ නාවික හමුදාවේ සේවයකර, ඉන්පසු ස්වකැමැත්තෙන් සේවයෙන් ඉවත් වී එංගලන්ත සමාගමක වෙළඳ නෞකා වල සේවය කර, ඉන්පසු දේපල වෙළඳාමට පිවිසුණු කෙනෙකි.

වීර ක්‍රියා වලට මහත් ප්‍රසිද්ධියක් ඉසිලූ ඔහු, ඒ වීරත්වය සඳහා ීර වික්‍රම විභූෂණය සම්මානයෙන්ද පුද ලැබීය. 

මේ ළඟදී ඔහුත් සමඟ කතා කරමින් සිටියදී, ජේ ආර් ජයවර්ධන ජනාධිපතිවරයාගේ පුතා වූ රවී ජයවර්ධන, පිළිබඳව සිත් ගන්නා වූ කතාවක් අහන්නට ලැබුණි. මෙම කතාවේ ඇති සිත්ගන්නාසුලු ගතිය නිසාම මට මෙලෙස මෙය ලියා තබන්නට සිතුනි. 

මගේ මිත්‍රයා ඔහුගේ යුද බිමේ දක්ෂතාවයන් නිසාම නාවික හමුදාවේ  ගොඩ සටන් සඳහා පිහිටුවනු ලැබූ; බොහෝවිට ඇමරිකාවේ us marines ගැන සිතා විය යුතුය, නාවික සෙබළ අංශයේ ්‍රධානියා ලෙස පත්විය. එසේ පත්කරද්දී, මෙම අංශය එක්සත් රාජදානියේ SBS ලෙසට කොමාන්ඩෝ කණ්ඩායමක් ලෙස ස්ථාපිත කරන්නට ඔහුට ඕනෑකම තිබුණද නාවික හමුදාව එයට කැමති වී නැත.

මෙම නාවික සෙබල අංශය මුලින්ම පුහුණු කරන ලද්දේ ්‍රී ලංකා යුද්ධ හමුදාවේ දියතලාව පුහුණු කඳවුරේදී ය. මෙයින් ටික කාලෙකට පසුව මගේ මෙම මිත්‍රයා ශ්‍රී ලංකාවේ හමුදාවල පාවිච්චිය සඳහා අලුත් ආයුධයක් හඳුන්වාදීමට පරික්ෂා කිරීම සඳහා නාවික හමුදා මූලස්ථානය පනාගොඩ කදවුර වෙත යැවින. ඔහු පනාගොඩ වෙඩි පිටිය වෙත ගිය විට එතැනට ඒ සඳහා යුද හමුදාවෙන් සහ ගුවන් හමුදාවෙන් ද නියෝජිතයන් ලෙස නිලධාරීන් දෙදෙනකු පැමිණ සිටියහ.

ටික වේලාවකින් එකල ජනාධිපතිවරයා වූ ජේ ආර් ජයවර්ධන මහතාගේ පුත් ravi jayawardena මගේ මිතුරාට අනුව පරණ ford cortina රථයක්, ඔහුම පදවාගෙන එම ස්ථානයට පැමිණියේය.

ඔහු පැමිණ පැත්තේ ඇමරිකාවෙන් එකල මිලදී ගන්නට සැලසුම් කළා M 16 අවියකුත් සමගය. මේ නිලධාරිනුත් සමග ඔහු එම අවිය වෙඩි තබා පරික්ෂා කළේය. ශ්‍රී ලංකාව වෙඩිතැබීමේ තරඟවලින් ඔලිම්පික් තරඟ නියෝජනය කළ ආයුධ සම්බන්ධ හොඳ දැනුමක් සහ අත්දැකීම් තිබූ ඔහු එම ආයුධය මා මිතුර ඇතුළු අනෙකුත් නිලධාරීන් සමඟ ගලවා පරීක්ෂාකර, අප දැනට පාවිච්චි කරන අවිය තරම්; ඒ කියන්නේ අප ටී56 ලෙස හඳුන්වන චීන අවිය, ඇමරිකානු අවිය, රළු පාවිච්චියට නුසුදුසු බවත්, ඒවායේ නඩත්තු තරමක් අපහසු බව පෙනෙන බවත් කියා පැමිණ සිටි නිලධාරීන්ගෙන් ඔවුන්ගේ අදහස් විමසා සිටියේය.

නිලධාරීන් ද එයට එකඟ විය. 

කවුරුන් හෝ විශාල මුදලකට ලංකාවේ හමුදාවලට ඇමරිකානු එම් 16 අවිය ,ඒ වනවිටත් පාවිච්චියේ තිබුණු T 56  කවිය වෙනුවට මිලදී ගැනීමට, ගත් උත්සාහය එතකින් වැලැක් වුණු බව පෙනේ.

2004 වසරේ බිම්බෝම්බ සහ නව නිපැයුම්

මම 2004 /5 වසරවල උතුරු නාවික විධානයේ ියෝජ්‍ය ආඥාපතිවරයා වශයෙන් සේවය කළෙමි. මෙලෙස නියෝජ්‍ය ආඥාපතිවරයා, ආඥාපතිවරයා හා සමග වාසය කළේ එසේම කාර්යාල යනාදිය පවත්වාගෙන ගියේ කන්කසන්තුරය වරාය මැදිකර පිහිටුවා තිබුණු උත්තර නමැති නාවික කඳවුරේ ය.

මේ අතර යුද හමුදාවේ යුද හමුදාපතිවරයා මාරුවිය. අලුත් යුද හමුදාපතිවරයා බවට පත්වූයේ වර්තමානයේ ෆිල්ඩ් මාර්ෂල් සරත් ෆොන්සේකාය. ඔහු මුලින්ම පත්වීම භාරගෙන පලාලි කඳවුරට පැමිණෙන දින ඔහුත් සමඟ එකල ආරක්ෂක මාණ්ඩලික ප්‍රධානී අද්මිරාල් සඳගිරි ද පැමිණෙන බව දන්වා මට ද එම රැස්වීමට පලාලි කඳවුරට පැමිණෙන ලෙසට දන්වා තිබුනී. 

ඊට පෙරදින නාවික හමුදාපතිවරයා ද කන්කසන්තුරේ වෙත පැමිණ අප දෙදෙනාම එම රැස්වීමට ගියෙමු. එසේ පලාලි වෙතට යනවිට මම නාවික හමුදාපතිවරයා ත් රැගෙන මගේ වන එළවා ගෙන ගිය බව මට මතකය.

මේ රැස්වීමට, ප්‍රදේශය සෑම ජේෂ්ඨ හමුදා නිලධාරියකු ම වාගේ පැමිණ සිටි අතර රැස්වීමේදී යුද්ධය පිළිබඳ නොයෙකුත් ප්‍රශ්න ගැන කතා බහ ඇති වුණි. 

මේ සෑම දෙනෙකුටම තිබුණු ප්‍රධාන ප්‍රශ්නයක් ලෙස සඳහන් කෙරුණේ එකල ත්‍රස්තවාදීන් විසින් හමුදාවන්ට විරුද්ධව පාවිච්චි කෙරුණු බිම්බෝම්බ පිළිබඳවය. මේ තර්ජනය පිළිබඳව යමක් කළ යුතුයැයි සෑම දෙනාම ආරක්ෂක මාණ්ඩලික ප්‍රධානී සහ හමුදාපතිවරයාට දන්වා සිටියෝය.. 

මේ අවස්ථාවේ නව යුද හමුදාපතිවරයා මේ පිළිබඳව කරන්නට යම් විසඳුමක් තිබේ දැයි රැස්ව සිටි සියලු දෙනාගෙන් ඇසුවේය. මේ පිළිබඳව මට යම් අදහසක් තිබුණි. එවැනි අදහසක් තිබුණා පමණක් නොව මම මේ සඳහා යම් විසඳුමක් කලකට පෙර 2001 වර්ෂයේදී උතුරු මැද නාවික විධානයේ නියෝජ්‍ය ආඥාපතිවරයා වශයෙන් සිටියදී ඉදිරිපත් කර තිබුණි. ඇත්තෙන්ම මේ ළඟදී මම මගේ පරණ කබඩ් එකක් අස් කරද්දිඑසේ ඉදිරිපත් කරන ලද යෝජනාව හමු වුනු අතර මෙම ලිපිය ලිවීමට මුල් වූයේද එම හමුවීමයි. 

දැන් මේ ප්‍රශ්නය පිළිබඳව යම් පැහැදිලි කිරීමක් අවශ්‍ය වෙයි. එකල එල්ටීටීඊ ත්‍රස්තවාදීන් විසින් අපගේ වාහන වලට බිම්බෝම්බ තැබීම පටන්ගත් මුල් කාලෙ වගේ විය. මුලින්ම මෙම බිම්බෝම්බ සවි කළේ වයර් සහිතවය. බෝම්බය පාරේ වලලා, එය පුපුරුවන්නට විදුලිබල සංඥාව සේ නැත්නම් ට්‍රිගර් කිරීම, එයට සවි කරන ලද වයර් එකක් දිගේ එවීම, එම බෝම්බ පිපිරවීමේ ක්‍රමවේදය විය. 

එහෙත් ඊට පසු මෙම බිම් බෝම්බ පිපිරවීම වළැක්වීමට පාරේ වාහන වලට ඉදිරියෙන් එසේ පාරෙන් ඉවතට වයර් තිබේදැයි බැලීමට clearing  පාටි එකක් යොදා ගැනීමට පටන් ගැනිණ. ඔවුන් පාරේ දෙපස කාණුවල උදේ පාන්දර සහ සැක සිතුනු විට නගුලක් වැන්නත් ඇදගෙන යාමෙන් මෙම වයර් සොයාගැනීම කරන ලදී. මෙවැනි ක්‍රම මගින් ත්‍රස්තවාදීන්ගේ අරමුණ ව්‍යවර්ථ වන බව දුටු ඔවුහු, ඊට වඩා තාක්ෂණයෙන් ඉහළ වයිෆයි ්‍රමයක් යොදා ගැනීමට පටන් ගත්හ. එතනදී සිදුකරන ලද්දේ බෝම්බය පිපිරවීමට අවශ්‍ය සංඛ්‍යානයෙ රේඩියෝ තරංග, ඈතක සිට වයර් නොමැතිව පිපිරවීමට අවශ්‍ය වේලාවට මුදා හැරීමයි. (Remote control)

මේ ක්‍රමයේදී ක්ලියරින් පාටි වල ්‍රයෝජනය සම්පූර්ණයෙන්ම නැතිව ගියේය. මම මුලින් කියූ යෝජනාව නවික හමුදා මූලස්ථානය ට ඉදිරිපත් කළේ මෙම අවධියේ දීය. එම යෝජනාවෙන් ඉදිරිපත් කරන ලද්දේ නොයෙකුත් වැනි බෝම්බයක් ට්‍රිගර් කිරීමට පාවිච්චි කළ හැකි සංඛ්‍යාන නිකුත් කරන උපකරණයක් සාදා වාහනයේ ඉදිරිපස එය සවි කළ යුතු බවයි.

එහෙත් නාවික හමුදාවෙන් එම යෝජනාව පිළිගත් බවක් පෙනෙන්නට තිබුණේ නැත.

පලාලි රැස්වීමේදී මේ ගැන ඇසූ විට වෙනත් කිසියම් විසඳුමක් ඉදිරිපත් වූයේ නැති නිසා ම මගේ අදහස සභාවට ප්‍රකාශ කළෙමි. මගේ යෝජනාව වූයේ අපගේ වාහන සතුරු තර්ජනය තිබෙන ප්‍රදේශවල ගමන් කරන විට බිම් බෝම්බ පිපිරවීම  සඳහා යොදවා ගත හැකි සංඛයාත වල රේඩියෝ තරංග නිකුත් කරනා උපකරණයක් එසේ නැත්නම් උපකරණ කිහිපයක් මේ වාහන වල ඉදිරියෙන් සවි කිරීමයි. එවිට බෝම්බය පුපුරන්නට ‍ප්‍රෝරෝග්‍රෑම් කර ඇති සංඛයාතය ඇති රේඩියෝ තරංගය බෝම්බයට පැමිණි විට බෝම්බය පුපුරා යයි. එවිට බෝම්බය පුපුරා යන්නේ වාහනය බෝම්බය මතට ඒමට පෙර ය. මේ අදහස ගැන ජෙනරාල් ෆොන්සේකා මගෙන් යම් පැහැදිලි කිරීම් කිහිපයක් විමසූ අතර ඔහු මේ පිළිබඳව යම් උනන්දුවක් දක්වන බව මට සිතුනි.

රැස්වීම අවසානයේ මා ආපසු කන්කසන්තුර කඳවුරට ගියෙමි. අපේ කදවුර අසල තිබූ යුද හමුදා කඳවුරක එකල ්‍රධානියා වශයෙන් සිටියේ සංඥා බලකායේ කර්නල් මීඩින් වූ අතර ඔහු, මෙකල මගේ මේස පන්දු ක්‍රීඩාවේ නිතරම යෙදුණු මිත්‍රයා විය. 

ඔහු පසු දින උදේ පැමිණ මා හමු වී, ඔහු පනාගොඩ කඳවුරට මාරු කර ඇති බව පවසා සිටියේය. ඔහුගෙන් පෙරදින රාත්‍රියේ general Fonseka මා ඉදිරිපත් කළ යෝජනාව ඒ පරිදි උපකරණයක් සෑදීම ්‍රායෝගිකව දැයි විමසා බලා ඇති බව මට දැනගන්නට ලැබුණි.

ඔහු එය ප්‍රායෝගික යැයි පැවසූ විට වහාම හෙට පනාගොඩ කඳවුරට ගොස් මෙම උපකරණ සෑදීමට පටන් ගන්නා ලෙසට දැනුම් දී ඇත. 

යුද්ධ කාලයේ බිම් බෝම්බ වලින් අප හමුදාවල වාහන ආරක්ෂා කර ගැනීම සඳහා මගේ දායකත්වය ඒ පරිදිය.

අවසානයේ එලෙස සාදන ලද උපකරණ ප්‍රමාණයක් නාවික හමුදාවේ වාහන ආරක්ෂා කර ගැනීමට ද අප වෙතද ලැබුණි.

ඉන් ටික කලකට පසුව මම නාවික හමුදාවේ projects and plans අධ්‍යක්ෂවරයා බවට පත් වුණු පසු, ආරක්ෂක අමාත්‍යාංශයේ මුලින්ම පිහිටුවන ලද නව සොයා ගැනීම පිළිබඳව කමිටුවේ ්‍රිගේඩියර් මීඩින් සමග සාමාජිකයෙකු ලෙස බොහෝ කලක් යුද්ධය සඳහා නව නිපැයුම් දියුණු කිරීමට මම කටයුතු කළෙමි.

අතීතයෙන් සත්‍ය කතා 2 හූනියම් දේවතාවාගේ සරම කැඩීම

 දෙවැනි කොටස

. ඒ වතුවල දේවල්වලින් තමයි ඔවුන් ජීවත් වුණේ. ඒ වතු වල වැඩට එන මිනිස්සු තාත්තට හැමදාම උදේට කියනවා මහත්තයා වතුවල කෙසෙල් කපල තියනව. කිතුල් තෙලිජ්ජ හොරකම් කරල තියෙනවා කියලා. දවසක් අම්මා ගෙදර නිදාගෙන ඉද්දි ශබ්දයක් ඇහිල තියෙනවා. ඉන්පසු අම්මා නැගිටලා කොකෝවා කඩන කෙක්ක අරගෙන පහලට යන විට පොල් ගහක හූනියන් දේවතාවුන් වහන්සේ වගේ ඇඳගෙන කෙනෙක් ඉන්නවා. අම්මා හිතලා තියෙන්නේ ඇත්තටම හූනියන් දේවතාවුන් වහන්සේ කියලා. ඉතින් අම්මත් කෙක්ක ඉහලට ඔසවනවා ලු ආයෙමත් පහළට ගන්නවලු. 

ඒ හොරා නැගල තියෙන්නේ හොරෙන් පොල් කඩන්න. ඊට පස්සේ හිමීට හොරා බැහැලා දුවලා. අනිත් හොරු ඇළට වෙලා මේ හොරා දෙන පොල්ගොඩ ගහනවලු. ගෙදර හිටපු බිලින්දා කියන වැඩට හිටපු අයට කියලා පොල් ගෙදරට ඇදගෙන. පස්සේ මේ කතාව ප්‍රසිද්ධ වෙලා ගිහිල්ලා තියෙනවා. 

තාත්තගේ දෙවෙනි කසාදේ අම්මට දුලා පස් දෙනෙක් හිටියා. දුවලාට ඒ ඉඩම් බෙදලා දුන්නා. හුඟදෙනෙක් කසාද බැඳලා ඒ ඉඩම් විකුණලා ගිහිල්ලා. තවමත් ටිකක් තියෙනවා. ඒ කාලෙට මිනිස්සුන් දහයක් පහලවක් විතර රාත්‍රී 12 වෙනකන් වැඩ කරනවා. අපේ තාත්තා බොක්කාවල අරඹේපොල තිබ්බ ඉඩම් අපේ අයියා නමට ලියලා දෙන්න කියලා කිව්වහම නිකංම ලියලා දෙනවා. ඔහොම දීලා තාත්තට වත්තෙ රස්සාව නැති වුණා. ඉන්පසු අලවතුගොඩ පෙට්‍රල් ෂෙඩ් එකේ manager රස්සාව දුන්නා. 

තාත්තා හරිම කරුණාවන්තයි. ඉල්ලන දෙයක් ඕනම කෙනෙකුට දෙනවා. ටයි කලිසම්   නැහැ කිව්වත්, කන්න නැහැ කිව්වත්, බඩු අරන් දෙනවා. තාත්තට කවුරුහරි ඉඩම් නැහැ ගෙවල් නැහැ කිව්වොත් අහවල් වත්තේ ගස් ටික කපා ගෙන ඉදපන් කියනවා. ඉතින් තාත්තා ඔහොම කරලා තාත්තට සල්ලිත් ඉවර ඉවර වුනා. දේපළත් ඉවර වුනා. ඉන්පසු තාත්තට මුලින් හිටපු යාළුවො නෑදෑයො හිතවත්තු කිසිම කෙනෙක් තාත්තව වැඩිය ගණන් ගත්තේ නැහැ. තාත්තා එයාගේ දේපළ ඉවර උනාට පස්සේ පහත රට කසාදෙට අනුව අම්මාගේ දේපල වලින් කොටසක් තාත්තට අයිති වුන නිසා ඒ සේරම පොඩි මාමට විකුණුවා. පොඩි මාමා අපි තුන්දෙනාගෙම කොටසුත් භුක්ති විඳිනවා. පොල් පුවක් කුරුඳු තේ වතු. මට දැන් අවුරුදු පහලවක් 18ක් විතර වයස. මම පොඩි මාමාගෙන් රුපියල් පන්සියයක් ඉල්ලුවා. එයාගේ දුවලා බක්කි කරත්ත වල නුවරට එන්නෙ ඉගෙන ගන්න. ඒ කාලේ අමු තේ කොළ රාත්තල ශත පහක් හතක් පමණ වුණා. එහෙම සල්ලි ඉල්ලුවහම වහාම කරුංකා ගොඩ පෙන්නලා ඉස්කෝලෙට සල්ලි ගෙවන්න ඕන. අරක ගණන් නැහැ, මේක ගණන් නැහැ, කියලා කොලේ වහනවා. 

ඉන්පසු මම පුවක් ගස් යන කොල්ලො පහ හය දෙනෙක් අල්ලාගෙන පුස්ස මුදුන ඉඩමේ පුවක් කැඩුවා. නැන්දලා පණිවිඩ යවලා පොඩි මාමා මාව බය කරන්න ලොකු පොල්ලකුත් අරගෙන දුවගෙන එනවා. ඉන්පසු මම කිව්වා නිකං බොරුවට රණ්ඩුවට එන්න එපා.එක්කො උඹලා ඉවරයි නැත්නම් මං ඉවරයි කියලා තර්ජනය දැම්මා. ඉන්පසු මම කිව්වා කඩාපු පුවක් ගෝනි 20 කැමතිනම් සල්ලි දීලා ගන්න කිව්වා. ඉන්පසු සල්ලි දීලා ගෝනි ටික පොඩි මාමා ගත්තා. මම කිව්වා කවුරු හෝ විවාහක දෙදෙනෙක්ගේ කෙනෙක් මැරුණම ඒ දේපළ කොටසක් බිරිදට හරි ස්වාමියාට හරි අයිතිවෙනවා. ඉතිරි ටික අයිති වෙන්නේ දරුවන්ට. ඒත් දැන් මේක අයිති වෙලා තියෙන්නේ පොඩි මා මට කියලා කිව්වා. ඉන්පසු මම මාමගෙන් ඇහුවා අම්මගෙ මල්ලි ද නැත්නම් මිනිහා ද කියලා. 

මාමා මැරෙන මොහොතේ මේ කතාව කියලා අඩල තියෙනවා, පොඩි මහත්තයා මට මෙහෙම කිව්වා කියලා. එයාගෙ පුත්තු දුවලා ඔක්කොම ආණ්ඩුවේ ලොකු ලොකු රස්සා වල ඉන්න අය. ඔය කියාගෙන ආපු කරුණ අනුව බලනකොට මමයි අක්කයි දැන් තනි වෙලා. එයාලා අපිට නිතරම වෙනස්කම් කරනවා. මම පොඩි කාලේ ගොඩක් සැරයි. එයාලා අපිට ඒ විදියට කරන කොට මමත් ඒ කාලේ එයාලට ගහලා බැනලා හිරිහැර කරනවා. දෙවැනි අම්ම පොඩි මාමට ගොඩක් ආදරේ නිසා ඒවා එයාලට භුක්ති විඳින්න දුන්නා. අපේ දෙවෙනි අම්මා අපි පොඩි මාමා ගෙන් ගිහින් සල්ලි ඉල්ලනවා එහෙම එච්චර සතුටු නැහැ

අතීතයෙන් සත්‍ය කතා 1 මිනිරන් සහ හා දඩයම

 දැනට අවුරුදු දහයකට පමණ පෙර මා දන්නා හඳුනන වැඩිහිටියෙකු ඉඳහිට අපේ ගෙදරට පැමිණ මා සමඟ කතා කිරීමට පුරුදුව සිටියේය. ඔහුගේ අතීත කතා ඉතා රසවත් වූ බැවින් මම ද ඔහු එන එක ධෛර්යමත් කළේ ඔහු පැමිණි විට තේකක් සහ සිගරට් එකක් වැනි දෑ පිළිගැන්වීමෙනි.

ඔහුගේ මෙම අතීත ස්මරණයන් ලියා තබන්නට ඒ දවස් වල මට සිත් වූ හෙයින් මම කෙනෙකු ලවා ඔහුගේ කතාව CR පොතක ලියන්නට සැලැස්සූ වෙමි. ඒ කාලේම වගේ ඔහු මියගිය අතර මට ද ඒ ලියාගත් පොත පිළිබඳව අමතක වී ගියේ ය. 

අද මම මගේ පොත් රාක්කයක් පිළිවෙලකට තැබීමට අස් කරමින් සිටියදී එම පොත දකින්නට ලැබුණි.

මේ පහතින් ලියා දැක්වෙන්නේ ඔහුගේ එම ජීවිත කතාව ස්මරණය කරමින් ලියාගත් සටහන ය

අපේ මුල් පෙලපත ගාල්ල කෝදාගොඩ ...... වලව්ව. අපේ වාසගම ,.,................. ඒ කාලේ මිනිරන් පතල් කපන්න අපේ සීයා කෙනෙක් ඇවිත් තියෙනවා නුවර පැත්තේ ඉඩම් අරගෙන. මිනිරන් පතල් කපල සරුවට හම්බ කරල තියනව. බොක්කාවල සුදුවැල්ල ට යනකල්ම ටවුම අපිට තමයි අයිති වෙලා තිබුනේ. ඒ වැඩ සීයා හොඳට කරගෙන ගිහින් තියෙනවා. කොතලාවල මහත්තයාගේ තාත්තා ආපුහාම නතර වෙන්නේ මෙයාලගේ ගෙදර. එයා නරි දඩයමේ හා දඩයමේ යනවා. එයා එනකොට පහළොවක් විස්සක් විතර පිරිවර අරගෙන එන්නේ. සීයාට දරුවන් පහක් ඉඳලා තියෙනවා. එයාලා ඔක්කොම වතු රස්සාව කළේ. ඉඩකඩම් තියෙන ඒවගේ පාලනය වෙනම ගෙන ගියා. සීයා මියගියාට පසු ළමුන් ඒවා පාලනය කරන්න පටන් ගත්තා. ඒවා පාලනය කරගෙන යනකොට එයාලා අතරේ බෙදිලා ගිහින් තිබුණා. විවාහ වෙලා එක එක පැත්තට ගියා. මගේ තාත්තා ........ සමඟ විවාහ වුණා. ඇය ගුරුවරියකි. මගේ මවටත් අරඹේපොල .......

 යනකල්ම දෙපැත්තෙ ඉඩම් තිබුණා. ඒවත් හැමෝම අතරේ බෙදිලා ගියා. මගේ පවුලේ දරුවන් තිදෙනෙකි. මාව බලාගන්න තුන්දෙනෙක් හිටියා. මම කවදාවත් මගේ මව දැකල නැහැ. මල්ලි හම්බ වෙද්දි මව නැති වුණා. තාත්තගේ බීමත්කම වැඩි නිසා ගෙදර බඩු කඩනවා. නමුත් පහුවෙනිදාට ඒවා ගේනවා. අම්මා මැරෙන බව දැනගෙන තියෙනවා. අම්මා මැරුනහම පූජා කරන්න කියලා අම්මා කොට්ට උර පණහක් මහලා තියෙනවා. මව මිය ගියාට පසු මවගේ අක්කා කෙනෙක් ....... බැඳල හිටියා. ඔවුන්ටත් ගොඩක් ඉඩම් තිබුණා. මේ ලොකු අම්මට දුවලා පස්දෙනෙක් හිටියා. ලොකු අම්මා බැඳල හිටපු කෙනාගේ කෑමට වස දාලා ඔහු මිය ගියා. 

එදා එයාලගේ කුඹුරු වගයක් හානවා. ලොකු තාත්තා කුඹුරු ඉඩම්වල ඇවිදින්න යනවා. ඔහු ඇවිදගෙන එන විට ඥාති සහෝදරයා කතා කරලා කියලා තියෙනවා අයියේ ඇවිත් යන්න එන්න කියලා. මෙයාලගේ හිත යටින් ඉඩකඩම් සම්බන්ධව විරුද්ධත්වයක් තියෙනවා. එදා මෙයාල ලහිලහියේ ලොකු තාත්තට හා එයත් සමග හිටපු මුදියන්සේ බණ්ඩාට කෑම ලෑස්ති කරල තියෙනවා. කරෝල යෙක් මරලා විස කුප්පියක් ඇතුලේ දාලා කොස් ගහක බෙනයක දමා තියලා තමයි වස මිශ්‍ර කරල තියෙන්නෙ. මුදියන්සේ ත් මස් කෑමට ඉතාමත් ආස නිසා ඒ මස් ද කාලා තියෙනවා. ඒ වස කෑම නිසා ලේ වමනය වෙලා මිය ගිහිල්ලා තියෙනවා. ඒ මරණෙන් පසු ඒ මිනිස්සු බය වී ඔක්කොම දේවල් අත ඇරලා දාලා ගමෙන් පිට වෙලා තියෙනවා.  ඒ ඉඩම්වල වගාවන් තේ කෝපි පොල් ගස්ලබු කෙසෙල් වුණා. කිතුල් මදින්න තුන් දෙනෙක් හිටියා. දවසකට හකුරු මුල් විස්සක් විසිපහක් වක්කරනවා. ඒ ගමේ හොර කණ්ඩායමක් හිටියා. දවල් තිස්සේ නිදියනවා. රෑට හොරකම් කරනවා. මේ හොරු කණ්ඩායම වෙස් වලාගෙන රෑට කෙසෙල් කපනවා. හොරකම් කරනවා. 

අපේ ගෙදර හැමතිස්සෙම හූනියන් දේවතාවුන් වහන්සේ වැඩ ඉන්නවා. තාත්තා කොහේ හිටියත් වෙලාවට පහන පත්තු කරන්න එන්න ඕනේ. නැත්නම් තාත්තව ඇඳෙන් ඇදලා දානවා. ඒ ගෙදර සුදු බල්ලො හදන්න බැහැ. මොකද හූනියම් දේවතාවුන් වහන්සේ සුදු ඇඳලා නේ එන්නෙ. ඒ එන වෙලාවට බල්ලො බුරන නිසා හදන්න බැහැ. බිරුවොත් උදේට කකුල් පන නැති වෙලා වැටෙනවා. ඒ හොරු කණ්ඩායමේ දහ දොළොස් දෙනෙක් හිටියා. .......ඊළඟ කොටස අනිද්දා.....

2 නිවසට සොරුන් පැමිණීම වලක්වා ගැනීම 2

 එසේ ඕනෑම කෙනෙකු තමන්ගේ දෙපලට ඇතුළුවීමට පහසුවෙන්ම යොදාගත හැකි, ඉඩ ප්‍රස්ථාවන් අප හොඳින් පරීක්ෂාකර බැලිය යුතුය. සමහරවිට ගේට්ටුව උඩින් පැන ඒමට පුළුවන් විය හැකිය. එසේත් නැත්නම් ාමාන්‍යයෙන් හොඳින් වැට නොමැති තැනකින් ඇතුළට ඒමට ඉඩ තිබේ. අල්ලපු නිවාසය තම නිවාසෙට ගෑවී තිබේ නම්, කිට්ටුවෙන් තිබේනම් ඒ නිවාසයෙ වහලයෙන් අප නිවාසයට ඇතුළු වන්නට පුළුවන. 

ගේට්ටුවෙ ඉබ්බා කැඩී තිබෙනවා නම් එය ඉබ්බා දැමූ ආකාරයෙන් නිකං එල්ලා තබන්නට අප පෙළඹෙන අවස්ථා නැතුවා නොවේ. 

මෙවැනි අවස්ථාවන් එසේත් නැත්නම් ඉඩ ප්‍රස්ථාවන් පිළිබඳව පැය කිහිපයක් සොයා බැලිය යුතුය, නිවසෙහි අනිකුත් සාමාජිකයන් සමඟ සාකච්ඡා කළ යුතුය, තමන්ගේ විශ්වාස මිතුරන් හා වුවද සාකච්ඡා කළ හැකිය. 

මින් පසු එම ස්ථාන මුලින් කෙනෙකුට ඇතුළු වීමට ඇති හැකියාව හැකි තරම් දුෂ්කර කරන්නට අප සැලසුම් කළ යුතුය. බොහෝ විට මෙවැනි දුෂ්කර කිරීම් ඉතාමත් සුළු වියදමකින් එහෙමත් නැත්නම් නොමිලේම කරගන්නට පුළුවන. 

උදාහරණයකට අපගේ දේපළට ඇතුළු වන ගේට්ටුවෙ උඩට නැග ඇතුලට පැන ගන්නට හැකියාවක් තිබෙන බව අපට සිතෙනවා නම්, කෙනෙකුට ඒ තාප්පය උඩට නැගීමට අපහසු කරන්නට පුළුවන, සමහර විට එය එයට උඩින් බිත්තියට සමාන්තරව කම්බියක් ඇදීමෙන් ඉටු කරගන්නට පුළුවන. එසේත් නැත්නම් තාප්පය තවත් ටිකක් ඉහලට බැඳ ගන්නට පුළුවන. 

කලකට පෙර මෙවැනි තාප්පවල බෝතල් කටු සවිකිරීමේ ක්‍රමයක් තිබුණද, දැන් එම ක්‍රියාව out of fashion වී ඇති බව පෙනේ. 

මේ හැම ක්‍රමයක්ම එසේත් නැත්නම් ඒ අතරින් හොඳම ක්‍රමය ලොකු මුදලක් වැය නොකර කරගන්නට පුළුවන. එලෙස එයින් පිරිවැය අඩු කාර්යක්ෂමතාවයෙන් වැඩි, ක්‍රමවේදය යොදාගෙන එම ඇතුල්වීමෙන් සොරෙකු පැමිණීම වළක්වා ලන්නට කටයුතු යෙදුවත්, මෙතනින් ඇතුළු වීමේ සම්භාවිතාවය තවදුරටත් තිබෙන බව අපට හිතෙන්නේ නම් අප සොරා ඇතුළුවන විට එය අවහිර කිරීමට තවත් බාධකයක් හෝ කිහිපයක් යොදා ගන්නට පුළුවන.  

එවැනි බාධක ඇති කිරීම පිළිබඳව අපට එම ස්ථානය හොඳින් නිරීක්ෂණය කරමින්ම නිර්මාණශීලීව සිතන්නට පුළුවන. උදාහරණයක් වශයෙන්, ඇතුළුවන්නා, භූමියට පනින්නට ඉඩ තිබෙන ස්ථානය 60% ක වත් සම්භාවිතාවයකින් අනුමාන කරන්නට පුළුවන් නම්, එවැනි ස්ථානවල තියුණු ඇණ කිහිපයක් ගැසූ ලෑල්ලක් හෝ එවැනි නිවසේ තිබෙන ඉවත් කරන ලද යම් දෙයක්,ඇණ වල තුඩ කොටස උඩට තිබෙන සේ ස්ථාන ගත කරන්නට පුළුවන. 

එලෙසම එම ලෑල්ල ඒ තබන ස්ථානයේ පසුබිමට ගැලපෙන සේ පාටකින් තෝරා ගැනීමට හෝ එය අවටින් වෙන්ව නොපෙනෙන සේ පාට කිරීමට අමතක නොකළ යුතුය.  මෙවැනි ලෑල්ලක් සාදා ගැනීමට රුපියල් සීයක එකසිය පනහකට වඩා වියදම් වන්නේ නැත. ඒ නිසා එවැනි ලෑලි කිහිපයක් සාදාගෙන පනින්නට ඉඩ තිබේ යැයි සිතන ස්ථානවල පහසුවෙන්ම ස්ථානගත කරන්නට පුළුවන. 

මෙම ඇණ ආරක්ෂක උපකරණය ාත්‍රී වන විට ඒ තැන්වලින් තබා උදේ අවදි වූ පසු නැවත අනික් පැත්තට හරවා තාප්පය අසලින්ම තැබිය හැක. එසේ අනිත් පැත්තට හැර විය යුත්තේ හදිසියේ වැරදීමකින් අප වුවත් අඩිය තබන්නට ඉඩ තිබෙන නිසා ය.

තුන් වන කොටස හෙට

නිවසට සොරකු පැමිණියහොත් අප කළ යුත්තේ කුමක්ද

 පොඩි පොඩි හොරකම් ගැන දැන් නිතරම අහන්ඩ ලැබෙමින් පවතී. අවුරුදු කිහිපයක් හොරකම් ගැන අහන්නට නොලැබුණු මා ජීවත් වන ප්‍රදේශයේත් ඊයේ පෙරේදා ගෙවල් දෙකක් රෑ හොරු කඩා ඇති බවට ආරංචි ලැබුණි.

ඒ අතර ෆේස්බුක් එකේත් මා මිත්‍ර පෝල් ඔහුගේ නිවස අසල සිදුවු හොරකම් කිහිපයක් ගැන, සොරු අල්ලාගත් අවස්ථාවක් ගැන, පෝස්ට් එකක් පළ කර තිබී මමත් එයට කමෙන්ට් කර එවැනි හොරකම් පිළිබඳව අප පිළියෙල විය යුත්තේ කෙසේද යන්න ගැන සාකච්ඡාවක් ඇති විය. එහිදී මා දුන් උපදේශයක් පිළිබඳව කෙනෙකු දැක්වූ අදහසක් නිසා මට මේ ලියන්නට සිතුනි. මේ මා දුන් උපදේශයයි.

Amerasinghe Justin Renuka some plan that will show the intruders that we are prepared, and there is something not usual there, there is something unexpected

රටේ පවතින ආර්ථික තත්වය නිසා බොහෝ දෙනෙකුට ජීවත් වෙන්නට අපහසු තත්ත්වයක් ඇතිවී තිබේ. මට තේරෙන විදිහට එම තත්වය වඩාත් දුෂ්කර වී ඇත්තේ පහල මධ්‍යම පංතියේ මිනිසුන්ටය. හොරකම් මැරකම් මේ තරමට වත් රටේ අඩුවෙන් තිබෙන්නේ ඒ හේතුව නිසාය. කුලී වැඩ කරන්නන්  අතිශය බහුතරයකට දවසකට රුපියල් එක්දාස් පන්සියක් දෙදහක් හොයාගන්නට කම්කරු වැඩ ඕනෑ තරම් තිබේ. එවැනි ආදායමක් මෙවැනි අවස්ථාවක ලබා ගැනීමට ඉතාමත් අපහසු මධ්‍යම පන්තියේ රජයේ රැකියාවක් නොකරන මිනිසුන්ටය. මෙය වැඩියෙන්ම බලපාන්නෙ අප වැනි රටවලට ය. අද ඇමරිකාවේ සිට කතා කළ මගේ මිතුරෙකු කීවේ, එහි බොහෝ දෙනෙකු දැන් රැකියා නොකර කොවිඩ් නිසා රජයෙන් ලැබෙන ආධාරවලින් ජීවත් වන බවය. අපට එවැනි පහසුකම් නොමැත. හිගන්නන්ට උණු බත් කොහෙන්ද කියා ඒකාලෙ ඇසුවේ කට කහනවට නොවේ.

සොරුන්ගෙන් තම නිවස තම පවුල ආරක්ෂා කර ගැනීමට සොරුන් එනකං බලා සිටින්නට හොද නැත. අප එසේ යම් ්‍රියාමාර්ගයක් ගැනීමට, සිද්ධිය සිදු වෙනකන් හිටියොත් එම තරඟයේ වාසිය ලැබෙන්නේ හොරාට ය. හොරා හොරකමට ලැහැස්ති වී ඒ සඳහා හිත හදාගෙන යම් උපකරණ ද එකතු කරගෙන පැමිණෙන විට අප කිසිම සූදානමක් නැතුව ඒ වෙලාවේ නින්දෙන් අවදි වී හොරාට විරුද්ධව ඇක්ෂන් ගැනීමට සිතුවොත්, එම අවස්ථාවේ ජයග්‍රහණය කරන්නේ සතුරාය සොරා ය.

මේ නිසා අප ඔහුට වඩා හොඳට පිළියෙල වී සිටිය යුතුය. ඒ සඳහා අපට ඔහුට වඩා advantage එකක් එහෙමත් නැත්නම් වාසියක් තිබේ. ඒ අපිට අපේ ගෙදර ගැන අපේ දේපළ ගැන පිට ඕනෑම කෙනෙකුට වඩා හොඳින් local knowledge එකක් තිබීමයි. 

මේ පිළියෙල වීම සඳහා අප විසින් මුලින් ම කළ යුතු වන්නේ, අපගේ දේපලට ඇතුළුවීමට උත්සාහ කරන සොරා, අප යැයි සිතා ගැනීමයි. මම ඒ හොරා නම් මම මේ දෙපළට ඇතුළු වන්නේ කෙසේද?

වචන 500 ට පැමිණ ඇති නිසා ඊළඟ කොටස හෙට

හැමවිටම තමන් හරි යැයි කියා තීරණ ගැනීමේ වැරැද්ද

 

මේ චිත්‍රයේ තිබෙන්නේ දෙවන ලෝක මහා යුද්ධයේ ජර්මනියේ ගුවන් නාශක තුවක්කු වලින් වෙඩි වැදි ආපසු පැමිණෙනු එක්සත් රාජධානියේ නාවික හමුදාවේ ගුවන් යානා වල, වැඩිපුරම වෙඩි වැදුණු ස්ථාන වල සාමාන්‍ය අගයන් ලකුණු කර එය චිත්‍රයකට නැගීමකි.

සතුරාගේ වෙඩි පහරට ැඩියෙන්ම ලක්වන ප්‍රදේශ මේවා නිසා එම කොටස් වෙඩි පහරට වඩා ඔරොත්තු දිය හැකි අමුද්‍රවය කින් සෑදිය යුතු බවට, එසේත් නැත්නම් ම ප්‍රදේශ යම් ක්‍රමයකින් වෙඩි නොවදින තත්ත්වයට පත්කළ යුතුයැයි නාවික හමුදාව අදහස් කළේය.

එහෙත් මේ පිළිබඳව ඔවුන් සියල්ල දත්තන් ලෙස තමන්ගේ තීරණය ක්‍රියාත්මක කරන්නට ගියේ නැත. තවත් විද්‍යාඥයන් සහ ගණිතඥයින් කිහිපදෙනකුගෙන් මේ පිළිබඳව විමසා බැලූහ. ඒ ඔවුන් සැම විටම තමන් හරි යැයි සිතා වැඩ නොකරන, එසේම තවත් මේ පිළිබඳව වැදගත් අදහස් තිබෙන්නට පුළුවන් ්‍රවීණයන්ගෙන් විමසිය යුතු යැයි සිතූ නිසාය.

මේ පිළිබඳව අදහස් දැක්වූ පෝලන්ත ගණිතඥයෙකු වූ ඒබ්‍රහම් වෝල්ඩ් 1902-1950 කියා සිටියේ ඇත්තෙන්ම ඔවුන් වෙඩි නොවදින හෝ වෙඩි පහරට ඔරොත්තු දෙන ආකාරයට සකස් කළ යුත්තේ වඩා වෙඩි වැදුනු තැන නොව, වෙඩි පහර නොවැදුනු තැන් බවයි. 

ඔහු මේ සඳහා ඔහුගේ උපදේශය සඳහා ඉතා අපූරු හේතුවක් ඉදිරිපත් කළේය. 

ඒ රාජකීය ගුවන් හමුදාවට මේ පරීක්ෂණය සඳහා යොදාගත හැකිව තිබෙන්නේ වෙඩි වැදුනත් ආපසු තම රටට තමන්ගේ ගුවන් පථයට පැමිණීමට හැකි වූ ගුවන් යානා වලට පමණක් බවයි. ගුවන් යානා එසේ සතුරු ප්‍රදේශවලට ගියවිට බොහොමයක් ගුවන් යානා සතුරු ගුවන් නාශක වෙඩි වලින් විනාශ විය. සමහර විට මේ සඳහා ගිය ගුවන් යානා 10 කින් ආපසු පැමිණියේ එකක් දෙකක් පමණි. 

ඔහු මේ සඳහා හේතුව පැහැදිලි කළේ මේ නොපැමිණි ගුවන් යානා සැලකිල්ලට ගනිමිනි. 

ගුවන් හමුදාව ඇත්තෙන්ම වඩා අධ්‍යයනය කළ යුත්තේ, වඩා තමා ශක්තිය තම තාක්ෂණය යෙදවිය යුත්තේ ආපසු නොපැමිණෙන ගුවන් යානා ගෙන්වා ගැනීමටය යයි ඔහු පවසා සිටියේය.

එසේ වෙඩි වැදී විනාශ වන ගුවන් යානා බේරා ගැනීමට නම් වෙඩි වැදී ආපසු පැමිණෙන ගුවන් යානා වල වෙඩිවැදුණු ස්ථාන නොව; ඒවා කෙසේ වුවත් ආපසු පැමිණ ඇත, ඒවායේ වෙඩි නොවැදුනු ස්ථාන, ගුවන්යානා නාශක වෙඩි වැදුනත් , ගුවන් යානයට අලාභහානි නොවන ලෙසට ශක්තිමත් කළ යුතු බවය. 

එක්සත් රාජධානියේ නාවික හමුදාව මේ උපදේශය පිළිගත්තේය. ඒ නිසා බොහෝ ඔවුන්ගේ ගුවන් යානා සහ නියමුවන් බේරගන්නට පුළුවන් විය.

මේ සිද්ධියේදී නවික හමුදාව මුලින් සිතුවේ මුලින් ගණනය කළේ, බේරී පැමිණි ගුවන් යානා පිළිබඳව පමණි. ඒවායින් පමණක් යම් ගණනයක් සිදු කළවිට, ඒ ගණනය කිරීමට, ඒ ගණනින් ලැබෙන ප්‍රතිඵල වලට survivorship bias නැමැති වැරද්දක් එකතුවන බව සිද්ධිය පිළිබඳ විශ්ලේෂණයේ දී පැහැදිලි වෙයි. 

එය තවමත් තීරණ ගැනීමේදී ගණනය කිරීම් වලට යොදාගනු ලැබේ.

දෙවන රාජසිංහ රජු ලන්දේසීන්ට ලබා දුන් අපූරු තෑග්ග

 

දාහත්වන සියවසේ අවසාන කාලයේ ංකාවේ මුහුදුබඩ ප්‍රදේශ පාලනය කළ ඕලන්ද පාලකයන් ට තම පාලන කටයුතු හා ව්‍යාපාර කටයුතු කරගෙනීමට කන්ද උඩරට රජ කළ දෙවන රාජසිංහ රජුගෙන් මහත් කරදර ඇතිවිය. ඔහුගේ හමුදා ඕලන්ද හමුදාවන්ට සහ බල කොටුවලට නිතර පහර දුන්හ. 

මෙයින් මිදීමට මගක් සෙවූ ඕලන්ද පාලකයන්, තමන් පාලනය කරන සමහර ප්‍රදේශ ආපසු රජුට භාර දීමට කැමති බවත්, ඔවුන් රජුගේ මිත්‍රත්වය බලාපොරොත්තු වන බවත් දන්වා ලිපියක් තානාපතිවරයෙකු අත රජු වෙත යැවූහ.

දෙවන රාජසිංහ රජු අප බොහෝ දෙනෙක් අසා ඇති පරිදි අමුතු සතුන් ඇති කිරීමට බලවත් කැමැත්තක් දැක්වීය. ඔහුගේ එවැනි සතුන් අතර  කළු කොටියකු, සුදු මුවෙකු සහ තිත් වැටුණු අලියෙකු සිටි බව කියනු ලැබේ. මේ අතර සිය ගණනක් යුරෝපීය ජාතිකයින් ඔහුගේ සේවයේ සිටි අතර එලිමහන් සිරකරුවන් ලෙසටද බොහෝ යුරෝපියන් සිටියහ. අප ජාතිය ගැන 17 වැනි සියවසේ හොඳම විස්තරය වාර්තා කර තබන ලද රොබට් නොක්ස් ඔහුගේ යටතේ සිටි මෙවැනි එළිමහන් සිරකරුවෙකි.

මෙලෙස  ඕලන්ද තානාපතිවරයන් රජු මුණ ගැසීමට පැමිණෙන විට, ඔහුගේ සිත් දිනා ගැනීම සඳහා නොයෙකුත් සතුන් රැගෙන ඒම එකල පුරුද්දක් විය. රජු වෙත ගෙන යන එවැනි සතුන් ඉතාමත් ගෞරව සහගතව රැගෙනයාම එකල සිරිත විය. 

කොළඹින් පිටත් වූ අවස්ථාවේ සිටම එවැනි රාජකීය ත්‍යාගයන් ඉතාමත් ගෞරව සහිතව රැගෙන යාම එකල ඔවුන්ගේ සිරිත විය.

මෙලෙස රාජකීය ත්‍යාගය ලෙස මෙවර ගෙන යන ලද්දේ, දකුණු අප්‍රිකාවෙන් අල්ලා ගන්නා ලද cape lion නැමැති වර්ගයේ සිංහයෙකි. රාජසිංහ රජුගේ නම ද 'සිංහයකු බඳු රජ' යන තේරුම  නිසා ෙම ත්‍යාගය රාජසිංහ රජු මහත් සතුටට පත් කිරීම  නොඅනුමාන බව ලන්දේසීහු සිතූහ. 

මෙලෙස තය්‍යාගය රැගෙන එද්දී එම ත්‍යාගය පිළිබඳ රජුගේ ඔත්තු කරුවන් විසින් රජුට වරින් වර දැන්වීම සිරිතක් විය. මේ සිංහයා පිළිබඳ විස්තර ඇසූ රජතුමා මෙය තමන් ිංහයා ලවා මරා දමන්නට කරන කුමන්ත්‍රණයක් බවට සැක කළේය. 

මේ නිසා ඔහු තානාපතිවරයා ඔහුගේ අනුගාමිකයින් සහ සිංහයා මොල්ලිගොඩ නවතා තබා හඟුරන්කෙත තමන්ගේ මාලිගාව වෙත ඔවුන්ගේ පැමිණීම පමා කළේය. දේශගුණය නොගැළපීම නිසා ටික දිනකින් සිංහයා මියගිය අතර, තානාපතිවරයා සිංහයාගේ හම පිරිසිදු කර අඩු තරමින් එහෙම වත් රජු වෙත ප්‍රදානය කිරීමට සිතා එයත් රැගෙන හඟුරන්කෙත රජ වාසල වෙත පැමිණියේය. 

මේ වන විට ඔහු කොළඹින් පිටත් වී අවුරුදු තුනක් ගත ව තිබුණි.

කොළඹින් පිට වී බොහෝ කලක් අතරමග රැදී ඉන්නට සිදු වුන නිසා කෝපයට පත්ව සිටි තානාපතිවරයා ඉක්මනින් රජු මුණ ගැසීමට උත්සාහ කළේය. ඔහුගේ මෙම කලබල හැසිරීම ආරංචි වී කෝපයට පත් රජු එම තානාපතිවරයා එකම ස්ථානයේ එකම ආකාරයකට දවස් තුනක් සිරකර තබන්නට නියම කළේ ඔහුට ඉවසිලිවන්ත ක ම පුරුදු කරවීම සඳහා යයි කියනු ලැබේ.

තමන්ට මෙවැනි නොගැලපෙන ත්ය්‍යාගය ක් දුන් නිසා, එයට කදිම විහිළුවක් කිරීමට සිතූ රජතුමා එම තානාපතිවරයා අත ඒ කාලයේ වැරදිකරුවන් පාගා මරණයට පත් කිරීම සඳහා පාවිච්චි කළ, පසුව පාලනය කළ නොහැකි තත්ත්වයට පත් වී කර ගන්නට දෙයක් නොමැතිව සිටි සද්දන්ත කුලප්පු ඇතකු ලන්දේසීන් හට  තෑග්ගක් ලෙස යැවීය.

රජුගෙන් ලැබුණු තෑග්ගක් නොසලකා හැරීම රජුට කරණ අවනම්බුවක් ලෙස එකල සැලකුණු නිසා, ලන්දේසීන්ට බොහෝ වියදමක් කර තවත් අලි දෙදෙනෙකුත් ඒ සඳහා පාවිච්චි කර මේ අලියා මියයන තෙක් හොඳින් බලා ගැනීමට සිදුවිය. 

covid පිළිබඳ වැදගත් තොරතුරු

 

එක්සත් ජනපදයේ, CDC centre for disease control and prevention නමැති ආයතනය විසින් ්‍රසිද්ධ කරන ලද පරීක්ෂණ කිහිපයක ප්‍රතිඵල දැක ඒවා අපගේ මිතුරන්ටත් දැනගැනීමට සැලැස්වීම සුදුසු බව මට හැඟුනි. ඒ නිසාම එම රීක්ෂණයන්හි ප්‍රථිඵල පරිවර්තනය කර පහතින් ලියා තබන්නෙමි.

මෙයින් පළමු වැන්න සහ  තුන්වැන්න මට යම් පුද්ගලිකව දැනෙන දෙයක් බැවින් මෙම ලියවිල්ල පරිවර්තනය කිරීමට මට සිතුනු තවත් හේතුවක් වූ බව ද කියනු කැමැත්තෙමි.

බාබර් සැලූන් එකක බාබර් සහ ගනුදෙනුකරුවා අතර ඔවුන්ගේ සේවය සලසන අවස්ථාවේ covid වැනි රෝගයක් බෝවීමට ඉතාමත් පහසු තැනක් බව නොකිවමනාය. covid පැමිණි මුල් කාලයේ සිටම මම මගේ නිවසේදීම කොන්ඩය සම්පූර්ණයෙන්ම බූ ගා දැමීමට තීරණය කරන ලද්දේ ද මේ නිසාය.

මේ සිද්ධියේදී බාබර් වරුන් දෙදෙනෙකු, ඔවුනට තරමක්  රෝග ලක්ෂණ තිබියදී දින අටක් තුළ එකසිය තිස් නම දෙනෙකුට සේවා සපයා ඇත. එක් ගනුදෙනුකරුවකු ට ගත කර ඇති කාලය විනාඩි 15 කි. මේ 139 දෙනාගෙන් පරීක්ෂණයට භාජනය කරගැනීමට හැකිවූ හැට හත් දෙනෙකුට රෝගය බෝ වී නොමැති බව සොයා ගැනුනු අතර, මේ සැලුන් එකේදී එම නගරයේ නීතිරීති වලට අනුව සියලුම දෙනා සෑම වේලාවකම මුහුණු ආවරණ පැළඳ සිට ඇත.

බීජිං නගරයේ covid ආසාධිතයන් සිටි පවුල් 124ක,  ආසාදිතයින් දිගටම මුහුණු ආවරණ පාවිච්චි කළ නිසා පවුලේ අනෙක් අයට රෝගය පැතිරීම සියයට හැත්තෑ නමයකින් අඩුවී ඇති බව තවත් විශ්ලේෂණයකින් පෙන්වා දී ඇත.

එක්සත් ජනපදයේ යුධ නෞකාවක් වන තියඩෝර් රූස්වෙල්ට් නෞකාව, තුළ සිදුවූ කොවිඩ් ආසාදනය පැතිරීම පිළිබඳ සිද්ධිය මුහුණු ආවරණ වල ආරක්ෂාව පිළිබඳ තවත් හොඳ විශ්ලේෂණයක් අපට දෙයි.. යුද නෞකාවක වායුසමනය කරන ලද කුඩා කාමර සහ ජීවත්වන අවකාශයන් ඇති ස්ථානයක වුවද, මුහුණු ආවරණ පැළඳි නිසා රෝගය පැතිරීම සඳහා ඇති අවදානම 70% කින් අඩු වී ඇති බව පසුව කරන ලද විශ්ලේෂණ වලින් පෙනීගොස් ඇත.

එසේම චීනයේ සිට කැනඩාව බලා පැමිණි මගී ගුවන් යානයක කැනඩාවට පැමිණි පසු එක් මගියෙකු covid ආසාදිතයකු බව සොයාගෙන ඇත. එම ගුවන් යානයේ සිටි අනෙක් මගීන් දවස් දාහතරක් පරීක්ෂාවට භාජනය කරන ලද අතර ඔවුන් කිසිවෙකුටත් කොවිඩ්  අසාධනය වී නැත. වායුසමනය කරන ලද එතරම් කුඩා අවකාශයකත් , එලෙස රෝගය පැතිරී නොමැති වීම පුදුම සහගතය. එහෙත් ඔහුගේ මුළු ගමනම ආසාදිතයා මුහුණු වැස්මක් පැළඳ සිට ඇත. 

මේ සෑම උදාහරණයකින්ම අපට පෙනෙන්නේ, මුහුණු ආවරණ හරියට පාවිච්චි කිරීමෙන් පමණක්ම මෙම රෝගය පැතිරීම බොහෝ දුරට අඩු කර ගත හැකි බව ය. එසේම මේ රෝගය මිනිස් සංහතියට බරපතළ ලෙස ්‍රශ්න ඇති කරන්නත් නිසා, අප මෙම රෝගය පිළිබඳව නිරීක්ෂණය කරන; විශේෂයෙන්ම එහි පැතිරීම පිළිබඳව, විශ්ලේෂණයන් සිදු කර  ප්‍රසිද්ධ කිරීම, ඉතාමත් වැදගත් එසේම අත්‍යවශ්‍ය කාරණයක් බව පෙනෙයි. 

නමුත් අපේ රටේ එවැනි විශ්ලේෂණයන් සිදුකර ඒවා පිළිබඳව ජනතාව දැනුවත් කිරීමක් දක්නට ලැබෙන්නේ ම නැති තරම් ය.

මෙය අපේ ඇති ලොකු අඩුපාඩුවකි. ඒ අතරම මෙම ආයතනය විසින් මෙම ප්‍රසිද්ධ කිරීම්වලට සුව පැමිණ ඇති එක් නිගමනයක් පහත පරිදිය.

මෙවැනි දත්ත සඳහා පවත්වන ලද ආර්ථික විශ්ලේෂණය කිනුත් පසුව නිරීක්ෂණය වී ඇත්තේ, නියමිත ආකාරයට මුහුණු ආවරණ පැළඳීම 15% කින් වැඩි කරන්නේ නම්, lockdown කිරීමේ අවශ්‍යතාවයක් පැන නොනගින බවයි. 

අප මේ පිළිබඳව ද යම් අවධානයක් යෙදවීම කාලෝචිත බව හැඟේ.

අපූරු මිත්‍රයෙක් ගැන කතා

 

අපත් සමග නාවික හමුදාවේ සේවය කළ තරුණ නාවික නිලධාරියකු වසර දහයක පමණ සේවයකින් පසු ව නාවික හමුදාවෙන් ඉවත් විය. මෙම නිලධාරියා පසුව වෙළඳ නෞකා වල සේවය කර, විශාල මුදලක් රටට ඩොලර්වලින් උපයා දුන්නේය. ඔහු අවුරුදු කිහිපයක් එසේ සේවය කරන ආපසු ලංකාවට පැමිණ වචනයේ පරිසමාප්ත අර්ථයෙන්ම සුඛෝපභෝගී නිවාස කොළඹ ගොඩනංවන්නට පටන් ගත්තේය. 

මෙලෙස ඔහු විසින්ම සියලු සැලසුම් කර ඔහුගේම පුද්ගලික සුපරීක්ෂාව යටතේ ගොඩනැංවෙන නිවාස ව්‍යාපාරයක් ලෙස කරන්නට ඔහු පටන් ගත්තේය. 

වරකට ඔහු ගොඩ නංවන්නේ එක් නිවාසයක් පමණි, එම නිවාස තරමක ලාභයක් තබාගෙන , විකුණන ඔහු ටික කලක් නිදහසේ සිට ඉඩමක් සොයා මිලදීගෙන තවත් නිවාසයක් ගොඩ නංවයි.  මේ නිවාස කොතරම් සුඛෝපභෝගී ද යත්, ඔහු විසින් තනන ලද නිවාස කිහිපයකම, රූපවාහිනී වෙළෙඳ දැන්වීම් සඳහා පසුබිම ලෙස යොදාගෙන ඇත. උපේක්ෂා ස්වර්ණමාලි මන්ත්‍රී තුමියගේ පළමුවන ෙළඳ ප්‍රචාරක දැන්වීම ෂූට් කර ඇත්තේද ඔහුගේ නිවසකය. මෙවැනි වෙළඳ දැන්වීම් සඳහා නිවස යොදා ගැනීමට ලක්ෂ දෙකක පමණ මුදලක් ලැබුණ බවද ඔහු මට කීවේය. එලෙස වෙළඳ දැන්වීම් සඳහා පැමිණි නළු නිළියන්ගෙන්, පූජා උමාශංකර් මහත්මිය ඔහු දුටුඉතාමත් නිහතමානි සහ පොළොවේ පය ගසා ජීවත්වන, පුද්ගලයා බවත් ඔහු සිතයි.

ඒ කාලේ සිටම තිබුණු අපේ මිතුරුකම අපි වරින් වර දුරකථනයෙන් පවත්වාගෙන ගියෙමු. ඒ සංවාදවලින් 90% ක් පමණ ඔහුගේ කතාව වන අතර මමත් අමාරුවෙන් සියයට දහයක් පමණ ඇතුල් කර ගන්නෙමි. ඇත්තෙන්ම එසේ අනුපාතයකට කතා කිරීම සාධාරණය. ඒ ඔහුගේ අත්දැකීම් සහ එම අත්දැකීම් වල අමුතු භාවය මගේ අත්දැකීම් වල නොමැති නිසාය.

උදාහරණයකට වශයෙන් ඔහුගේ විනෝදාංශ අපට ගන්නට පුළුවන. ඔහුගේ එක් විනෝදාංශයක් වන්නේ බල්ලන් ඇති කිරීම ය. ගෙදර නොයෙකුත් වර්ගයේ බල්ලන් හදාගෙන ඇති අතර, ඒ බල්ලන්ට ඔවුහු නිවසේ කෑම පිළියෙළ කරද්දී ඔවුන්ට අවශ්‍ය ප්‍රමාණයට වඩා දෙගුණයක් පමණ පිළියෙල කරති. එසේ පිලියෙල කරන ලද ආහාර වලින් තමන්ගේ බල්ලන්ට කෑම ලබාදී ඉතිරි කෑම වාහනයේ දාගෙන ජුබිලි කණුව පැත්තේ පාරේ සිටින හරියට නිවාසයක් නොමැති බල්ලන් වෙත ගෙන ගොස් ඔවුනට ලබා දීම ඔහු සහ ඔහුගේ බිරිඳ පුරුද්දක් වශයෙන් කරගෙන යති. 

මෙයට සමාන මගේ අත්දැකීම එයට වඩා බොහෝ සරල වෙයි. අපේ ගෙදර සිටින්නේ rovar නැමැති එක බල්ලෙක් පමණි. ඌ දවස පුරාම මගේ පිටිපස්සේ වැටී සිටින අතර, අපි ඌට ආහාර ලෙස හදන්නේ එක බල්ලෙකුට ප්‍රමාණවත් තරම් පමණි. ගෙදර සිටින ජිමි නැමැති පූසාට මාළුවෙක් බැද බත් ටිකක් අනා දුන් විට ප්‍රමාණවත් වෙයි. මෙලෙස අප දෙදෙනා අතර බොහෝ අත්දැකීම් සංසන්දනය කර බලන විට, ඔහුගේ අත්දැකීම් රසයෙන් සහ ගුණයෙන් මගේ සරල අද්දැකීම් වලට වඩා පොහොසත් ය, වර්ණවත්ය ිචිත්‍රවත්ය.

ඔහු කුඩා කාලයේ ඔහුගේ නෑදෑයෙකු විසින් වෙඩි තබන ලද කොටියෙකුගේ stuff කරන ලද සිරුරක් තිබී ඇත. යම්කිසි, සමහරවිට සුරංගනා කතාවක් වෙන්නට පුළුවන, කතාවක් පොඩි කාලයේ කියවූ අපේ වීරයා, මේ කොටියා තමන් තනියම කැලේ සංචාරය කරද්දී තමා විසින් වලිගයෙන් අල්ලා කරකවා ගසක ගසා, මරා දැමූ කොටියෙකු බව කියන්නට පටන් ගෙන ඇත. ටික කාලයක් යන විට ඔහුම මෙය සත්‍ය සිද්ධියක් යැයි සම්පූර්ණ හදවතින්ම පිළිගෙන, යම් කෙනෙක් එය එසේ නොවුණු බව කියන්නට උත්සාහ කළොත්, හඬා වැලපී මහත් කලබලයක් කළ බව ඔහුම මට කියා ඇත. 

තව කතා පසුවට

දුඹුරු බත් සහ කුරුඳු කෑම අගුණද

 

අපට බොහෝ කාලයක පටන් සුදු බත් වෙනුවට දුඹුරු බත් කන්නැ යි කියා ඇත. දුඹුරු බත්වල සුදු බත් වලට වඩා විටමින් ෆයිබර් ඛනිජ ලවණ තිබෙන බවත් ීරයට ඒවා අත්‍යවශ්‍ය නිසා දුඹුරු බත් කෑමෙන් අපට මහත් ප්‍රයෝජන ලැබෙන බව අප සිතා සිටියෙමු. නමුත් ඒ අතර එහි අපට ඉතාමත් අ ගුණදායක ආසනික් ද තිබෙන බව දැන් විද්‍යාත්මකව සොයාගෙන තිබේ.

ඉඳහිට වේලක් කන විට මෙවැනි ගුණදායක දේවල් ශරීරයට ලැබෙන නමුත් බත් නිතරම කන කෙනෙකුට ශරීරයට ලැබෙන ආසනික් ප්‍රමාණය ද වැඩි වෙන්නට පටන් ගනී. වැඩිපුර ආසනික් ආහාරයට ගැනීම හෘදයාබාධ වලට සහ පිළිකාවලට මුල් විය හැකි බවට කරුණු සොයාගෙන තිබේ.

අනෙක් බොහෝ ධාන්‍ය වලට වඩා වී ගස පොළොවෙන් ආසනික් උරාගනී. මෙලෙස උරාගන්නා ආසනික් දුඹුරු හාල්වල, සුදු හාල් වලට වඩා සියයට අසූවකින් වැඩි බව සොයාගෙන තිබේ. 

එලෙස වැඩිපුර ආසනික් තිබෙන්නේ සහල් ඇටයේ පිටත ස්ථරයේ වැඩිපුර ආසනික් තැන්පත් වන නිසාය. සුදු හාල් සෑදීමට, නම් දුඹුරු හාල් පිරිසිදු කරන විට එම ආසනික් අධික තට්ටුව ස්ථරය ඉවත් වෙයි.  කාබනික හා අකාබනික පොහොර යොදා ගොවිතැන් කළ ද මෙලෙස සහල්වල ආසනික් එකතුවීම වෙනස් වන්නේ නැත.

මේ නිසා දුඹුරු සහල් සතියකට වරක් දෙකක් කෑවට ්‍රශ්නයක් නැති වුව ද නිතරම ආහාරයට ගතහොත් එය සෞඛ්‍යයට අහිතකර වන්නට පුළුවන. මේ නිසා සහල් වෙනුවට සමහර ආහාර වේලවල් වලට යනයිඩ් අඩු වෙනත් ධාන්‍ය වර්ග ගැනීම අපේ සෞඛ්‍යයට බොහෝ හිතකර වෙයි.

කුරුඳු

අපි කෑම ගන්නා විට කුඩා කුරුඳු කැබැල්ලක් ආහාරයට දැමීමෙන් කිසි පාඩුවක් වෙන්නේ නැත, ඇත්තෙන්ම එයින් අපේ ආහාරයේ රසයට පොඩි කික් එකක් දෙයි. ඇත්තෙන්ම කුරුඳු කුඩු කුඩා හැන්දක් දෙකක්, දිනපතා ආහාර සමග ගැනීමෙන්, ශරීරයේ සීනි ප්‍රමාණය පාලනය කර ගැනීමට උදව් වනු ඇත. නමුත් සමහර ලාභ කුරුඳු වර්ග විශේෂයෙන්ම කැසියා නැමැති කුරුඳු වර්ගය මේස හැන්දකට වඩා දිනකට ආහාරයට ගතහොත්, එය වකුගඩු රෝග වලට මුල් විය හැකි බවට සොයාගෙන තිබේ. මේ එම කුරුඳු වර්ගයේ, තිබෙන coumarin නැවත  රසායනික ද්‍රව්‍ය නිසාය

නමුත් Ceylon cinnamon නමින් හැඳින්වෙන ලංකාවේ නිෂ්පාදනය කරන කුරුඳු ශරීරයේ සීනි පාලනය සඳහා පාවිච්චි කිරීමේ වරදක් නැති බව පරීක්ෂණ වලින් සොයාගෙන ඇත. ඒ අපේ කුරුඳු වර්ගයෙහි coumarin රසායනික ද්‍රව්‍ය කැසියා කුරුඳු වර්ගයේ තිබෙනවාට වඩා 60 ගුණයකින් අඩු නිසාය.

ඇත්තෙන්ම ලංකාවේ බොහෝ ගෙවතු වල කුරුඳු ගස් අපිට දකින්නට පුළුවන. අපේ ගෙදර වත්තේ ගස් දෙකක් තිබේ. එහෙත් බොහෝවිට ලංකාවේ මිනිසුන් තමන්ගේ ගෙවත්තේ තිබෙන පුරුදු ගසෙන් කුරුඳු පොත්තක් ගෙන ව්‍යංජනවලට දානවට වඩා කඩෙන් කුරුඳු ටිකක් මිලදීගෙන ුස්සියේ පාවිච්චි කිරීම ප්‍රිය කරති. අපි ද මෙලෙස වත්තේ තිබෙන කුරුඳු ගසෙන් ආහාරයට කුරුඳු ටිකක් පාවිච්චි කිරීම පටන් ගත්තේ මෙයට අවුරුදු පහකට පමණ පෙර ය.

මේ නිසා ආහාර රසවත් කිරීමට හෝ ඇඟේ සීනි පාලනය කිරීමට කුරුඳු යොදා ගන්නවා නම් අප යොදා ගත යුත්තේ ceylon cinaman වර්ගයේ කුරුඳු බව මතක තබාගත යුතුය. 

බිල් ගේට් අධ්‍යාපනයට උදව්කිරිම

 

බිල් සහ ඔහුගේ බිරිඳ වන මිලින්ඩා ගේට් 1994 සිට මේ දක්වා බිලියන 50 ක් නොයෙකුත් ප්‍රජා සේවාවන් සඳහා ලොව පුරා ලබා දී ඇත. එහෙත් ඔවුන් එම මුදල් ආවට ගියාට ලබාදෙන්නේ නැත. සතයට ගණන් බලති. ඒවායෙන් ලැබෙන ප්‍රයෝජනද ගණනින් වටිනාකමක් තිබිය යුතුය. 

අපේ ගුරුවරු සහ සමස්ත අධ්‍යාපන ක්‍රමවේදයම බොහෝ පරික්ෂාවකට ලක්ව ඇති අවධියකදී, වෙනත් රටවල අධ්‍යාපනය ගැන මෙවැනි කෙටි සටහනකින් වුවද බොහෝ දෑ උගත හැකිය.

අද, ඔබට ගුරුවරයෙකුට උදව් කළ හැක.

මෙම කාලය අධ්‍යාපනඥයකු වීමට පහසු කාලයක් නොවේ. හොඳම තත්වයන් යටතේ වුවද ගුරුවරයෙක් වීම අභියෝගාත්මක රැකියාවකි. එමෙන්ම වසංගතය විසින් පංති කාමරයක් තුල වැඩ කිරීම, අන් කවර දාටත් වඩා අපහසු කරන්නා වූ නව අභියෝග නිර්මාණය කර ඇත.

මම මෑතකදී බෘක් බ්‍රව්න්  මුණ ගැසුනෙමි. ඇය වොෂින්ටන් ප්‍රාන්තයේ  ‘ වසරේ ගුරුවරයා’ ය. මම ඇයව මුණ ගැසුනේ , පසුගිය වසර එක හමාර තුල ඇයගේ පන්ති කාමරයේ සිසුන් මෙම තත්වයට අනුගත වූයේ කෙසේ දැයි දැන ගැනීමටයි. ඇය උසස් විද්‍යාලයේ ජ්‍යෙෂ්ඨයන් හට ජනවාර්ගික අධ්‍යාපනය හා ඉංග්‍රීසි භාෂාව උගන්වයි. ඇයගේ සිසුන්ගෙන් කොටසක්, පාසල් වැඩ කරන අතරතුර තම පවුල් වලට ආදායමක් උපයා දෙන ශ්‍රමිකයන්   විය. තමන්, ඔවුන් හට මෙම අපහසු අවස්ථාවට මුහුණ දීමට උදව් කිරීම සඳහා  පාසල් වැඩ කරගෙන යාමට අවශ්‍ය නම්‍යශීලී බව ලබා දීමට අවධානය යොමු කළ බව බ්රූක් පැවසුවාය. මගේ බ්ලොග් එකෙන් ඔබට බ්රූක් පිළිබඳව වැඩිදුරටත් කියවා ගත හැක.

වසංගතයේ සැබෑ තත්වයන්ට අනුගත වීමට බ්රූක් ගේ ඇති හැකියාව පිළිබඳව මම ඉතා පුදුමයට පත් වීමි. අපගේ වෙනස් වන යතාර්තයේ පන්තිකාමරයේ වැඩ සාමාන්‍ය පරිදි පවත්වා ගැනීම සඳහා වැඩිපුර උත්සහයක් දැරීමට සිදු වූ එකම ගුරුවරයා ඇය නොවුනත් ඇයට ලැබුන පිළිගැනීමට ඇය  සුදුසු වේ.

හුඟක් ගුරුවරුන්ට දැනටමත් ලැබී ඇති  ප්‍රමාණයට වඩා උදව්වක්  ලැබිය යුතුයි. පසුගිය අවුරුදු එක හමාරේ  එය තවත් තහවුරු වී ඇත. නව පාසල් වාරය සඳහා සූදානම් වීම සඳහා අවශ්‍ය පන්ති කාමර උපකරණ  වැඩි ගුරුවරු පිරිසක් හට ලබා ගැනීමට හැකි වන බව තහවුරු කිරීමට මම Donors choose හා සමඟ හවුල් කරුවකු ලෙස එක් වුනෙමි.

මේ දැන් සිට අද රෑ මධ්‍යම රාත්‍රී දක්වා  පන්තිකාමර ව්‍යාපෘතිය සඳහා/ ඔබ කැමති උපකරණ ඉල්ලීමක්  සඳහා ඔබ කරනා පරිත්‍යාග සඳහා මම 50% ක තල්ලුවක් ලබා දෙන්නෙමි. එහි තේරුම වන්නේ ඔබ $10 ක් පරිත්‍යාග කළහොත් මම අමතර $5 ක් එකෙතු කිරීමයි.

Donors choose හරහා ගුරුවරයෙකුට උදව් කිරීමට මා හා එක් වන්න. සෑම සතයක්ම සහය වේ.

 

Bill Gates     

ගුරු වැටුප් ගැන මගේ අදහස

 ගුරු වැටුප් ගැන මගේ අදහස

මගේ අම්මා ගුරුවරියක වූවාය. ඒ කාලයේ සාමාන්‍යයෙන් ගුරුවරියන් ගමකට සිටියේ එක්කෙනෙක් නැත්නම් දෙන්නෙකි. අහල ගං හත අටක ගම්වැසියන් එම ගුරුවරිය පිළිබඳ දැනගෙන සිටියහ. 

අපේ ගෙදරට එකල කිව්වේ koralegedara කියාය. මගේ අම්මා ප්‍රසිද්ධව සිටියේ koralegedara ටීචර් කියාය. මගේ පියා ඇයට වඩා ටිකක් ඉහළ රජයේ රැකියාවක් කලද ඔහු ගැන දැන සිටියේ ලඟ ගෙවල් කිහිපයක මිනිසුන් පමණි. 

 අහල ගම් වල කෙනෙකු මා තවත් කෙනෙකුට හදුන්නා දුන්නේ koralegedara ටීචර් ගේ ලොකු පුතා යනුවෙනි. ඇය ඇයගේ අවුරුදු තිස් ගණනක් වූ සේවා කාලය තුළ සිරිමල්වත්ත ගුන්නෑපාන වලල arangala කෙන්ගල්ල pilawala වැනි රජයේ පාසැල් වල සේවය කළ බවත් මට මතකය.

1960 ගණන් වල අග ඩඩ්ලි සේනානායක මහතා පොල්ගොල්ල බැම්ම සඳහා මුල්ගල තැබීමට පැමිනි උත්සවය බලන්නට අපි ද පවුල පිටින් ගියෙමු.

උත්සවය අවසානයේ අපි තේ බීම සඳහා මහනුවර silverdale හෝටලයට ගියෙමු. එකල සාමාන්‍යයෙන් මහනුවර තේ බොන්නට තිබුණු ප්‍රසිද්ධ හෝටල් 2 silverdale සහ paiva හෝටලය විය. 

short eats කියූවිට රෝල්ස් පැටිස් සහ කට්ලට් දීසියක් ද සෝස් පොඩි බෝතලයක්ද ගෙනැවිත්  තැබීම එහි සිරිත විය. සාමාන්‍යයෙන් වැඩිහිටියන් කිරි තේ සහ ලමයින්ට අයිස්ක්‍රීම් ලබාදීම එකල සිරිත විය. මට මතක හැටියට silverdale හෝටලය ගාමිණී දිසානායක මහතාගේ පියාට අයිති විය. 

තේ බීම අවසන් කර එදින නගරයට පැමිණීමට ප්‍රධාන හේතුව මට සපත්තු දෙකක් ගැනීමට සපත්තු කඩයකට ගියෙමු. එහිදී එකල වෙළඳපොළට පැමිණ තිබූ ජනප්‍රිය සපත්තු වර්ගයක් වූ pointed shoes දෙකක් රුපියල් 30 ක ට අපි මිලදී ගත්තෙමු.

මට මේ රු.30 බව හොඳට මතක තිබෙන්නේ, මා ඒ කාලෙ පාඩම් කරන්නට හොර වුවහොත් තමන්ගෙ පඩියෙන් සියයට 10 ක් ගෙවා සපත්තු දෙකක් ඇරගෙන දුන්නේ වුවද මම පාඩම් නොකර සිටින බවට මගේ මව කියන්නට පුරුදු වී සිටි නිසාය. මේ නිසා ඒ කාලයේ ඇගේ පඩිය රුපියල් 300ක් වන්නට ඇති බවට අපට සිතන්නට පුළුවන. මෙය තවත් දුරට සාක්ෂාත් කර ගැනීමට මගේ මිතුරෙකු වන ආනන්ද ලැනරෝල් මහතා ගෙන් මම විමසා සිටියෙමි. ඒ ඔහු ද හැත්තෑ ගණන් වල  ගුරුවරයෙකු වී සිටි ඇති හෙයිනි ඔහුට ඒ කාලයේ රුපියල් දෙසිය 220ක පඩියක් ලැබුණු බව ඔහු මට කීවේය. 

ඒ කියන්නේ මෙහිදී උපකල්පනය කරන ලද වැටුප නිවැරදි විය යුතු බවයි. ඒ අතරම මට ඒ කාලයේ නොයෙකුත් වැඩ සඳහා අපේ ගෙදරට පැමිණි බාසුන්නැහේලා සහ ඔහුගේ ගෝලයන්ට ගෙවූ පඩි ගැන යම් මතකයක් තිබේ. 

මගේ එම මතකයන් ට අනුව එකල බාසුන්නැහේ කෙනෙකුගේ පඩිය රුපියල් පහක් පමණ විය. ගෝලයන්ගේ සහ කම්කරුවන් ගේ පඩිය රුපියල් දෙකයි 50 තුනයි 50 වාගේ විය.

එවිට ගුරුවරයෙක් ගේ මාසික පඩිය රුපියල් තුන්සිය යැයි සිතමු.

බාසුන්නැහේ කෙනෙකුගේ දවස් පඩිය රුපියල් පහක් වූයේ නම් ඔහු මාසයකට දවස් විසිදෙකක් වැඩ කළේ නම් ඔහුගේ මාසික වැටුප වන්නේ රුපියල් 110 කි. ඒ කියන්නේ ගුරුවරයෙකුගේ වැටුප මෙන් තුනෙන් එකකි. 

දැන් සාමාන්‍යයෙන් බාසුන්නැහේ කෙනෙකුගේ වැටුප රුපියල් 2,500 ක් වෙයි, දවස් විසි දෙකක් වැඩ කළහොත් මාසික වැටුප රුපියල් පණස් පන්දාහක් වෙයි. මට පෙනෙන විදිහට ගුරුවරයෙකුගේ වැටුප ද දැන් රුපියල් 40,000 ක් පමණ වෙයි. ගුරුවරුන්ගේ සේවා කාලය වැඩි වී ජේෂ්ඨ වන විට පඩි වැඩි වුවත් බාසුන්නැහේලා ට එසේ වන්නේ නැත. ඒ නිසා මට පෙනෙන්නේ මේ මාසික වැටුප්  වර්තමානයේ එක හා සමාන තලයක තිබෙන බවය. 

හැට හැත්තෑ ගණන්වල තුනෙන් එකක් වූ බාසුන්නැහේලා ගේ පඩිය දැන් සමාන තලයට පැමිණ තිබේ.

ඒ කියන්නේ ගුරු වැටුප අවුරුදු හතළිහක් වැනි කාලයකදී, සංසන්දනාත්මකව තුන්ගුණයකින් පමණ අඩුවී තිබෙන බවය.

නමුත් ගණන් හදා බලන විට එසේ පෙනුනත් මෙහි තවත් බැලිය යුතු කෝණ කිහිපයක් තිබේ.

ඒවා හෙට බලමු

ලක්ෂ්මන් ඉලංගකෝන්ගේ කෘෂි උපදේශ 2 අවසාන කොටස

 http://lakshmanillangakoon.blogspot.com/2021/08/2.html?m=1 සිට 

මා මුලින් සිතාගෙන සිටි ගණනට වඩා මෙය දෙගුණයක් පමණ වුවද දැන් මම මේ ගනුදෙනුව සඳහා සිර වූ බව මට පැහැදිලි විය. මම එයට එකඟ වී අඩු තරමේ මගේ හිත සාදා ගන්නට වත් ඔහුට මෙසේ කීවෙමි.

" හරි මම හයදාහක් දෙන්නම්,  හැබැයි ඒ ්‍රැගන් පෘට් ගහ කෙලින් කරන එකටත් එක්කයි"

මාත් දැන් මෙම ගනුදෙනුවට අසුවී ඇති බව ඔහු දැන ගත්තේය. " මහත්තයා පොල් ගහට 6000 ක් දෙන්න, මේ ගහේ වැඩේට අපිට තේ බොන්න කීයක් හරි දෙන්න" ඔහු කීවේය. 

කෙලින් කරන්නට අවශ්‍යව තිබූ පොල් ගස මුදුනට නැගී කෙනෙක් දිගාරින ලද කම්බියේ කෙළවරක් ඒ පොල් ගස මුදුනේ ගැට ගැසුවේය. එම කම්බි සාදාගන්නේ විදුලි මණ්ඩලය විසින් ඉවත් කරන ලද සන්නායක කම්බි වලින් බව මම පසුව දැන ගතිමි.

ඉන්පසු පොල් ගස හරවන්නට ඕනැ පැත්තේ තිබු තවත් පොල් ගසක මුල හරියේ කම්බියේ ගැටගසා බ්ලොක් එකකින්, ටිකෙන් ටික ද ොල් ගස  ඔලුව සාමාන්‍යයෙන්  අඩි හතක් අටක් පමණ ඇදෙන තුරු ඇද්ද හ. 

ඔහු ටිකෙන් ටික ට එම ඇදපු ප්‍රමාණය  ප්‍රමාණවත් දැයි මගෙන් විමසා සිටියේය. අවසානයේ පොල් ගසේ පටස් ගා ශබ්දයක් ඇසුණු විට තව ටිකක් ඇද්දොත් පොල් ගස කඩේ යැයි සැකයක් මට ඇතිවිය. ඒ නිසා අප පොල් ගස ඇදීම එතනින් නවතා කම්බි ගැට ගැසුවෙමු.

තවමත් අපිට අවශ්‍ය ප්‍රමාණය ඇදී නොමැති බව මා පෙන්වා සිටි විට ඔහු මට කීවේ, එක්වරම ඒතරම් ඇඳිය නොහැකි බවත්, තව මාස තුනකින් පමණ නැවත වරක් පැමිණ තවත් අඩි කිහිපයක් ඇදගැනීමට හැකියාව තිබෙන බවය. 

මේ කතාව මට ලියන්නට මුල්වූ සිද්ධිය ඇතිවන්නේ ඊළඟට ය. අපගේ ගෙදරට දකුණු පැත්තෙන් ගෙවත්තේ කෙළවර මහපාරට උඩින්, හොඳ පොල් පැලයක් පැළ වෙමින් තිබේ. මේ පොල් පැළය දැන් තිබෙන ස්ථානයේ අනතුරුදායක නොවුනද, පාර පැත්තට තිබෙන හිස් අවකාශය දෙසට ආලෝකය සොයමින් වර්ධනය වන බවක් පෙනෙන්නට ඇත. 

එසේ වර්ධනය වුවහොත් පාරට පොල්ගෙඩි වැටීමේ තර්ජනයක් ඇති හෙයින් එයද ගේ පැත්තට තරමක් ඇදගන්නට ඕනෑ බව මම පැවසුවෙමි. මේක ගසට කම්බි ගැට ගසන්නට ගියහොත්, කම්බිය බොහෝ පහතින් දමන්නට සිදු වන නිසා, මිදුලේ ඇවිදීමට අවහිරයක් සිදුවන බැවින් කම්බියක් ගැට ගසනවාට වඩා අමුතු ක්‍රමයකට පොල් ගස නවා ගන්නට පුළුවන් බව ඔහු මට පැවසීය.

ඒ බෝතලයක් ගැසීමෙනි. 

ඔහු මගෙන් හිස් බෝතලයක් ඉල්ලා සිටියේය. මම ඔහුට හිස් වයින් බෝතලයක් දුන්නෙමි. එයට වතුර පුරවා මුඩිය වසා, ගසට නැඟ, ගස නැමෙන්නට ඕනෑ පැත්තට විරුද්ධ පැත්තේ ඉහළ ගොබයට කිට්ටුවෙන් අත්තක හිඩැස තුළට බෝතලය තබා ඔහු හැකි තරම් ඇතුලට තද කළේය. 

මෙලෙස බෝතලේ එලෙසට තබා තද කිරීමෙන්, ගොබය අපිට අවශ්‍ය පැත්තට නැමී, ගස අනතුරුදායක පැත්තට  වර්ධනය වීම නැවැත්විය හැකි බව ඔහු පැවසීය. කල්පනා කර බලන විට ඒ හොඳ අදහසක් බව මටද වැටහුනි. 

මම වැඩ තුනටම රුපියල් 6500ක් දී, හතර දෙනාටම තේ එකක්ද පිළිගැන්වූ වෙමි

 මේ මගේම කෘෂි උපදේශයක් නොවුනද, මෙය සියල්ලන්ගේ දැන ගැනීමට යොමු කරන්නට සිතුණේ, මෙවැනි අවශ්‍යතාවයන් කිසිම මුදලක් වැය නොකර, කර ගන්නට පුළුවන් බව පෙනුණු නිසාය. 

මෙම උපක්‍රමය ගැන, පසු වේලාවක මා සමඟ සාකච්ඡා කරමින් සිටී මගේ මිත්‍ර බද්දේගම ආනන්ද ලැනරෝල් නැමති බොහෝ පළපුරුදු වැවිලිකරු, මා විසින් මේ සම්බන්ධව පල කරන ලද ඡායාරූප දැක මට තවත් උපදේශයක් දුන්නේ ය. ඒ මේ කුඩා පොල් ගස් වල අතු අතර තිබෙන හනස්ස සහ වෙනත් අනවශ්‍ය කොටස් ඉවත් කරන ලෙසය, මක්නිසාද ඒවා ගසේ පිරී තිබෙන විට ගස් වල රතු කුරුමිණියන් සෑදීමේ ්‍රවණතාවයක් ඇති වන බැවිනි.