නාමලා නම් වු සොර

 මම කුඩා කාලයේ පාසල් වේලාවෙන් පසු බොහෝවිට සිටියේ අපේ අත්තම්මලාගේ ගෙදර ය. බොහෝ ලිබරල් අදහස් තිබූ ඇය හතර පෝයට සිල් ගත්තත් නැවත ඉපදීම දිව්‍යලෝක යනාදිය පිළිගත්තේ නැත. එවැනි අදහස් වලට සිනාසුනාය.

විදුහල්පතිවරයකු වූ තමන්ගේ සැමියාගෙන් දික්කසාද වී සිටි ඇය ප්‍රසිද්ධ දේශීය ඇස් වෛද්‍යවරියක වූවාය.

එකල බොහෝ ගෙවල්වල මෙන් අපේ ගෙදරත් අපටම ආවේණික වූ වචන කිහිපයක් තිබිණ. එයින් එක යෙදුමක් මට අද උදේ මතක් උනේ, යාළුවෙකුගේ පෝස්ට් එකක් දැකීමෙනි.

ඒ මතක් වූ යෙදුම යම් හොරෙකු ගැන විශේෂිතයකින් කතා කරන විට "ඌ නම් මහ නාමල් හොරෙක්" යනුවෙන් පැවසීම ය.

මම බොහෝ කලක් යනතුරු සමහරවිට හයේ හතේ පන්ති වලට යනකම්ම වාගේ නාමල් හොරෙකු යන්නෙහි තේරුම පල් හොරෙකු වැනි තේරුමක් බව සිතා සිටියෙමි. එහෙත් එවැනි වචනයක් අවට ලෝකයේ පාවිච්චි නොවන නිසා මම දවසක් අත්තම්මාගෙන් මෙහි තේරුම ඇසුවෙමි.

ඇයගේ නැගණියක් විවාහ වී සිටි ගමේ කලකට පෙර සොරෙකු වාසය කර ඇත. මට හිතෙන විදියට මේ හතළිස් හෝ පනස් ගණන් වල විය යුතුය.

මේ හොරාගෙ නම නාමලා විය. 

මොහු සොරකම් කර පොලිසියට අල්ලාගෙන යන විට, පාර කිට්ටුව නිවසක් අසළට පැමිණි විට, නිවසේ වාසය කරන්නාගේ නම හේරත්හාමි යයි සිතමු

" හේරත් හාමි මම ගියා කියලා වැඩේ නවත්තන්න එපා දිගටම කරගෙන පලයන්" යනුවෙන් කෑගසමින් තවත් කිහිප දෙනෙකු මාට්ටු කරන්නට, කටයුතු කළේය. සමහරවිට එවිට ඔහුට විරුද්ධව ඇති චෝදනා අවුල් වී ඔහුට නඩුවෙන් බේරීමට යම් අවස්ථාවක් ලැබෙන්නට පුළුවන් යැයි ඔහු සිතුවා වන්නට පුළුවන.

කාලයකට පසුව  මොහු සොරකමක් කර, පොලිසියෙන් අල්ලා ගන්නට පැමිණි විට, ඔය අසල විශාල මාර ගසකට නැග පොලිසිය ඉවත්ව ගියේ නැත්නම් තමන් මාර ගසින් බිමට පැන මිය යන බවට තර්ජනය කරමින් දවසක් පමණ ඒ ගස මත සිට ඇත.

හවස් වනතුරු පොලිසිය නොයෙක් ක්‍රමවලින් මොහු පහලට ගැනීමට උත්සාහ කර ඇත. අවසානයේ හවස්වරුවේ ඔහු ඒ ගල් තලාව මතට පැන සියදිවි නසාගෙන ඇත.

මට මේ කතාව මතක් වූයේ තමන් ප්‍රියකරන හොරුන්ගේ හොරකම් තනුක කරන්නට වටේ ඉන්න සියලු දෙනාම හොරු බව සමහරුන් දැන් කියන්නට පටන් ගෙන ඇති නිසාය.

මේ කතාව මතක් වුණු අද දුටු පෝස්ට් එකත් ඒ වගේ එකකි.

පානම වැවේ ඉතිහාසය

 

මම 2011 2012 වසර වන ාවික හමුදාවේ දකුණු ප්‍රදේශයේ ආඥාපතිවරයා වශයෙන් කටයුතු කළෙමි. අලුත්ගම සිට පොතුවිල් දක්වා දිවෙන වෙරළ ප්‍රදේශය සහ මුහුද මෙම ආඥාවට අයිති ප්‍රදේශය වෙයි. මේ කාලයේ පානම ප්‍රදේශයේ අලුතින් පිහිටුවන ලද නාවික හමුදා කදවුර අතිශය දුෂ්කර ජල ප්‍රශ්නයකට මුහුණ දුන්නේ ය.

විශාල කඳවුරක් වූ මෙම කදවුර මට මතක හැටියට ඇති කරන ලද්දේ ගාල්ලේ වරායට කොටින් විසින් පහර දුන් අවස්ථාවෙන් පසුව විය යුතුය. ඒමේ ප්‍රදේශයේ මුහුදේ ආරක්ෂාව තර කිරීමට ුර සංචාරක යාත්‍රා ක්‍රියාත්මක කිරීමේ අදහසිනි.

ජල ප්‍රශ්නය ඉතා උග්‍ර ව තිබූ හෙයිනි ලය ලබා ගැනීමට ක්‍රමයක් ද සොයා ගැනීමට නොහැකි වූ හෙයින් සහ යුද්ධය අවසන් වී ඇති නිසා මේ කදවුර වසා දැමීමට ද මම යෝජනා කළෙමි. එහෙත් එසේ කඳවුරු වසා දැමීම සුදුසු නැති යැයි එකල සිතූ නිසා මේ යෝජනාව උපන්ගෙයිම අවසන් විය.

මෙම ජල ප්‍රශ්නය විසඳීමට ඒ අවට ඇති ලවණ ජලය පිරිසුදු කර ගැනීමට මිලියන් සිය ගණනක් වියදම් කර ලවණ ජලය පිරිසිදු කරන reverse osmosis උපකරණ ගෙන්වීමේ යෝජනාවක් ඉදිරිපත් වුනු අතර ඒ සඳහා කටයුතු පිළියෙල කෙරිණ.

මේ අතර එම කඳවුරේ නිරීක්ෂණ චාරිකාවක් සඳහා ගිය මට ෙම ප්‍රශ්නයට එතරම් වියදම් නොකර විසඳුමක් කදවුර තුළම තිබෙන බව පෙනුණි. ඒ කදවුර තුළ ජලාශයක් සෑදීමයි. මේ පිළිබඳව තරමක් පරීක්ෂාකර බැලීමේදී, එම කදවුර තුළ බොහෝ පැරණි කැඩී ගිය බැව් බැම්මක කොටස් කිහිපයක් දකින්නට පුළුවන් විය.

මම නාවික හමුදා මූලස්ථානයත් සමඟ මේ පිළිබඳව සාකච්ඡා කර බැකෝ යන්ත්‍ර යෙකුත් ඉල්ලාගෙන, වැඩේ පටන් ගත්තෙමි. කඳවුරේ තිබෙන සියලුම සම්පත් යොදා ගෙන ියලු දෙනාගේ ශ්‍රම දායකත්වයෙන්, මාසයක් පමණ ඇතුලත වැව් බැම්ම සාදා ගත්තෙමි. ඒ කාලේ වැඩි දින ගණනක් මම ද පානම නැවතී සිටිය අතර  මා, ගාල්ලේ මගේ කාර්යාලයට හෝ වෙනත් රාජකාරියකට ගියවිට අඩු තරමින් මගේ ධජ නිලධාරියා හෝ ඒ වැඩේ කරන්නට අධීක්ෂණය කරන්නට එම කඳවුරේ රඳවා තැබුවෙමි.

මාස දෙකක් ගත වීමට පෙර වැව් බැම්ම සම්පූර්ණයෙන් වැඩ අවසන් කර වැව් ජලයෙන් කඳවුරේ ියලු ජල අවශ්‍යතා සම්පූර්ණ කරන්නට හැකියාව ලැබුණි.

එකල නව්ක හමුදාපතිවරයා ව සිටී අද්මිරාල් දිසානායක මේ ජලාශයට මගේ නම යොදන්නට යෝජනා කළ ද මම එයට එතරම් කැමැත්තක් දැක්වූයේ නැත. 

කෙනෙකුට එවැනි ජලාශයක් සාදන්නට ලැබෙන්නේ බොහෝ කලාතුරකිනි. ඒ සතුට මගේ සිතේ සැමදා තිබේ.

19 වන සියවසේ අලුත් අවුරුදු

 

තව සති දෙකකින් පමණ සරසවි වෙතින් නිකුත්වන ඉහත පොතෙන් උපුටාගන්නා ලදී.

සාමාන්‍ය ගැමි ජීවිතය කිසිම විනෝදයක් නැති එකකි. ඔවුනට යම් හෝ සතුටක් ලැබෙන්නේ අසනීප සඳහා කෙරෙන බලි තොවිල්, ඉඳහිට ඇතිවන නඩු හබ සහ විවාහ මංගල්‍ය වලිනි. විවාහ උත්සව හොඳ ආහාර වේලක් ගන්නට, ඇඳුම් සහ ආභරණ ප්‍රදර්ශනය කරන්නට අවස්ථාවක් ලැබෙන්නේ වුවද, කුල ප්‍රශ්න සහ පවුල් අතර ඊර්ෂ්‍යාව නිසා ආරවුල් ඇති නොවන්නේද නොවේ.

ප්‍රසිද්ධ විහාරස්ථාන වලට වන්දනාවේ යාමද කණ්ඩායම් වශයෙන් සිදු කරයි. එංගලන්තයේ මෙන්ම එවැනි කණ්ඩායමක දහයෙන් නමයක් පමණ කාන්තාවන් වෙයි.

ගැමි ජීවිතයේ එක් ප්‍රසන්නම අවස්තාවක් වනුයේ පවුල එකට එකතු වීමය. මෙය සිදුවනුයේ අප්‍රේල් මස 11 හෝ 12 වන දිනය. මේ සඳහා සියලු දෙන තමන්ගේ මහගෙදරට එකතු වෙති. ඒ සමගම ත්‍යාග හුවමාරු කර ගනිති. ඔවුන්ගේ මිතුරන් සහ නෑදෑයන් ගේ නිවෙස් වලට අලුත් ඇඳුමෙන් සැරසී යති. පිරිමි මෙලෙසටම තම ගම ප්‍රධානින් හමුවන්නටද, ගම මුලාදැනින් තමන්ගේ ඉහල නිලධාරින් හමුවන්නටද යති. සැතපුම් 90 ක් දුර දුවිලි සහිත මාර්ගයේ මෙවැනි හමුවක් සඳහා පවුල් පිටින් පයින් ගමන් කරන, පවුල් මම දැක ඇත්තෙමි.

උත්සවයට සති 3 කට පමණ පෙර සිට, මුළු ගමම මේ සඳහා ලක ලෑස්ති වෙයි. නිවෙස් අලුත්වැඩියා කෙරෙති, කෙසෙල් කන් සහ පැණි ; සමහරවිට බොහෝ දුර සිට, එකතු කෙරෙයි. දෛනික වැඩ කටයුතු සියල්ල යටපත් වී, සියලු දෙන සිතන්නේ මෙම පැමිණෙන උත්සවය පිලිබඳවය. මේ කාලය නැකත් බලන්නන්ටද වැඩ අධික කාලයකි. ඔවුහු ලිප ගිනි මෙලවිමට, ආහාර පිසීමට සහ දවස් තුන හතරකට පසුව හිස තෙල් ගෑමට දිනයන් සහ වේලාවන් ගණනය කල යුතුය. මෙම උත්සවයට පිළියෙළ වෙද්දී වෙනත් කිසිම වැඩක් හෝ ගමනක් ආරම්භ කරන්නේ නැත.

බොහෝ ගම් වල කාන්තාවන් අඳුරු සැගවුම් ස්ථානයකින්, මේ කාලයට, කුඩා අවපාත 14 ක් ඇති ලෑල්ලක් එලියට ගනිති. මෙම අවපාත සාදා තිබෙන්නේ 7 බැගින් පේලි දෙකකටය. පෞරාණික ක්‍රීඩාවක් වන ඔලිඳ ක්‍රීඩා කරන්නේ මෙම ලෑල්ල මතය. ලෑල්ල දෙපස ඉඳ ගන්නා කාන්තාවන් දෙදෙනෙක්; මෙම ක්‍රීඩාව කරන්නේ කාන්තාවන් පමණි, රතු ඔලිඳ ඇට මෙම අවපාත මත දමති. ඔවුන් මෙම ක්‍රීඩාවේ අති දක්ෂ වන අතර, සමහර විට පැය 4 ක් පමණ එක දිගටම ක්‍රීඩා කරති. අවුරුදු උත්සවය අවසන් වූ පසු එම ලෑල්ල සඟවන ස්ථානයට ආපසු යන අතර, නැවත එලියට එන්නේ ඊළඟ අවුරුද්දටය. පහත රට බලපෑම ඇතිවී ඇති ගම්වල දැන් සුදු කෙලිම පැතිරී ඇති අතර, පිරිමි මෙයින් මහත් ආශ්වාදයක් ලබති.

අවුරුදු දෙකකට පමණ වරක් තෙලිඟු, කැඩිච්ච සිංහල සහ දෙමල කතා කරන අහිකුන්ටක කණ්ඩායමක් මාර්ගයේ පැමිණ, පාර අයිනේ වැවක් අසල එලිමහනක කඳවුරු බඳිති. ඔවුන්ගේ කුඩා කුඩාරම් සැදීම සඳහා යොදාගන්නා වේවැල් සහ තල් අතු, බූරුවන් පිට රැගෙන එන අතර, අනෙකුත් ඉවුම් පිහුම් උපකරණ කාන්තාවන් සහ ළමයින්ගේ ඔලු උඩ ගෙනෙති. මෙවැනි සමහර කණ්ඩායම් එළුවන් රංචුවක්ද රැගෙන පැමිණෙති.

ඔවුහු අඩි 4/5 පමණ උස කුඩාරම් කිහිපයක් හදාගෙන ඉවරවූ පසු, තම දරුවන්, ළමයින්ගේ සහ වයසක කාන්තාවන්ගේ බාරයේ තබා මුදල් සහ ආහාර එකතු කරන්නට අවට ගම් වලට යති. පිරිමි කළු පාට වේවැල් පෙට්ටියක් රෙද්දකින් කරේ එල්ල ගෙන යති. එහි නයෙකු හෝ දෙදෙනෙකු දමාගෙන යන්නේ නැටවීම සඳහාය. නටන බව කීවද එම නයි රවුම් ගැසී අඟල් 15 ක් පමණ තම පෙනය ඔසවාගෙන, නලාවක් පිඹිමින් ඉඳගෙන සිටින අයිතිකරු ගේ රිද්මයකට සොලවන දනිහට හෝ අතට පෙනයෙන් පහරදීමට උත්සාහ කරති. කාන්තාවන් මේ අතර අල්ලේ රේඛා කියවමින් මිනිසුන්ගේ වාසනාව කියති.

මේ අතර තරුණ ලඳුන් හතරවෙනි හෝ පස්වෙනි වතාවට තමන්ට කඩවසම් හරකාබාන යහමින් ඇති කඩවසම් තරුණ සැමියෙකු ලැබෙන බව අසාගන්නට, ඔවුන්ට ගෙවිය යුතු පැන්ස බාගයක් සොයති. වැඩිහිටියන් නයි නැටුම බලා සහල් ටිකක් දෙති. අසල ගම් වලින් යමක් එකතුකර ගැනීමේ හැකියාව අවසන් වූ පසු අහිගුන්ටකයන් පීරිස, වෙනත් තැනකට පිටත්වෙති. ආහාර සඳහා සතුන් අල්ලා ගැනීමට ඔවුනට උදව්වන බල්ලන් කිහිප දෙනෙකු ඔවුන් සමග සිටිති. කකුල් ඇති හෝ නැති කන්නට පුළුවන් ඕනෑම සතෙකු ඔවුන් ආහාරයට නොගෙන ඉන්නේ නැත. ලොකු කූඹින්, මීයන්, බකමුනන්, මුගටියන් සහ ගමකින් එලියට පැමිණි අවස්තාවක හොරෙන් අල්ලා ගන්නා කුකුලන්ද මේ අතර වෙයි..........

අමුතු සිදුවීම්

 

ඊයෙ ලංකාවේ උතුරු මැද ප්‍රදේශයේ, බොහෝ අස්වාභාවික සිදුවීම්  සිදුවී ඇති බවට වාර්තා ලැබී තිබේ.
මෙයින් ප්‍රධානතම වාර්තා වීම සිදුව ඇත්තේ මරිකා එක්සත් ජනපදයේ හවායි ප්‍රාන්තයේ පිහිටි

Pacific Tsunami Warning Center, නමැති ලෝකයේ සුනාමියක් ඇතිවීමට මූලිකවන මුහුද යට භූකම්පන පිළිබඳ විමසිල්ලෙන් සිටීමට පිහිටුවා ඇති ආයතනය විසිනි.
ශ්‍රී ලංකාවේ උතුරු මැද පලාත් කුමන හේතුවක් නිසා ඇති උනාදැයි ිද්‍යාත්මකව පැහැදිලි කළ නොහැකි අතිමහත් කම්පනයක්, වැනි යමක් වාර්තා වී ඇත. ඔවුන් විද්‍යාඥයින් යොදාගෙන මේ පිළිබඳව කොතරම් පරීක්ෂා කළ ද මෙයට හරි පැහැදිලි කිරීමක් තවමත් ගොඩ නගා ගන්න පුළුවන්කමක් ලැබී නැත.

අනෙක් වාර්තාව ලැබී ඇත්තේ එක්සත් ජනපද National Aeronautics and Space Administration විසින් අභ්‍යවකාශයේ පවත්වාගෙන යන, international space station විසිනි. ඔවුන් වාර්තා කර ඇති අද්භූත යම් බලයක් ංකාවේ උතුරු මැද ප්‍රදේශයේ සිට අභ්‍යවකාශය වෙත සහ අභ්‍යවකාශයේ සිට එම ස්ථානය වෙතට ගමන් කරනවා දැකීමයි. මුලින්ම විශ්වයේ යම් බලගතු කළු කුහරයක සිට පැමිණෙන බවට සැක කර ලෝක විනාශයක් සිදු වන්නට ඉඩ තිබේ යැයි කල්පනා කළ ද, එසේ නොවුන හෙයින් මේවා කුමන ආකාරයේ බලයන් ද ඒවා කුමන වර්ගීකරණයකට දැමිය හැකිද යන්න පිළිබඳව ඔවුන් තවමත් පරීක්ෂා කරගෙන යන බවද වාර්තා කර තිබේ.

තුන්වන වාර්තාව ලැබී ඇත්තේ, ඉන්දියානු ගුවන් පථය පරික්ෂා කිරීමට සවිකර තිබෙන රේඩාර් පද්ධතිය මගිනි. ලංකාවේ උතුරු මැද ප්‍රදේශයේ සිට ලෝකයේ ලොකුම ගුවන් යානය වන Antonov AN-225 වැනි ගුවන්යානා දහයක් පමණ ප්‍රමාණයක් හිමාලය කඳු මුදුනට ගමන් කරන බවක් සටහන් වුවද, ඔවුන්ගේ radar  tracking පද්ධතියට යම් පැහැදිලි කළ නොහැකි හේතුවක් නිසා, ඒවා track කිරීමට නොහැකි බව පෙනී ගොස් ඇත. ඔවුන් මේ පිළිබඳව විශේෂ පරීක්ෂණයක් අරඹා ඇති බව වාර්තා වේ.

පිටසක්වල ජීවීන් පිළිබඳව විමසිල්ලෙන් සිටින ඇමරිකාවේ national security agency ආයතනය ද මේ පිළිබඳ වාර්තාවක් පරික්ෂා කරමින් සිටින බව දැනගන්නට ලැබේ. වාර්තා වල හැටියට ඔවුන් පරික්ෂා කරන්නේ  ලංකාවේ උතුරු මැද ප්‍රදේශයෙන්, අභ්‍යවකාශයට යම් වස්තුවක් මහත් බලයකින් යුක්ත ව එක්වරම ගමන් කළ ආකාරය පිළිබඳව බව දැනගන්නට තිබේ. ඒ පිළිබඳ වැඩි විස්තර
https://www.nsa.gov/Helpful-Links/NSA-FOIA/Frequently-Requested-Information/Unidentified-Flying-Objects-UFOs/#/

නැමැති ලින්කුවෙන් ලබාගත හැක.

මෙය හාස්‍ය රසය සඳහා ලියන ලද්දක් බව සලකන්න.