Thursday, January 27, 2022

ඔළිඳ තිබෙන්නේ ......

 ඊයේ මගේ පාසලේ යාළුවෙක් යම් කටයුත්තක් සඳහා අප නිවසට පැමිණියේය. මම ඔහුත් සමඟ කතා කරමින් සිටියදී ඔහුගේ මිතුරෙකු ගෙන් ඔහුට දුරකථන ඇමතුමක් ලැබුණි.


ඒ මිතුරා තම මවගෙ ආයුර්වේද ප්‍රතිකාර සඳහා ඔහුගෙන් ඔළිඳ දළු ටිකක් සොයා ගැනීමට ක්‍රමයක් තිබේ දැයි විමසා සිටියේය. මගේ මිතුරා මේ පිලිබඳව මගෙන් ඇසුවේය. අපගේ ගෙදර ඉදිරිපස ඔලිඳ ගසක් තිබෙන බවත් දැනට මාස 6 කට පමණ පෙර  ගසෙන් කිසි ප්‍රයෝජනයක් නොමැති නිසාත් ඒ මඟින් මගේ වෙනත් ප්‍රයෝජනවත් ගස් වලට වදල වන නිසාත් එය මා කපා දැමීමට අදහස් කරගෙන සිටි බවත් මට මතක් විය.


එවැනි වැඩකට නැති ගසකින් ෙලෙස ප්‍රයෝජනයක් ගැනීමට ඉඩ ලැබීම නිසා බොහෝ සතුටට පත් මම මගේ මිතුරාට ඒ ගසත් පෙන්වා මේ පිළිබඳව පැහැදිලි කළෙමි. ඔහුගේ රියදුරා ද එය පරීක්ෂාකර බලා මහත් සතුටට පත් විය.

ටික වේලාවකින් ඔහුගේ මිතුරා මට තෑග්ගක් වශයෙන් අන්නාසි ගෙඩියක් ද රැගෙන, මා මීට පෙර දැන සිටියේ නැතත් මගේ අන්නාසි සඳහා රුචිකත්වය ඔහුට ආරංචි වී තිබුණා ද දන්නේ නැත, ගසට නැගීමට කෙනෙකුද සොයාගෙන අපගේ නිවසට පැමිණියේය.


මහත් අපහසුවෙන් ගස ළඟට ගිය ඔහුගේ ගස් නැගීමට හැකි ගෝලය එය ඔලිඳ වැලක් නොවන බවත් මදටිය ගසක් බවත් කියා සිටියේය. මදටිය ඇට සහ ඔළිඳ ඇට එක පෙනුමෙන් යුක්ත නිසා මට මේ වැරදි අදහස් ඔලුවට වැටී ඇති බව පෙනුණි. ඇත්තෙන්ම ඔළිද ශාකය වැලක් බවත් මදටිය මහා විශාල ගසක් බවත් මම එතනදී ඉගෙන ගත්තෙමි. 


දෙවන වර පැමිණි මිතුරා මගේ ළඟ දී නිකුත් වන පොත ගැන මගෙන් විස්තර ඇසුවේය.  ඔහුගේ අන්නාසි ගෙඩිය පිළිගත් නිසා ඔහුගේ බලාපොරොත්තුව ඉටු නොවුන නිසාත්, ඔහු පොත් ගැන උනන්දුවක් දක්වන්නකු බව දැන, මගේ අලුත් පොතේ කර්තෘ පිටපත් මෙතෙක් නො ලැබී ඇති නිසා, මගේ කන්දේ සිර වූ  නාවිකයා පොතේ පිටපතක් වහාම ඔහුට පරිත්‍යාග කළෙමි.


මේ අතර මගේ මිතුරා තවත් කෙනෙකුට කතා කර  ඔලිඳ වැලක් කටුගස්තොට රණවන පාරේ තිබෙන බව දැනගෙන දෙවනියට පැමිණි මිතුරා සමග එහි යාමට පිටත් විය.


පසුව දැනගත් පරිදි එම වැල අසලට ගොස් දළු කැඩීමට ලැහැස්ති වන විට ඒ අසල සිටි පිරිසක් එයට එතරම් කැමැත්තක් නොපෙන්වා තවත් කිලෝමීටරයක් පමණ දුර අඹගසකට ගොස් ඇති ඔලිඳ වැලක් තිබෙන බව ඔවුනට දන්වා සිට ඇත. 

ඔවුන් එම ස්ථානය සොයාගෙන ගොස් අසල නිවසකින් ඇසූවිට මේ වැල්වල නිතරම දලු කඩන හෙයිනි වැල් මැරී යාමට ඉඩ තියෙන බව පවසා ්‍රෑම් 200ක පමණ කුඩා ප්‍රමාණයක් ඔවුනට කඩා ගැනීමට ඉඩ දී ඇත.


මෙය මවගේ ඖෂධ සඳහා සතියකට ප්‍රමාණවත් වන බව ඔහු කීවේය. මෙතරම් දුර්ලභ දෙයක් නම් වැල් කිහිපයක් පැල කිරීමට සුදුසු බව සිතූ මම පැලකිරීමට ඇට කිහිපයක් සොයා මුහුණුපොතේ පෝස්ට් එකක් දැමුවෙමි. 


ඒ අතරම ගූගල් වල ඔළිඳ පිළිබඳව පරීක්ෂා කළ විට එය බෙහෙත් ඖෂධයක් ලෙස බොහෝ පාවිච්චි වන බවත් දුටිමි.


මට දැනට මිතුරන් දෙදෙනෙකු මේ සඳහා ඇට ලබා දීමට ඉදිරිපත් වී ඇති අතර, එන සතියේ පමණ ඒවා ලැබෙන බව පෙනෙන්නට තිබේ. 


ඇට රාත්‍රියක් වතුරේ පොඟවා පැල කළ යුතු බවටත් මම ගූගල් හි දුටුවෙමි. එන සතියේ එසේ කරන්නෙමි.


Thursday, January 6, 2022

දුෂ්කර කාල වලදී හොඳ ගති ගුණ ඉස්මතු වෙනවද

 මම පසුගිය දිනක මිතුරෙකු හා බැංකුවකට ගියෙමි. ටිකක් දිග වැඩක් නිසා පැයක් පමණ මේ කටයුත්තට ගත විය. ඒ වැඩෙන් වැඩි කොටසක් කළේ මගේ මිතුරා නිසා මම ඒ අසලින් ඉඳගෙන බැංකුවට පැමිණෙන ගනුදෙනුකරුවන් පිළිබඳව විමසිල්ලෙන් සිටියෙමි. එක් ගනුදෙනු කාරියක හා බැංකුවේ නිලධාරියෙකු ටිකක් ශබ්දය වැඩියෙන් කතා කළ හෙයින් මට ඔවුන්ගේ සාකච්ඡාවට යම් දුරකට ඇහුම්කන් දෙන්නට පුළුවන් විය.


මේ කාන්තාවට අවශ්‍ය වූයේ තරමක මුදලක් මාසයක් සඳහා ස්ථිර තැන්පතුවක තැන්පත් කිරීමට ය.  බැංකුවේ තරුණ නිලධාරියෙකු එසේ කිරීමෙන් ඇයට එතරම් ප්‍රයෝජනයක් නොවන බවට ඇයට ඒත්තු ගැන්වීමට බොහෝ උත්සාහ කළ ද එය සාර්ථක වූයේ නැති බව මට පෙනුණි. 


මාසයක් ස්ථිර තැන්පතු කලවිට ලැබෙන පොලියට වඩා මුදලක් දිනපතා පොලිය ගණනය කෙරෙන ඉතුරු කිරීමේ තැන්පතුවක ලැබෙන බව ඔහු කියා සිටියේය. එසේ සිදු වන්නේ ඉතුරු කිරීමේ තැන්පතුවක දවසින් දවස පොලී සෑදෙන නිසාත්, එම පොළිය වැල් පොලී ආකාරයට සෑදෙන නිසාත් බව ඔහු කියා සිටියේය. 


එම නිලධාරියා කිහිප වතාවක් මේ පිළිබඳව ඒත්තු ගැන්වීමට උත්සාහ කළ ද ගනුදෙනුකාරිය එය පිළිගන්නා බවක් පෙනෙන්නට තිබුණේ නැත. ඊට පසු ඔහුට වඩා ජ්‍යෙෂ්ඨ නිලධාරිනියක් පැමිණ ඇයට පැහැදිලි කරන්නට හැදුවද යිනුත් ප්‍රයෝජනයක් වූයේ නැති බවක් පෙනුණි. 


මේ සිදු වෙද්දී මට මගේ වැඩය අවසන් කරගත හැකි වූ නිසා මම එතනින් එළියට පැමිණිය ද අර ගනුදෙනුවට කුමක් සිදුවේ සිදුවූයේද යන්න පිළිබඳව හරි අවසානයක් දකින්නට නොලැබීම මට කණගාටුවට ඉපිද වීය.


එහෙත් බැංකුවේ එම නිලධාරීන් ැංකුවට වඩා ප්‍රයෝජන අඩුවෙන් පොළිය දීම යන කාරණය පසෙකලා ගනුදෙනු කාරියට උදව් කරන්නට උත්සුක වීම මගේ සිත පහන් කළේය.


බැංකුවෙන් එළියට ආපසු ගෙදර යාමට පෙර ෆාම් ෂොප් එකට ගොස් පෝක් කිලෝ එකක් ගත යුතුව තිබිණ. මම ඒක ගනිමින් සිටියදී එතනට පැමිණි කාන්තාවක් chicken necks කිලෝ බාගයක් කීයක් වෙනවා දැයි ඇසීය. මම හිතන්නේ කුකුල් මස් වල ගනන් අඩුම කැටගරි එක එය විය යුතුයි. 

කිලෝ බාගෙකට රුපියල් 275 ක් වන බව කඩේ සේවකයා කියූ විට ය ටිකක් කල්පනා කර ග්‍රෑම් 500 ඇනවුම් කළාය. 


ඔහු ග්‍රෑම් 500 කිරා මල්ලකට දා ටිකක් වේලාවක් කල්පනා කර

" රුපියල් 250ක් දෙන්න" යනුවෙන් කීවේය. ඔහුට ඕනෑනම් එතනදී රුපියල් තුන්සීයක් එසේත් නැත්නම් 250ක් ඇයගෙන් ලබාගැනීමට ඉඩ තිබිණ.

එහෙත් ඔහු එසේ කළේ නැත.


සමහර විට සමාජයට දුෂ්කර කාල වලදී මිනිසුන්ගේ හොඳ ගති ඉහලට මතුවෙනව වෙන්නට පුළුවන. මම ඊයෙ එවැනි අවස්ථා දෙකක් දුටිමි.


Saturday, January 1, 2022

අකුණු මුරලි

 මින්නාල් මුරලි සිංහල තේරුම අකුණු මුරලි, නැමැති අපූරු මලයාලි චිත්‍රපටිය බැලුවෙමි. 

කවරේ සිටී spiderman ඇඳුම් කට්ටලය දැක මා මුලින් සිතුවේ ්පයිඩර් මෑන් චිත්‍රපටිය අනුකරණය කරන්නට ගොස් හොඳින් ඇනගෙන ඇති මලයාලි චිත්‍රපටයක් ලෙසට ය.

එහෙත් Netflix එකේ තිබෙන නිසා, විනාඩි 5ක් පමණ නරඹා තවදුරටත් නරඹනවාද යි තීරණය කරන්නට සිතා ගත්තෙමි. 


ගමක පෙන්වන නාඩගම කින් පටන් ගන්න චිත්‍රපටය  කේරලයේ අපට පුරුදු ග්‍රාමීය දර්ශන වලින් පිරුණු එකක් නිසා චිත්‍රපටය මුලින්ම අප තුළ උනන්දුවක් ඇති කළේය. 


කතා නායකයන් සහ ඔවුන් දෙදෙනාගෙන් කතාවලින් පිරී පැවතුණ නිසා චිත්‍රපටයේ යම් අනවශ්‍ය හිර වීමක් ඇති වී තිබුණ ද ගලා ගෙන යාමේදී යම් අවහිරතාවයක් පෙනුනද චිත්‍රපටය ඉතාමත් අගනා ලෙස සාදා ඇති බව මලයාලි චිත්‍රපට අග යන්නෙකුට පමණක් නොව, වෙනත් ඕනෑම චිත්‍රපට නරඹන්නෙකුට වුවද නරඹා රස විදින්නට පුලුවන් චිත්‍රපටයක් බව පෙනුණි.

චිත්‍රපටයේ මට පෙනුන ප්‍රධාන විශේෂත්ව කිහිපය, ඈත පිටිසර ගමක වීඩියෝ කැසට් කාලයේ ජීවත්වන සමාජයත් එය තුල සිදුවන නොයෙකුත් සිද්ධීන් සහ මිනිසුන්ගේ අතර සම්බන්ධතා පොඩි විහිලුව කුත් සමඟම පෙන්වා තිබීම සහ ඉතාමත් අඩු වියදමකින් මට පෙනෙන විදිහට තාක්ෂණය ඉතාමත් අඩුවෙන් යොදා ගෙන එහෙත් ස්පයිඩර් man වැනි බටහිර චිත්‍රපටයකටත් වඩා හොඳින් ඇස්බැන්දුම් දර්ශන නිෂ්පාදනය කර තිබීමය. 

මේ මුළු චිත්‍රපටයට ම වියදම් කර ඇත්තේ ඉන්දියානු රුපියල් කෝටි 15 කි. ඒ කියන්නේ ලංකාවේ සල්ලි වලින් නම් කෝටි 40 ක් පමණ වෙයි. මෙවැනි බජට් එකකින් චිත්‍රපටයෙහි පෙන්වන ආකාරයේ special effects නිර්මාණය කර තිබීම ඇත්තෙන්ම පුදුම සහගතය.

එවැනි එකම දර්ශනයක වත් අපට සැකයක් හිතන හෝ සිනා යන අවස්ථා ඇත්තේ ම නැත. 

මේ දර්ශන වර්ග දෙක නම් කේරලයේ ග්‍රාමීය දර්ශන ඉතාමත් ඉහළ ගණයේ special effects ගලපා ගන්නා අන්දමත් අපූර්ව ජනකය.


චිත්‍රපටයෙහි ඩිජිටල් අයිතීන් net tricks වෙත විකුණා ඇත්තේ ඉන්දියානු රුපියල් කෝටි තිහකට ය. TV වල පෙන්වීම සඳහා අයිතීන් විකුණා ඇත්තේ තවත් කෝටි දහයකට ය.  එහි ශබ්ද අයිතීන් පීරිස් වෙත විකුණා ඇත්තේ කෝටි හයකට ය.

ඒ කියන්නේ චිත්‍රපටය වාණිජ අතින් ද ඉතාමත් සාර්ථක වී ඇති බවකි. 

හොඳ චිත්‍රපට හදන්නට සල්ලි නෑ කියමින් සිටින අපේ චිත්‍රපට නිෂ්පාදකයන්ට මෙම චිත්‍රපට හොඳ පාඩමකි. අනෙක සරල ලෙස නිර්මාණාත්මක ලෙස සිතීමෙන් ඕනෑම special effect දර්ශනයක් චිත්‍රපටයට ඇතුළු කරගත හැකි බවත් චිත්‍රපට නිෂ්පාදකයන්ට පෙන්වාදෙන චිත්‍රපටයකි .

චිත්‍රපටයේ බජට් එක ගැන පරීක්ෂාකර බලද්දි මට 2019 නිපදවන ලද spider man චිත්‍රපටය වන far away  from home චිත්‍රපටය නිපදවීම සඳහා කොපමණ මුදලක් වියදම් වුණේ දැයි බලන්නට සිත් විය. ඒ මුදල මේ චිත්‍රපටය සඳහා වියදම් වූ මුදල  මෙන් අසූ එක් ගුණයකි. ඒ මුදල මලයාලි චිත්‍රපටයේ නිෂ්පාදකවරයාට ලැබුණේ නම් මොන වගේ චිත්‍රපටියක් හදන්නට ඔහුට හැකි වේවිදැයි සිතන්නටත් බැරි ය.


පිහිල්ලට විසිකරපු අලකොල ටිම්බ

 විදේශයකින් නිවාඩුවකට පැමිණ සිටින නෑදෑයෙකුගෙ ආරාධනය මත ඊයේ උදේ regency හෝටලයේ උදය ආහාරය සඳහා ගියෙමි. අප එතනට යන විට නමය හමාර පමණ වී තිබූ අතර...