නිධාන හෑරීමෙන් ඔබ්බට; function tests

මම මීට පෙර දවසක නිධාන හෑරීම ගැන බ්ලොග් එකක් ලිව්වෙමි ( http://lakshmanillangakoon.blogspot.com/2016/07/finders-keepers.html.ඉන්පසු ඊයේ පෙරේදා නිදන් පස්සේ දුවන නොමග ගිය මිනිසුන් ගේ කථාවලටත් වඩා අද්භූත කථා වක් අහන්නට ලැබුනු නිසා ඒ ගැනත් ලියන්නට හිතුනී. කිරිබන්ඩා සහ ස්කිනර් කථාවේ කොටස් කිහිපයක් ලියන්නට ඉතිරිව තිබුනත් මෙම කතාව ඒකාංගික එකක් නිසාත් ඉක්මනින් අමතක විය හැකි නිසාත් එය මුලින් ලියා කිරිබන්ඩා සහ ස්කිනර් වෙත පසුව යාමට තීරනය කලෙමි.

නිධාන හා සමාන එසේත්  නැත්නම් ඊටත් වඩා අද්භූත ජනක දේවල් එකතු කර කෝටි ගනන් මුදල් එක්වරම උපයා ගැනීම මනුශ්‍ය යනට සැමදා තිබෙන්නාවූ ආශාවකි. එය වරෙක VOC පිඟන් ව්ය. මම කුඩා කාලයේ අප දන්නා හඳුනන විදුහල්පතිවරයෙකු බ්‍රෝකර් ලාගේ ලනු කා නයවී ලොකු ගනන් වලට VOC පිඟන් මිලට ගෙන  ඒවා විකුනාගැනීමට බැරිව සිය දිවි නසා ගත්තේය.

ඉන්පසු ගෙම්බා මාක් මහන මැසින් , වල්ල පට්ට , සිය වස් ගනනක් මේරුනු කරපින්චා කඳ , ගජ මුතු සහ වාලම්පුරි යනාදී නොයෙකුත් දෑ පසුපස හඹා යන පුද්ගලයන් සහ කන්ඩායම් අපට හමුවේ. ඔව්හු සිහින ලෝක වල ජීවත්වෙති. අතේ තිබෙන මුදල් වියදම් කරගෙන අවසානයේ හොට බිම ඇනගනිති. මේවායින් කෝටි ගනන් මුදල් ක්ෂනිකව උපයාගත් ප්‍රසිද්ධ ක්‍රිකට් ක්‍රීඩකයන් , ව්‍යාපාරිකයන් හෝ දේශ්පාලකයන් ගැන නොයෙකුත් අලංකාර කථාන්දර කියති.

මේ දිනවල මෙවැනි කන්ඩායම් වල ප්‍රධාන මාතෘකාව වාලම්පුරි සහ ඉපැරනි , සුද්දන්ගෙ කාලයෙ හෝ ඊට පෙර සවිකල අකුනු සන්නායකයි. වාලම්පුරි සෙවීමට පැමිනෙන්නේ මැද පෙරදිග ධනවතුන්ය.අකුනු සන්නායක සොයන්නෙ ඇමෙරිකාවෙ සිට පැමින  සිටින ධනවත් කාන්තාවකි ; කාන්තාවක නිසා කතාව තවත් රොමැන්ටික් වෙයි. අකුනු සන්නායකය තිබෙන ඉඩමට විකුනන්නාට අයිතිය පෙන්වීමට ඔප්පු තිබේනම් සහ එම අකුනු සන්නායක වල බිම තිබෙන කොටසේ තඹ කොටස ඔවුන් කියනා පරිධි function test දෙකකට සාර්‍රථකව මුහුන දුන්නොත් එම තඹ තහඩුවේ වර්ග අඟලකට රුපියල් කෝටි 5ක් ලැබේ.න්

අයිතිකාරයාට කෝටි තුනකි. ඉතිරිය බ්‍රෝකර් ලාටය. මුලින් කල ටෙස්ට් එක එම ත්ඹ තහඩු අසලට යන විට අතේ මයිල් කෙලින් වීමේ ටෙස්ට් එකය.එසේ සිදු වුවහොත් මුදල් ගෙවා තඹ තහඩු ගලවාගෙන යනු ලැබේ. එහෙත් පසුව බ්‍රෝකර් ලා අත් වල වැස්ලින් ගා ගෙන මේ ටෙස්ට් එක බොරුවෙන් ජය ගත්හ.ඉන්පසු හාල් ඇට ටෙස්ට් එක යොදා ගැනින. එම තඹ තහඩුව අසලට හාල් ඇට ටිකක් දැමූවිට හාල් ඇට සෙමින් තඹ පත් වෙතට ඇදෙන්නට පටන් ගනී. එහෙත් මේ ලඟකදී බ්‍රෝකර් කෙනෙකු සහල් ඇට තුලට සියුම් යකඩ කැබලි බස්සවා පැත්තකින් චුම්බකයක් සඟවා සහල් ඇදෙන්නට සලස්වා මිලදීගන්නකු රවටා ඇති බවටද කථාවක් පැතිර යයි.

වාලම්පුරි සඳහා function ටෙස්ට් එක බිම පොල් ගෙඩියක් තබා වමට කැරකුනු වාලම්පුරිය එයට කෙලින්ම උඩින් ඇල්ලීමයි. එවිට පොල්ගෙඩිය හෙමින් කැරකෙන්නට බලන්නේ නම් වාලම්පුරිය නියම එකකි. මුලින් මෙවැනි වාලම්පුරියකට කෝටි පහක් ලැබුනු අතර දැන් එය කෝටිය දක්වා අඩුවී ඇත.

අකුනු සන්නායක මෙතරම් මුදලක් දී මිලදී ගන්නේ කුමක් සඳහාද?

ඒවා ඇමෙරිකාවේ යම් න්‍යශ්ටික යෙදවීමක් සඳහාය.

මෙවැනි දැ පසුපස , වරින්වර අලුත් අද්භූත කෝටි ගනන් මුදල් උපයා දෙන මැජික් පහලවෙයි. මෙම කන්ඩායම් ලොකු මුදලක් එක්වර ලභාගැනීමට තමන් අතේ ඇති මහන්සියෙන් උපයාගත් මුදල් වියදම් කරමින් රට වටා දුවති.