වී ගොවියන්ගේ ආදායම දා හතර ගුණයකින් වැඩි කර ගන්නේ කෙසේද?
ලංකාවේ වී ගොවියන්ගේ ප්‍රශ්නය රටේ පවතින සදාකාලික ප්‍රශ්නවලින් ප්‍රධාන තැනක් ගන්නා එකකි.
ඒ පිළිබඳව කුමක් කළ යුතුදැයි කිසිවෙකුටත් තවමත් හිතා ගන්නටවත් බැරි බව පෙනේ. නොයෙක් විද්වත්තු නොයෙක් දේවල් කියති.
මමත් පාට් ටයිම් වී ගොවියෙකු නිසා මේ පිළිබඳව පුද්ගලිකවම උනන්දුවක් දක්වමි.
මෙයට මා මෙතෙක් දුටු හොඳම විසඳුම ජපානයේ සොයා ගෙන ඇත. ඒ ජපානයේ ඉබරාකි ප්‍රාන්තයේ ,කමිස ප්‍රදේශයේ අවුරුදු හයක් පුරා කරන ලද පරීක්ෂණයකිනි.
එම පරීක්ෂණය කර ඇත්තේ වී වගා කරන කුඹුරු උඩින් සෝලා පැනල් සවිකර විදුලිය උත්පාදනය කරන ගමන්ම වී ගොවිතැන් කිරීමයි. එකම කුඹුරු යායක ඉඩමෙන් 27% ක් මත සෝලා පැනල් සවිකරන ලදී.
අවුරුදු හයකින් පසු ලැබූ ප්‍රතිඵල පහත පරිදි වෙයි.
වී අස්වැන්න - සෝලා පැනල් සවිකල කොටසේ අක්කරයකට ටොන් 6.5
සෝලාපැනල් නොමැති කොටසේ අක්කර එකට ටොන් 8.5
මෙතෙන්ට පමණක් කියවූ විට අපට සිතෙන්නේ සෝලාපැනල් සවිකරන එකේ ප්‍රයෝජනයක් නැත, එයින් වන්නේ පාඩුවක් පමණක් බවය.
නමුත් සෝලාපැනල්වලින් නිෂ්පාදනය වන විදුලියත් සමඟ ගණන් හැදුව විට සෝලාපැනල් නොතිබුනා නම් ලැබෙන ආදායම මෙන් 14 ගුණයක ආදායමක් ගොවියන්ට ලැබුණි. ඒ සහල් විකිණීමෙන් සහ විදුලි බලය විකිණීමෙනි.
අපගේ වී ගොවියන්ට බොහෝ ප්‍රශ්න තිබෙන වර්ෂාව අඩු වියලි කලාපයේ මෙම ආදායම තවත් වැඩිවීමට පුළුවන.
No comments:
Post a Comment