ඊයේ පෙරේදා මම නිවිති පැළයක් පිළිබඳව පෝස්ට් දෙකක් දැම්මෙමි. එහිදී නිමිතිවල ඇති යකඩ පිළිබඳව සාකච්ඡාවක් ඇතිවූ අතර මෙතුළ මා මිත්‍ර වෛද්‍යවරයෙක් නිවිති වල ඇති යකඩ රීරයට උරා ගත හැක්කේ ඉතාමත් සුළු ප්‍රමාණයක් යැයි කීවේය.
පොඩි කාලයේ පොප් අයි කාටුන් වලින් නිමිතිවල ගුණාගුණ ඉගෙන ගත් මට මෙය පුදුමයක් විය
මේ නිසා ගූගල් වෙත ගොස් මේ පරීක්ෂා කර බැලුවෙමි. ඔහු කියා ඇති දෙය සත්‍යයකි. අප ශරීරයට නිමිති වල ඇති යකඩ වලින් උරා ගත හැක්කේ 1.7-5% ප්‍රමාණයක් පමණි.
මස් මාළු වලින් නම් ඒවායේ තිබෙන යකඩවලින් 15-35% දක්වා ප්‍රමාණයක් අප ශරීරයට උරාගත හැකි බවත් එහි කියා තිබුණි.
තවදුරටත් කියවාගෙන යන විට නිමිති වලින් යකඩ වැඩිපුර ශරීරයට ලබා දීමට නම් එක්කෝ ඒවා තම්බා හෝ උයා කෑමට ගත යුතු බවත් එසේම කෑම උයා අවසන් වූ පසුව එයට ලෙමන් හෝ දෙහි බෑවක් මිරිකා ගැනීමෙන් අපේ ඇඟට උරා ගත හැකි යකඩ ප්‍රමාණය හතර පස් ගුණයකින් වැඩිකර ගත හැකි බව එහි ක්‍රියා තිබුණි. (ආහාර ජීරණය වන විට විටමින් සී සමග තිබුණොත් නිමිති වලින් යකඩ උරා ගැනීම පහසු කෙරෙයි).
අපේ රටේ නිමිති බොහෝවිට කන්නේ පරිප්පු වලට දමා උයා ගෙන නිසා එතන ප්‍රශ්නයක් නැත. එසේ ඔයා අවසන් වූ පසු දෙහි හෝ ලෙමන් බෑවක් මිරිකා ගන්නේ නම් නිවිති වල තිබෙන යකඩ වලින් අමුවෙන්කනවාට වඩා හතර පස් ගුණයක් අපට ලබා ගන්නට පුළුවන.
මෙය බොහෝ දෙනෙකුට ප්‍රයෝජනවත් වන නිසා මෙසේ ලියන්නට සිතුණි.
වටින ආරංචියක්
ReplyDelete++++++++++++++++++++++++++
ReplyDelete