නඩුකාරයන් විශ්රාම යන කාලය එකපාරටම වැඩි කිරීමට යාම ගැන සැකයක් ඇතිවීම සාධාරණය. සමහර විට යම් විශේෂ කෙනෙකු තව කාලයක් තබා ගැනීමට මේ හදිසි උනන්දුව ඇතිවී ඇත්තේ දැයි ජනතාවට සැකයක් ඇති වන්නට පුළුවන.
නමුත් මමත් හිතන්නේ තව අවුරුදු කිහිපයක් මේ ඉන්න විනිශ්චකාරයන්ගෙන් ගෙන් ප්රයෝජනයක් ගැනීම සුදුසු බවය. එන්න එන්නම වයස්ගත අයටත් හොඳින් වැඩ කිරීමට පුළුවන් බව පෙනී යන නිසාත් ඔවුන්ගෙන් වැඩක් ගැනීමට සිතීම සාධාරණය. එසේම විද්යාවේ දියුණුවත් සමඟම විශ්රාම ගතවී ම බොහෝ කලක් ජීවත්වන විටද ඔවුන් බලා ගැනීමට සිදුවන්නේත් රජයටමය, ඒ කියන්නේ ඉදිරි තරුණ පරම්පරාවටය.
මේ කරුණු දෙකම වින්වින් සිටුවේශන් එකකින් අවසන් කර ගැනීමට ක්රමයක් තිබේ.
ඒ සෑම නඩුකාරයෙකුගේම ව්ශ්රාම වයස තව අවුරුදු තුනකින් වැඩි කරන්නට නීති සම්පාදනය කර ගැනීමය. එහෙත් මේ නීති ්රියාත්මක වන්නේ තව අවුරුදු තුනක් වැනි කාලයකින් බව පනතේම ඇතුළත් කිරීමය.
එවිට රැවුලක් කැඳත් දෙකම බේරාගත හැක.
බොහෝ යුරෝපීය රටවල දැන් විශ්රාම ගන්නා වයස වැඩි කරගෙන යනු ලැබේ. නමුත් අපේ රටේ විශ්රාම ගැනීමේ වයස වැඩි කරන්නට කැමති නැත. ඒ තරුණයන්ට රැකියා ලැබෙන්නට තියෙද්දෙන අවස්ථා අඩුවන බව සිතමිනි.
නමුත් විශ්රාම ගෙන සිටින බොහෝ පුද්ගලයන්ට පරමායුෂ වැඩි වන නිසා වැඩි කාලයක් විශ්රාම මුදල් ගෙවිය යුතුය. එය ගෙවන්නට වන්නේත් රජයේ බදු මුදල් වලිනි. ඒ වෙනුවට ඔවුන්ගෙන් වැඩක් ගත්තා නම් හොඳ නැද්ද?
No comments:
Post a Comment