ළමයි පනහකට අඩු පාසල් වසා දැමීම හොඳ යෝජනාවකි.
කනිෂ්ට පාසලක වුවත් ගුරුවරු හත් අට දෙනෙක් සිටිය යුතුය. වසරකට එක පන්තියක් තිබුණද වසර පහක් සඳහා පන්ති පහක් තිබිය යුතුය. විදුහල්පතිවරයෙකු සහ සුළු සේවකයෙකු සිටිය යුතුය. එයට අමතරව ගොඩනැගිලි සහ යටිතල පහසුකම් නඩත්තු කළ යුතුය. ජලය සහ විදුලිය පාවිච්චි වෙයි.
එසේම ළමයින් කුඩා ප්රමාණයක් පාසලක සිටින විට පාසලේ ක්රීඩා උත්සවයක්වත් හරියට සංවිධානය කර ගැනීමට නොහැකිය.
මේ සියල්ලට විශාල මුදලක් වැය වෙයි.
මේ ළමයින් පනහ එසේත් නැත්නම් ඊටත් වඩා අඩු ප්රමාණය කිලෝමීටර් දහයක් විතර දුරින් තිබෙන ළමයි දහසක් පමණ සිටින පාසලකට අනුයුක්ත කළ හැක. ඔවුන් ඒ පාසලේ එම පන්තිවල බෙදී යන ආකාරයට අලුතෙන් පන්ති දැමීමක් හෝ ගූරුවරුන් වැඩි කිරීමක් අවශ්ය වන්නේ නැත. එසේම දැනටත් ඒ පාසලේ තිබෙන යටිතල පහසුකම් අලුතින් එන ළමුන්ටද පාවිච්චි කළ හැක.
අනෙක ළමුන් විශාල ප්රමාණයක් එක පාසලක සිටින විට සෑම ළමයෙකුටම ලබාගත හැකි පහසුකම් වැඩිවෙයි. වඩා හොඳ පුස්තකාල ්රීඩාගාර ගුරුවරු .... ලැබේ.
එකම ප්රශ්නය වනුයේ මේ ළමයින් කණ්ඩායමට සෑම දාම උදයේ සහ හවස නිවසේ සිට වැඩිදුරක් ගමන් කිරීමට සිදුවීමයි. මෙයත් ඉතාම පහසුවෙන් රජයෙන් අමතර වියදමක් දරන්නේ නැතිව විසඳා ගන්නට පුළුවන.
ඒ ළමයින් සිටින ප්රමාණය අනුව ; මෙය සැම විටම පනහට අඩු වෙයි, එක් බසයක් හෝ වෑන් එකක් මෙම ප්රවාහනය සඳහා යොදා ගැනීමයි.
මේ සඳහා මාසික කොන්ත්රාත්තුවක් ලබාදිය හැකි අතර වසා දමන පාසැල සහ ඒ ඉඩම යම් නිෂ්පාදන කාර්යයකට බදු දී එම මුදල බැංකුවේ දැමීමෙන් ලැබෙන පොලියෙන් වාහනය සඳහා ගාස්තුව පහසුවෙන්ම ගෙවිය හැක.
සමහර විට කුඩා පාසල් කිහිපයක් ප්රධාන පාසල් බවට පත් කිරීමටත්; ප්රදේශයේ පාසැල් විහිදී යාම සහ එකිනෙකා අතර තිබෙන දුර අනුව, සිදුවීමට පුළුවන.
No comments:
Post a Comment