Thursday, August 4, 2022

ඇත්ත බයියෝ කවරහු ද?

 



පසුගිය කාලයේ බයියන් ගැන විශේෂයෙන්ම දේශපාලන බයියන් ගැන නොයෙකුත් මතිමතාන්තර සාකච්ඡා වෙනවා දුටිමි. මෑතක දේශපාලනයේ සිදු වූ උල්ටා බුල්ටා සිදුවීම් නිසා දැන් නැවත වරක් බයියන් පිළිබඳව අර්ථදැක්වීම් වෙනස් කරගන්නට සිදු වී තිබේ. බොහෝ ටොයියන් බයියන් වී ඇති අතර සුළු බයියන් පිරිසක් ටොයියන් වී ඇති බවද පෙනේ.

මෙයින් පෙනෙන්නේ මෙම මානසික තත්වය සදාකාලික හෝ ස්ථීර තත්ත්වයක් නොවන බවය.

බයියන් ගැන කතා කරන විට මට පොඩි කාලේ මතකයත් ද සිහියට නැගේ. ඒ කාලයේ, මම හිතන්නේ ගල්ඔය ව්‍යාපාරය නිසා, බොහෝ ගොවියෝ රජයෙන් ඉඩම් ලැබී, ඈත පළාත්වල ගොවිතැන් කිරීමට ගියහ.

ඔවුන් එහිදී මුදල් හම්බකරගෙන ආපසු ගම් වලට තම නෑයන් බලන්න ට එනම් විට ලොකු radio බොහෝවිට කැසට් රෙකෝඩර විය යුතුය කරේ තබාගෙන පැමිණියහ. ඒ තමන් යම් සමාජ තත්ත්වයකට පැමිණියේ ඇති බව ්‍රදර්ශනය කිරීමට විය හැකිය. මේ පිරිස් එකළ තරමක් හාස්‍යයට men හඳුන්වන ලද්දේ බයියන් එසේත් නැත්නම් කොළණි කාරයන් යන පදයෙනි.

මම කලකට පසුව 1983 වසරේය ලුතිනන් වරයෙකු වශයෙන් එක්සත් ජනපදයේ රහස් තොරතුරු විශ්ලේෂණය කිරීමේ පුහුණු පාඨමාලාවක් සඳහා ගියෙමි.

මේ පාඨමාලාවට ගොස් සිටින විට ඇමරිකාවේ කොතරම් බයියන් සිටි දැයි මට දැකගන්නට ලැබුණි. ඒ අපේ පුහුණුව තිබූ කදවුර අසල නගරයේ, san diego නගරයේ, නිතරම දුටු දර්ශනයකිනි.

එය දර්ශනය බොහෝ නාවික හමුදා සාමාජිකයින් තමන්ගේ කරේ ලොකු රේඩියෝ කැසට් ප්ලේයර් තබාගෙන තමන්ගේ නිල ඇඳුමෙන්ම පාරේ ගමන් කිරීමයි, සමහරවිට ඔවුන් වැඩ අවසන් කර තම වාසස්ථාන බලා යනවා විය හැක. 

මට මුලින්ම මේ අය දැක තනියම හිනහව නවත්වා ගන්නට නොහැකි වූයේ ලංකාවේ එකල කොලනි කාර්යන් මතක් වූ නිසාය.

මට සිතෙන ආකාරයෙන් නම් ලංකාවේ බයියන්ගෙ හැසිරීම පහත ආකාරය.


 1.  ඔවුහු සැමවිටම ාජ්‍ය ව්‍යාපාර වලට ලොකු ඇල්මක් දක්වති.

 2. එසේම ුද්ගලික ව්‍යාපාර වලට බලවත් ක්‍රෝධයක් පෙන්වති.

 3. රජයේ සැමවිටම සහනාධාර දියයුතු බව සිතති.

 4. එසේ සහනාධාර දීමට රජයට මුදල් ලැබෙන්නේ කෙසේදැයි නොසිතති.

 5. සැමවිටම රුසියාවට සහ චීනයට පක්ෂ වෙති

 6. අතිශය ඇමරිකා විරෝධීන් වෙති., ඇමරිකාව සැමවිටම මුළු ලෝකය ම අල්ලා ගැනීමට 24×7 කුමන්ත්‍රණය කරමින් සිටින බව කල්පනා කරති.

 7. මේ ලෝකයේ සෑම විටම බටහිර රටවල් ුමන්ත්‍රණය කරමින් සිටින බව ඔවුහු සිතති.

 8. ලංකාව මුළු ලෝකයටම වටිනාම රටක් බවත් එය අල්ලා ගැනීමට ලෝකයේ සියලු බලවතුන් කැස කවමින් සිටින බවත් සැක කරති.

 9. ලංකාව වටා තිබෙන මුහුද ලංකාවට අයිති බවත් ඒ මුහුදේ පතුල බොහෝ වටිනා නිධානයන් ගෙන් පිරි ඉතිරී යන බවත් සිතති.

10. ලංකාවේ භූගෝලීය පිහිටීම ඉතාමත් විශේෂීය බවත් ලෝකයේ චුම්බක ක්ෂේත්‍රය මේ රටට බලපාන්නේ බොහෝ වෙනස් ආකාරයකට බවත් සිතති.

11. ලෝකයට ඉතාමත් අවශ්‍ය මූල ද්‍රව්‍ය ලංකාවේ පොළොව තුළ පිරී තිබෙන බවත් අප ඒවා හරි විදිහට සුද්ද කර ගන්නේ නැතිව පිටරටට අඩු මුදලට විකිණීමෙන්, අප බොහෝ පාඩු කරගන්නා බවත් සිතති.

12. මුළු ලෝකයටම වල්අලි පවත්වාගැනීම අපගේ වගකීමක් බව සිත නතර ඒ නිසා ගොවියන් දුක් විඳීම සහ මියයාම  තරම් ලොකු ප්‍රශ්නයක් ලෙස නොසිතති.

13. රජය විසින් කරන ලබන ්‍යාපාර කොතරම් පාඩුවක් ලැබූවත් ඒවාට පුද්ගලික කළමනාකරණයක් ලබා දීම වැරදි බවත් අප කෙසේ හෝ එම පාඩුව රජයේ කළමනාකරණයේ තිබියදී ම අඩු කර ගත යුතු බවත් සිතති.

14. රුසියාව යුක්රේනය ආක්‍රමණය කිරීම, ඒ තරම් ප්‍රශ්නයක් කර ගත යුතු නොවන බව සිතති. එසේම යුක්රේනය වැනි බලයෙන් අඩු රටක් රුසියාව වැනි බලගතු රටකට අකීකරු වීම යුක්රේනය විසින් කරන ලද වැරැද්දක් බව සිතති.

15. ඕනෑම රටක මෝක්ෂය තිබෙන්නේ එම රට අනෙකුත් රටවල් වලින් ස්වයංපෝෂිත වීමෙන් යයි සිතති.

16. අප නොයෙකුත් නිෂ්පාදන පිටරට වලට අපනයනය කළ යුතු අතර අප කිසිවක් පිටරටින් ආනයනය කළ යුතු නොවේ යැයි සිතති.

17. මන්නාරම් ද්‍රෝණියේ බොහෝ වටිනා ඉන්ධන තැන්පතු තිබෙන බවත් අපට ඒවා තවමත් ගොඩ ගැනීමට හැකියාවක් නොලැබුණු බවත් සිතති.

18. අධ්‍යාපනය නොමිලේ දියයුතු බවත් ඉන්පසු විශ්වවිද්‍යාලය දක්වා උගන්වා උපාධිය ලබා ගැනීමෙන් පසු රජයේ ම රැකියාවක් ද බවත් සිතති.

19. පුද්ගලික විශ්ව විද්‍යාල අරහං වෙති.

20. රජය පතුලක් නොමැති ළිඳක් බවත් එහි පුරවා ඇත්තේ ධනය බවත් සිතති 21.විදේශික සමාගම් හෝ විදේශිකයකු ලංකාවේ යම් ව්‍යාපාරයක් අරඹන්නට යන විට ඔවුන් ලංකාව අල්ලා ගන්නට යනවා යැයි සිතති.

22. ලෝකයේ බොහෝ දියුණු රටවල් පවා තමන්ගේ රටෙන් විදේශිකයන්ට දේපළ මිලදී ගැනීමට ඉඩදී එසේම ධෛර්යමත් කරද්දී ලංකාවේ සුද්දෙක් දේපළක් මිලදී ගැනීමට උත්සාහ කළොත්ය එය අධිරාජ්‍යවාදී කුමන්ත්‍රණයක් යැයි සිතති.

23. රාවණා ගුවනින් ගමන් කිරීම වැනි මනඃකල්පිත කතාවන් ඇත්ත යයි සිතති.

24. අපේ රට සම්පූර්ණයෙන් ස්වයංපෝෂිත විය යුතු අතර අප වෙන රටවලට බොහෝ දේ අපනයනය කළ යුතු බව සිතති.

25. අපේ රටේ ජනයා ඉතාමත් තීක්ෂණ බුද්ධියෙන් යුක්තවන අයත් අර ඔවුනට රජය උදව් කරනවා නම් බොහෝ නව නිෂ්පාදන කළ හැකි බව සිතති.




9 comments:

  1. Good post, in my opinion, the concept of "Bayya" is even broader and can apply to the world, for example, I see Bayyas in USA as well. I find Bayyas are very afraid to learn and accept new things, changes of any sort, never step out of comfort zone, greedy, ignorant by choice, believe in some kind of BS that glorify him/her (proud history, best religion, best political party) and never question it, and the list is going on. Political party is Bayya's one BS that makes him/her proud. Bayyas see world as black or white, never gray. So they always divided based on pretty much anything, not only political parties.

    ReplyDelete
  2. I think you are talking about "TOIYYA" not BAIIYA....

    ReplyDelete
  3. ඇට්ට බයියෝ ඔයිට වෙනස්.

    ReplyDelete
  4. දැන් මේවා ඇත්ත නෙමෙයිද? සී අයි ඒ එකේ ලංකාව අස්ථාවර කරන්න වෙනම අංශයක් තියෙනවලු. සී අයි ඒ බජට් එකෙන් 80% ක් ම වියදම් කරන්නේ ඒකටලු.

    ReplyDelete
  5. ගල්-ඔය කාලේ කැසට් ප්ලේයර්ස් තිබුණේ නෑ නේද? ඒවා ජනප්‍රිය වුණේ මිනිස්සු ඩුබායි ගිහින් එන්න පටන් ගත් කාලේ.

    අර ඇමරිකාවේ කැසට් ප්ලේයර් එක්ක ගමන් කිරීම නිසා තමයි පස්සේ Walkman නිර්මාණය වුණේ, තමන්ට විතරක් අහන්න.

    ReplyDelete
  6. මේ සටහන නැවත් පළ කිරීමක් ද?
    මං කියවා තියෙනවා යැයි සිතේ

    ReplyDelete

Special security arrangements

 ඊයේ සිරස ප්‍රවෘත්ති වලට ඉතාමත් ශෝකජනක එසේම බියජනක ප්‍රවෘත්තියක් අඩංගු විය.  එයින් කියවුනේ තමන්ගේ වැඩ අවසන් කර තරමක පාලු පාරක නිවෙස් බලා එමි...