Wednesday, February 20, 2019

කුඩු ඛේදවාචකය




මම සිගරට් බොන්නට පටන්ගත්තේ 9/10 පන්තිවල සිටය. කොහොම කාගෙන් පටන්ගත් බවක් මතක නැතිමුත් පටන්ගන්නට ඇත්තේ පංතියේ මිතුරෙකුගෙන් විය යුතුය. බොහෝවිට ඔහු දුම්බිමට පුරුදුවන්නට ඇත්තේ ඔහුට වඩා වැඩිමහල් අසල්වැසි මිතුරෙකුගෙන් වියයුතුය.
මෙලෙස අප පන්තියේ සිගරට් එකක් බොන සිසුන් ගණන 10 ක් පමණ වන්නට ඇත. එලෙස සිගරට් බොන්නට පුරුදුවුයේ වඩා කුතුහලයක් ඇති එසේත් නැත්නම් අනෙක් සිසුනට වඩා තරමක් එඩිතර සිසුන් කොටස වියහැක. පන්ති කට් කිරීමට, චිත්‍රපට බැලීමට යාමට වැනි දඟ වැඩකිරීමට වැඩියෙන් පෙළඹුනේද මෙම සිසුන්ය. අපොස උසස්පෙළ පන්තියේදී අප අරක්කු වලට උසස්වීම් ලැබුවෙමු. 

ඉඳහිට අතේ මුදල් තිබුවිට ; බොහෝවිට ටියුෂන් පංතිවලට ගෙවන්නට ගෙදරින් ලබාගන්නා මුදල් ආයෝජනය කර, 5/6 දෙනෙකු එකතුවී අරක්කු බෝතලයක් මිලදීගෙන පාසල් කට් කර ගෙදර කවුරුත් නොමැති එක යහලුවකුගේ ගෙදටර සෙට් වී බෝතලය හිස් කිරීම ද  කලාතුරකින්  සිදුවිය. බෝතලය අවසන් කර සිංදු කියා සතුටු වී දහවල් 2 වීමට පෙර මෙම එකතුවීම අවසන් කලයුතු වුයේ අම්මා පාසල ඇරී ආපසු ගෙදර ඒමට පෙරය.
මෙම ස්ථානය ලෙස අපගේ නිවස වැඩ්පුර යෙදුනේ අප නිවස පාසලට ලඟින් තිබීමත් දෙමව්පියන් දෙදෙනාම රැකියාවන් කල නිසාත් ගෙදර වත්තක මැද පිහිටාතිබු නිසාත් විය හැක.
එකල අප කුඩු ගැන අසාවත් තිබුනේ නැත. මේ තරම් දේවල් කල අප එලෙස කුඩු ගැන අසන්නට ලැබුනේ නම් කුඩු අත්හදා බලන්නටත් ඉදිරිපත් වන බව මට නොඅනුමානය. අපගේ වාසනාවට එකල ලංකාවේ කුඩු තිබුනේ නැත. තිබුනානම් ඒ අල්ප වශයේ විය යුතුය. එකල අප වැනි අධික කුතුහලයක් තිබෙන දරුවන් දැන් , අප ඒ ලෙසට සිමාවන්ගේ කෙලවරට ගොස් ලබාගත් ඒ අත්දැකීම් , කෙසේ ලබාගන්නවා ඇත්ද? මේ කියන විදිහට මත්කුඩු මේ තරමටම අතේ දුරින් තිබේනම් ඔවුන් එවැනි අත්දැකීම් ලබාගන්නට පෙළඹෙන්නේ නොවේද?
ලංකාවේ දැන් තියෙන මත්ද්‍රව්‍ය ප්‍රශ්නය වඩාත් භයානක කරුණු දෙකක් නිසාය. පළමුවැන්න සමාජයේ එය කොතරම් දුරට විහිදී ඇද්ද යන්නයි. මත්ද්‍රවය අසුවන්නේ කිලෝ 10 /15 වේ ප්‍රමාන වලිනි. ඒවායේ විදි වටිනාකම පොලිසිය කියන විදිහට ලංකාවේ දල ජාතික නිෂ්පාදනයටත් වඩා වැඩි වන්නේදැයි කෙනෙකුට සැක පහල  වෙයි. මේ අල්ලන ප්‍රමාණය රටට එන මුළු කුඩු ප්‍රමාණයෙන් 10% කට වඩා වැඩි වන්නට පුළුවන් කමක් නැත. අල්ලන ප්‍රමාණය ඊටත් වඩා වැඩි වන්නේ නම් කුඩු ගෙනෙන මුදලාලිලා බංකොලොත් විය යුතුය. මක්නිසාද කුඩු රටකින් රටකට ඉතාමත් සුක්ෂම ලෙස ගෙන එම විශාල ධනස්කන්ධයක් ආයෝජනය කර කලයුත්තක් වීමය.
ඒ අතරම කුඩු අසුවනවිට ඒ සමග අසුවන්නන් බරපතල ප්‍රශ්න රාශියකට මුහුණපාන්න සිදුවෙයි. අවුරුදු ගණන් බන්ධනාගාරවල ගතකරන්නට සිදුවීමද ඉන් එකක් වෙයි. මෙම හේතුව නිසාද කුඩු මෙරටට ගෙන එම සඳහා කරන්නට සිදුවන වියදම ඇති විශාල ලෙස අධික වෙයි. ඒ නිසා අප හැමදා හවස රුපවාහිනියේ කුඩු අල්ලා පෙන්නන විට සිතිය යුත්තේ මෙලෙස තව කී ගුණයක් නිරුපද්‍රතිව බෙදාහරින්නන් වෙතට සම්ප්‍රාප්ත වී ඇත්තේද යන්නයි. තවත් කරුණක් වන්නේ මේ දේශපාලකයන්, නිතිය රකින්නන් සහ බන්ධනාගාර නිලධාරින් මෙයට සම්බන්ධ වී ඇත්ද යන්නයි. ලංකාවේ මත්ද්‍රවය ව්‍යාපාරයේ kingpin බව දැනට පෙනෙන්නට තිබෙන මධුෂ් ගෙ සාදයේද පොලිස් සහ බන්ධනාගාර නිලධාරින් කිහිප පොලක් සිටින බවට තොරතුරු හෙළිවෙමින් පැවතීමයි.
අනෙක් කාරණය ලංකාවේ සැම තැනකම තිබෙන අවුල් සහගත තත්වයයි.පාරට බැස්සත්, රජයේ කාර්යාලයකට වැඩකට ගියත්, උසාවියකට ගියත් බැංකුවකට ගියත් එකී නොකී කොතැනට ගියත් ඇත්තේ  ලිහා ගන්නට බැරි අවුල් වලින් පිරි ඇති තත්වයකි. විශේෂයෙන්ම අධ්‍යාපනය සහ එහි ක්‍රම වෙද සිසුන් අවුලෙන් අවුලට පත්කරයි. දරුවෙකුට තමන් කැමති ක්ෂේත්‍රයක රැකියාවක් ලබාගැනීමට ඉගෙනගැනීමට ඉඩක් නැත. විශ්ව විද්‍යාලයකට ඇතුළුවීම ලොතරැයියක් ජය ගැනීම වැනි ජයග්‍රහණයකි. හොඳ පාසලකට ඇතුළුවීමත් එලෙසින්ම අපහසුය. මෙවැනි අසහනයෙන් පෙලෙන සමාජයක මත්කුඩු මේ පෙනෙන විදිහට ප්‍රචලිත වන්නේ නම් එය ඝන අව්වේ පදුරක වෙඩිබෙහෙත් වේලීම වැනි තත්වයකි. එය වහා නවතා නොගත්තොත් අප නොසිතු විරු ප්‍රපාතයකට ඇද  වැටීම නැවත්වීමට නොහැකිවනු නොඅනුමානය.
රීයූනියන් දුපත හරහා හෝ හොරෙන් ප්‍රංශයට, යුරෝපයට යාමට පවුල් පිටින් ජිවිත පරදුවට තබන තරමට මිනිසුන්ට රට එපාවී ඇත්තේය.
මෙම කුඩු ඛේදවාචකය  නැවැත්විය හැක්කේ කෙසේද ?

1 comment:

  1. You are 100% correct young people will experiment anything and everything (available) to them, unfortunately some will be hooked and will be a heartache for everyone around him/her for the rest of life.

    Availability of these dangerous drugs must be eliminated. We have a leadership problem in this country, no spine to name and shame the big kingpins (may be our leaders are part of this trade)

    Then there are NGOs hellbent on protecting human rights of convicted drug dealers (not our young sons and daughters) . We as a society should stand up against spineless leaders and NGOs.

    ReplyDelete

සතුටින් ජීවත් වීමේ සරල ක්‍රම

 පසුගිය වසර හය තුළ ෆින්ලන්තය ලෝකයේ සතුටින්ම සිටින රට ලෙස ශ්‍රේණිගත කර ඇත.  මම මගේ ජීවිතයේ වැඩි කාලයක් මෙහි ජීවත් වූ අතර, මනෝවිද්‍යාඥයෙකු සහ ...