දිගු කාලයක් හොඳින් ජීවත්වීමට හැදෑරිය යුතු නිල් වෘත

ලෝකයේ වැඩිම කලක් හොඳ සෞඛ්‍යයෙන් ජිවත්වන ජන කොට්ටාශ 5 ක් අඳුනාගෙන තිබේ.ඔවුන් ජිවත්වන ප්‍රදේශ හඳුනාගත් පසු එම ජන කොට්ටාශ වල සාමාන්‍ය ජිවන රටා පරීක්ෂා කිරීමෙන් වැඩි කලක් හොඳ සෞඛ්‍යයෙන් ජීවත්වන්නට නම් කුමන ආකාරයේ ජිවන පුරුදු අප ගොඩ නගාගත යුතු දැයි අදහසක් ලබාගන්නට පුළුවන. එය එලෙස ජිවත්වන්නට උනන්දුවක් දක්වන්නන්ට  යම් දිශාවක් දක්වයි.

• 
  
  මේවා මුලින් සොයාගැනීමේදී එම ප්‍රදේශ වටා නිල්පාට වෘතයක් ඇඳීම නිසා ඒවා නිල් ප්‍රදේශ එසේත් නැතිනම් නිල් වෘත  ලෙස හැඳින්වීමට පටන්ගෙන තිබේ. ඒවා පහත පරිදිය.
  1 ඉතාලියේ සාර්දිනියා දුපත.
  2 ජපානයේ ඔකිනාවා ප්‍රදේශය.
  3 කැලිෆෝර්නියාවේ ලෝමා ලින්ඩා හි ජනයා
  4 කොස්ට රිකා හි නිකොයා අර්ධද්වීපයේ ජනයා
  5 ග්‍රීසියේ ඉකානා දුපත
  
  
  ලෝකයේ පුද්ගලයෙකු ගේ සාමාන්‍ය ජිවත්වන ආයුෂ වසර 71.4 කි.අපේ මෙම කාලය අවුරුදු 75 කි. සන්සන්දයක් සඳහා ඇමෙරිකාවේ 79 ක් වන අතර ඉන්දියාවේ අවුරුදු 64 කි.
  
  
  මෙම ප්‍රදේශ පහ ලෝක සිතියම පුරාම විසිරි තිබෙන ස්ථාන 5 ක් වීම නිසා මෙම දිර්ගායුෂ යම් ජනතාවකගේ ජන්මයෙන් ලැබෙන දෙයක් හෝ එසේත් නැත්නම් යම් රටකට විශේෂිත තත්වයක්  නොවන බව පැහැදිලි කරගත හැක. දැන් මේ ප්‍රදේශ වල ජනයා දවස ගෙවන ආකාරයෙන් ජිවත්වන ආකාරයෙන් දීර්ග එමන්ම අසනීප අඩු ජිවිත ගතකිරීම සඳහා කුමන ආකාරයේ පුරුදු ඇතිකරගත යුතු දැයි අපට සොයාබැලිය හැක.
  
  
  මෙම නිල් ප්‍රදේශ වලට පොදු යයි සැලකිය හැකි පුරුදු සහ ලක්ෂණ මොනවාද?
  1.    පවුල් ඒකකයේ බැඳීම්
  2.    අඩුවෙන් දුම්බීමේ පුරුද්ද
  3.    ගන්නා ආහාර වලින් වැඩි කොටසක් ශාඛ ආහාර වීම.
  4.    නිරතුරුව මධ්‍යම ප්‍රමාණයෙන් භෞතික ක්‍රියාකාරකම්වල යෙදීම - දෛනික වැඩ කටයුතු සඳහා දවසකට සැතපුම් පහක් පමණ  ඇවිදීම, බයිසිකලයෙන් පාසලට යාම , ගොවිතැනෙහි සහ උද්‍යාන කටයුතුවල දීම වැනි.
  5.    ජන කොට්ටාශයකට ක්‍රියාකාරිව බැඳී දවස ගෙවීම.
  6.    සෝයා පරිප්පු වැනි ඇට වර්ග  ආහාරයේ වැඩිපුර  ඇතුලත් වීම.
  7.    තම ජිවිතයට යම් බලාපොරොත්තුවක් අරුතක්  තිබීම. රැට නින්දට යනවිට උදේ නැගිටින්නට හේතුවක් තිබීම.
  8.    ආතතිය අඩු ජිවන රටාවක්
  9.    අඩු කැලරි ප්‍රමාණයක් ආහාර ගැනීම
  10.                       ඇල්කොහොල් විශේෂයෙන් වයින් , මධ්‍යම ප්‍රමාණයෙන් ගැනීම, දවසකට විදුරු දෙකක් පමණ.
  11.                       ආගම් සහ ඇදහිලි වල යෙදී සිටීම.
  12.                       බඩ  පිරීමට 20% ක් අඩුවෙන් ආහාර ගැනීම.
  වැඩි කාලයක් සෞඛ්‍යයෙන් ජීවත්වන්නට අවශ්‍යනම්; අප සියලු දෙනාටම පොදු පැතුමක්, මෙම දර්ශකයන් දෙසට අවධානය යොමුකිරිම ගුනදායක්බව පෙනේ.
  
  
  ආයුබෝවන් !

ඡන්ද වැටුණු ආකාරය පිලිබඳ කෙටි ගණිතමය විශ්ලේෂණයක්

මම පසුගිය ප්‍රාදේශීය ඡන්දය ගැන ඡන්දයට දින කිහිපයකට පෙර අනාවැකියක් ලිව්වෙමි. එය බොහෝදුරට සත්‍ය ප්‍රතිපල හෑ කිට්ටුවට පැමිණ ඇත්තේය. http://lakshmanillangakoon.blogspot.com/2018/01/blog-post_56.html

ඡන්ද පසුවී දැන් සතියක් ගතවී ඇත. මෙම ඡන්දදී ඡන්ද වැටුණු ආකාරය විශ්ලේෂණයක් කිරීම සඳහා කොට්ටාශ වල ඡන්ද වැටුණු ආකාරය දැනගැනීමට අවශ්‍ය නමුදු ඒවා සොයාගැනීමට විදිහක් නොමැත. මේ තරම් දීයුණු තාක්ෂණ තමන් ඇත තිබියදී මෙවැනි සුළු දෙයක් වත් මැතිවරණ කොමිසමට කරගන්නට බැරි ඇයිදැයි මටනම් තේරෙන්නේ නැත. ඡන්දය පැවැත්වීමෙන් පමණක් මැතිවරණ  කොමිසමෙහි වගකීම අවසන් වන්නේ නැත. චන්දය දායකයන්ට එම ප්‍රතිපල සම්පුර්ණයෙන් ගම මට්ටම දක්වා දැනගැනීමට ක්‍රම වේදයක් සකස්කිරීමද එහි ප්‍රධාන වගකීමකි.

දැන් මේ තියෙන ප්‍රතිපල දෙස බලමු. මේ සඳහා එක ප්‍රධාන උපකල්පනයක් කිරීමට අවශ්‍යය. ඒ මෙවර පොහොට්ටුව ඇත්තෙන්ම පොදු ජන පෙරමුණ බවයි. මෙවර ඡන්දයේදී චන්දය දායකයන් PJP සැලකුවේ ඒ ලෙසටය. තම පක්ෂයේ මහා ලේඛම් විරුද්ධ පක්ෂයට මාරුවී එම පක්ෂයෙන් චන්දය ඉල්ලා තම පක්ෂය පරාජය කල විට මුල් පක්ෂයේ පාක්ෂිකයන් ඊළඟ චන්දය දී එම මාරුවුණා තැනැත්තාට චන්දය පාවිච්චි කරන්නේ යයි සිතීමත් ඇත්තෙන්ම පුදුම සහගතය. ජනාධිපති වරයා මෙහෙයවූ පක්ෂවලට චන්දය 13.5 කැ ප්‍රතිශතයක් ලැබීම ඇත්තෙන්ම පුදුම සහගතය. තමන් විසින් මෙලෙස 13.5% චන්දය ප්‍රමාණයක් ලබා ගැනීම පිළිබඳව ජනාධිපති වරයා ඉතා සතුටු විය යුතුය. ඔහුට ඇත්තෙන්ම මේ චන්දය යේ ලබාගැනීමට චන්ද තිබුනෙම නැත. ඔහු මෙතරම් කෙටි කාලයකින් JVP ඡන්ද ප්‍රමාණය මෙන් දෙගුණයක් ලබාගත්තේ ඔහුගේ සංවිධාන ශක්තියෙන් සහ ඔහුගේ ජනාධිපති ධුරයේ ගෞරවයෙන් සහ බලයන්ගෙන් පමණි. ඔහුට  මේ චන්ද පැමිණියේ කොහෙන්ද?

මට සිතෙන විදිහට එම චන්දය වැඩි ප්‍රමාණයක් PA චන්දය නොවේ. එම 13.5 න් 75 %ක් පමණ ගියවර UNP එකට වැටුණු චන්දය විය යුතුය. ඉතිරි 25% PA චන්දය වියයුතුය. මක්නිසාද ඔහුත් සමග වැඩියෙන් තරහ PA පාක්ෂිකයන් බැවිනි. ඔවුන්ගේ කෝණයෙන් ඔහු තම පක්ෂයට ද්‍රෝහියෙක් වීම ස්වභාවිකය. මේ චන්දය බොහොමයක් බොහෝ කොට්ටාශ වල කුලමල, ගම් දනව් හා නෑකම් සඹදතා නිසා වැටුණු ඒවා විය හැක.

දැන් පොහොට්ටුවේ චන්දය දෙස බලමු. ඔවුන් ලබාගෙන ඇති ප්‍රතිශතය  44.65 කි.  ජනාධිපති චන්දය ඉල්ලුවේ නැත්නම් එම 13.5 නුත් 25%ක් පමණ (වැටුණු චන්දය වලින් 4%ක් පමණ) මෙයට එකතුවනු ඇත. ඒ අනුව මුලු වැටුණු  චන්දය ප්‍රමාණයෙන්  48.65% ක් පමණ පොහොට්ටුව ලබාගන්නවා ඇත. මෙය 2011 ප්‍රාදේශීය චන්දය දී එම පක්ෂයේ පරණ මුහුණුවර (PA) ලබාගත් චන්දය ප්‍රමාණයට වඩා 20%ක පමණ අඩුවකි.

UNPය 2011 හේ 31.73% කි. 2015 45.66%කි. 2018 32.63 කි. ඒ කියන්නේ මෙවර unp එකට චන්දය දී ඇත්තේ අරටු unp කාරයෝ පමණකි. 32/33 % පන්නන්න නම් unp එකට යම් සුළු හෝ රැල්ලක් (2015 මෙන්) එසේ නොමැත්තේ නම් යම් නැවුම් බලාපොරොත්තු ඇතිකරණ (77 වැනි ) නායකයෙකු සමග පැමිණිය යුතු බවය.

jvp ඒක ගැන විශේෂයෙන් කියන්නට දෙයක් නැත. ඔවුන්ගේ මේ කාඩර් පක්ෂ ක්‍රමය අවසන් කරන තුරු 5% වටා ලම්බනය වීම වැළක්විය නොහැකිය

අප දෙවියන් වත්ද?

අතීතයේ බොහෝ කලක සිට අප මනුෂ්‍ය සංහතිය , අපට වඩා යම් බලයක් ඇති දෙවියන් පිළිබඳව විශ්වාස කළෙමු. මුලින්ම අපට තේරුම්ගත නොහැකි අපට කිසිම පාලනයක් නොමැති සිදුවීම් හෝ දේවල් වලට යම් අද්භූත බලයක් තිබෙන්නේ යයිද ඒවායෙන් ඉල්ලා  සිටීමෙන් අපට වාසිදායක අන්දමට ඒවා වෙනස් කරගත හැකි යයිද මිනිසුන් සිතුහ.

වැස්ස වලාහක දෙවියන්,ගිනි දෙවියන්  සහ ඉර දෙවියන් මෙවැනි දෙවි වරුන්ට උදාහරණයන් වෙයි. ගල් අතුල්ලා ගින්දර හදන්නට පෙර ගිනි ඇතිවන්නට ඇත්තේ ස්වාභාවික අන්දමින් පමණය. එහෙත් මිට අවුරුදු මිලියන දෙකකට පමණ පෙර අප්‍රිකාවේදී  ගල් අතුල්ලා ගිනි ජනනය කරන්නට ඉගෙනගත් දා සිට ගිනි දෙවියන්ට ඇති ගෞරවය අඩුවන්නට ඇති බවට කිසිම සැකයක් නැත්තේය. දැන්නම් ; ඒ කියන්නේ ගිනි දෙවියන් පෙට්ටියක දමා සාක්කුවේ දාගෙන යන්නට පුළුවන් යුගයක ගිනි දෙවියන් ගැන කිව්වොත් එය විහිලුවට කාරනාවක් වීම ස්වභාවිකය.

එලෙසම සුර්ය දිවය රාජයා දෙවි වරුන් අතරත් ප්‍රධාන තැනක් ගත්තේය.  එය සාධාරණය: මක්නිසාද අප පෘතුවියෙහි සියලුම ජිවිත , ගස් සහ සතුන් , ජීවත්වන්නට ශක්තිය සඳහා යැපෙන්නේ සුර්යා මත වීම නිසාය. ජීවිතය ගෙනයාමට ශක්තිය හදා ගැනීමට පමණක් නොව ,ජිවිතයෙන් පරිභාහිර බොහෝ කටයුතු වලටද අප ශක්තිය ලබාගන්නේ සුර්යා විසින් ලබාදෙන යම් ආකාරයකට ගබඩා වී ඇති ශක්තියෙනි. ප්‍රභාසංස්ලේෂණය යන ක්‍රියාවලිය මඟින්  වෘක්ෂලතා කාබන්ඩයොක්සයිඩ් වායුව සහ ජලය අමුද්‍රව්‍ය ලෙස යොදාගෙන හිරුකිරණ වල ශක්තිය යොදාගෙන ශක්තිය නීපදවිම මෙම ක්‍රියාවයි. එම ක්‍රියාවලියේ අතුරු පලයක් වන ඔක්සිජන් අපගේ ජිවිත වලට අවශ්‍යතම වායුව වීම වෙනත් කතාවකි.  එම ශක්තිය අප ආහාර වශයෙන් ලබාගනිමු. ප්‍රභාසංස්ලේෂණය ඉතාමත් සංකීර්ණ ක්‍රියාවලියක් වන අතර එය මෑතක් වනතුරු අවබෝධ කරගැනීම අපට අපහසු විය. 1770 දී ඕලන්ද විද්වතෙකු ගස් වලින් දහවලට ඔක්සිජන්  පිටවන බවත් එම ප්‍රමාණය රාත්‍රියට ගස් වලින් පිටවන කාබන්ඩයොක්සයිඩ් ප්‍රමාණයට වඩා වැඩි බවත් සොයාගැනීම මෙම සොයාගැනීමට මුල්විය. එහෙත්  සත්‍යයෙන්ම සිදුවන ප්‍රතික්‍රියාව දැනගන්නට තව බොහෝ කල් ගතවිය. එහෙත් මෙම ප්‍රභාසංස්ලේෂණයේ සුර්ය ශක්තිය අපට පාවිච්චි කල හැකි ශක්තියක් වන සීනි බවට පත්කරන කාර්යක්ෂමතාවය ඉතාමත් පහල අගයක පවතී, ඇත්තෙන්ම එය 1% පමනවෙයි. හදන ග්ලුකෝස් වලින් 35%ක් පමණ ශාඛා පත්‍රයේම ප්‍රයෝජනයට ගැනීම මේ කාර්යක්ෂමතාවය තවත් අඩු කරයි.

මෙලෙස සුර්ය ශක්තිය ආහාර සඳහා පරිවර්තනය කිරීම කොතරම් සංකීර්ණද යත් එම ක්‍රියාදාමය අපට කෘතීම ලෙස කරන්නට හැකියාවක් ඇත්තේයයි කිසිවකු සිතුවේ නැත. නමුත් ලඟකදී හාවඩ් විශ්ව විද්‍යාලයේ විද්‍යාඥයන් දෙදෙනෙකු මෙම ප්‍රභාසංස්ලේෂණය කෘතිමව සිදුකළහ. ඒ ශක්තිය පරිවර්තනය කිරීමේ කාර්යක්ෂමතාවය 10% ප්‍රමාණයකිනි. ඒ කියන්නේ දෙවියන්ගේ මැවීමෙන්   හෝ ස්වභාවිකව කරනවාට වඩා 10 ගුණයක කාර්යක්ෂමතාවයකිනි. තව ටික කලක් යනවිට අපේ ප්‍රභාසංස්ලේෂණ කර්මාන්තශාලාවල අපට අවශ්‍ය සියලු ඉන්ධන නිපදවෙනු ඇත. ආහාර නිපදවීමත් මෙලෙසම සිදු කිරීමට වැඩි කලක් නොයනු ඇත.

ගුවන් යානා තැනීමට පෙර දෙවියන් ගුවනින් ගමන් කරන බවද ඔවුනට තමන්ට අවශ්‍ය තැනක් පෙනී සිටීමට හැකි බවට මිනිසුන් විශ්වාස කළහ. රයිට් සහෝදරයන් අපටද ගුවනින් යාමට හැකියාව ලබාදුන්හ. දැන් ගුවනින් යාම අද්භූත දෙයක් නොවේ. අපි ඕනෑ කෙනෙකුට විසා තිබේනම් යා හැකිය.

දෙවියන්ට පමණක් තිබෙනවා කියූ වෙනත් තැනක පෙනී සිටීමේ බලය අපට ලබාගන්නට උදව් කලේ ජෝන් බෙයාඩ් නම් ස්කොට්ලන්ත ජාතිකයාය. ඒ 1926 අවුරුද්දේ රුපවාහිනිය ලොවට හඳුන්වාදිමෙනි.

දෙවියන් ත්‍රිශුලයකින් විදුලි සැර නිකුත්කරමින් සටන් කරන දේව කතා අප අසා ඇත්තෙමු, පරමාණු, ලේසර් ආයුධ සහ ඩ්රෝන් තාක්ෂනය හා  සංසන්දනය කරන විට දේව ආයුධ කැටපොල්ට් තත්වයට පහතට වැටෙයි.

මෙලෙස අපට දැන් බැරි එලෙසම අපට හිතන්නටත් නොහැකි හැකියාවන් අප සහ අපේ අනාගත පරම්පරාවන් සොයාගෙන ප්‍රයෝජන ගනු ඇත.

ඇත්තටම එක් පරම්පරාවක් දෙවියන් යයි සිතාගෙන ඉන්නේ අනාගත පරම්පරාවන්ද?

ගන්නොරුවට ගියෙමි.

මම ඊයේ රාත්‍රියේ කොළඹ මිතුරෙකුගේ නිවසකට රාත්‍රී ආහාරය සඳහා ගියෙමි. අප කතාකල  බොහෝ දේවල් අතර මේ දිනවල සැම දෙනෙකුම කතාකරන ඡන්දය ප්‍රධාන මාතෘකාවක් විය. අප දෙදෙනා පක්ෂ දෙකකට කැමැත්ත ඇති නිසා ඒ කතාවෙ එකඟ වීම් වලට වඩා නොවීම් වැඩි විය.

ඊළඟට කතාව හැරුනේ දෙවියන් පුනරුප්පත්තිය වැනි කාරනා වලටය. එහිදීද අපි වෙනස් මත දරුවෙමු. ඔහු දෙවියන් පිලිබඳ යම් තරමක විශ්වාසයක් තිබුණු අතර මම දෙවියන් පිළිගත්තේ නැත. ටික වෙලාවක් මේ පිලිබඳ කතාකර පුනරුප්පත්තිය පිළිබඳව කතාකරන්නට පටන් ගත්තෙමු. එහිදීද පෙර සේම අපි විශ්වාසයන් දෙකක සිටින බව පෙනුනි.

මම පුනරුප්පත්තිය පිලි නොගත් නමුදු ඔහු එය සැහෙන දුරකට විශ්වාස කරන බව පෙනුනි. අපගේ ඊළඟ මාතෘකාව වුයේ කෘෂිකර්මයයි. එය අප දෙදෙනාගේම උද්යෝගිමත් විනෝදාංශයක් වූ නිසා මෙහිදී බොහෝ දේවල් වලදී අප එකඟ වීමු.

ඔහු විසින් ලඟකදී පටන් ගත කුරුඳු වගාවක් ඉතාමත් ලාභ ලබන ව්‍යාපාරයක් බවට පත්ව ඇති බව පෙනුනි. දැන් ඔහු කුරුඳු තෙල් හදන යන්ත්‍රයක් ද සවිකිරීමට කටයුතු යොදාගෙන යයි.මම සහ මගේ ඥාති සොයුරෙකුට අයිති මැල්සිරිපුර ඒක ළඟ පිහිටි ඉඩම් දෙකක කුරුඳු වගාකරන්නට බලන්නට සනිටුහන් කර ගත්තෙමි. ඒ අතරම පසුදින මම නුවර යන නිසා මගේ මිතුරා  මගෙන් උදව්වක් ඉල්ලා සිටියේය.

ඒ ගන්නොරුවේදී කෘෂිකර්ම පර්යේෂණ ආයතනයට  ගොස්  ඔහු විසින් ලඟකදී රුපවාහිනි වැඩසටහනක දුටු මලුවල බතල වගාකරන ක්‍රම වේදයේ විස්තර ලබා ගෙන ඔහුට කියන ලෙසයි.
මම වෙනදා නිවසට යන් පේරාදෙණිය නගරය හරහා නොගොස් ගන්නෝරුව පැත්තට දමා හෙමින් අල බතල සම්බන්ධ අංශයක පුවරුවක්  සොයමින් ගමන් කලෙමි.

කෘෂිකර්ම සංකීර්ණයේ මැද හරියේ වාහනය නවත්වා ගොඩනැගිල්ලකින් එලියට එන තරුණියක ගෙන් අල අංශය ගැන ඇසුවිට ඇය මට ඒ අසල බිල්ඩිමක් පෙන්වා එයට යන ලෙසට කීවාය.මම ඒ බිල්ඩිමේ පිළිගැනීමේ නිලධාරි වෙත ගොස් මිතුරා  කිව් බතල විස්තරය කියා මා කුමන කාර්යාලය වෙතට ගිය යුතු දැයි විමසුවෙමි. ඔහු මට දෙවෙනි තට්ටුවෙ  ඇති  එම අංශයට යන විදිහ පැහැදිලිව කියා දුනි.

ඉතා පළල කොරිඩෝර් සහිත එම ගොඩනැගිල්ලේ අල බතල අංශයට මම ගමන් කල අතර මුලු කාර්යාල සන්කිර්නයම ඉතාමත් පාලු ස්වරුපයක් ගත්තේය.නොයෙකුත් නම් සහ තරාතිරම් ලකුණු කර තිබූ කාර්යාල වල දොරවල් ඇර බැලුවද කිසිකෙනෙකු සොයා ගැනීමට නොහැකි වූ නිසා එම කොරිඩෝර් වෙ කෙලවට තේ  හදන කාමරයක් වියයුතු තැනකට ගියෙමි. 

එහි පිරිසිදු කරන හෝ තේ  හදන කාන්තාවක් යමක් කරමින් සිටි අතර මම ඇය ගෙන් මේ පිළිබඳව ඇසුවෙමි. ඇය මට කිවේ එම අංශයේ සියලුම අය ක්ෂේත්‍රයට ගොස් ඇති බවය. ඇය මට ක්ෂේත්‍රය ජනේලයකින් පෙන්නුවාය. ප්‍රධාන පාරෙන් එහා පැත්තේ තිබූ ක්ෂේත්‍රයට ඝන අව්වේ මීටර 500 ක් පමණ ඇවිදිය යුතුය. නමුත් මම මේ පිළිබඳව මිතුරාට පොරොන්දු වූ නිසා දහඩිය දමා ගෙන එතනට ඇවිද ගියෙමි.
එතනදිත් තවත් කෙනෙකුගෙන් අසාගෙන වැල් අල ගලවමින් සිටි  අල අංශයේ කිහිප දෙනෙකු වෙතට ගොස් ඔවුන්ගෙන් මේ පිළිබඳව අසා සිටියෙමි.
ඔවුන් කියා සිටියේ මෙම විෂය කරන්නේ ඇත්තෙන්ම අල අංශයෙන් නොවන බවත් එය භාරව සිටින්නේ එළවලු අංශයට බවත්ය.මම ඔවුන්ගෙන්ම එය කරන නිලධාරිනියගේ දුරකථන අංකය ඉල්ලා සිටියත් එය ලැබුනේ නැත. මම  ඔවුන්ගෙන් බතල අයත් වන්නේ එළවලු වලටද නැත්නම් අල අංශයට දැයි ඇසුවෙමි. බොහෝ කලකට පෙර වෙජිටේරියන් කෙනෙකු වූ ප්‍රසිද්ධ ගායකුගෙන් ; බිට්ල්ස් වැනි කණ්ඩායමක, සාමාජිකයෙකුගෙන් ඔහු එකල එතරම් ප්‍රධාන් ධාරාවේ නොවූ වෙජිටේරියන් කෙනෙකු වූ පසු  "ඔබ වෙජිටේරියන් කෙනෙකු වූ පසු අර්තාපල් කනවාද" යයි  සාකච්චාවකදී අසු විට ඔහු කිව්වෙ අර්තාපල් එළවලු අතර රැජින බවයි. මේ අවස්තාවේ මට එය මතක් විය. එම ප්‍රශ්නයට ඔවුන් අසතුටු වී ඇති බව තේරුම් ගත් මම කිරි අල වල අල ගැලවිය යුත්තේ කුමන කාලයට දැයි විමසුවේ මගේ වත්තේද කිරි අල වගාවක් තිබෙන නිසාය.

මේ ඒවායේ අල ගලවන කාලය බවත් කිරි අලවල සිහින් දිග පත්‍රයක් මේ දිනවල පැමිණි පසු අල ගැලවීම යෙහෙකි බවටත් උපදෙස් ලැබුණි. බතල ප්‍රශ්නයේ මා නැවත මුල කොටුවට වැටි ඇති බව වැටහුණි.මම  නැවත මුල සිට එළවලු අංශය සෙවීම අතහැර හදබිමෙහි පුද්ගලික පල අංශයට ගොස් ලෙමන් පැල  තුනක් සහ අන්නාසි පැලයක් මිලදී ගෙන ගෙදර ගියෙමි. 
ඉස්සර එතන පැල මිලදී ගත්විට ඒවාට මුදල් ගෙවීමට බොහෝ දුරක් ඇවිද මුදල් ගෙවා නැවත පැල ගෙනයාමට පැල ගෙන යාමට ආයුතු විය. දැන් එය වෙනස් කර එතනටම මුදල් ගෙවා යාමට සකස් කර ඇති බවත් රජය නියම කරන මිලටම පල විකුණන්නට තොරා ගත පුද්ගලික වෙළෙන්දන්නටද ඉඩ දී තිබෙනු දැක සතුටට පත්වීමි.

සුප්‍රසිද්ධ නීතිඥ සහ රහස් පරීක්ෂක පෙරී මේසන්

අර්ල් ස්ටැන්ලි ගාර්ඩ්නර් විසින් ලියන ලද පෙරී මේසන් රහස් පරීක්ෂක කතා මෙතෙක් ලොව ප්‍රකාශ වුනු තුන්වෙනියට වැඩියෙන්ම ලියවුනු කතා පෙළ වෙයි. පෙරී  රහස් පරීක්ෂකයෙකු , නීතිඥයකු සහ ප්‍රශ්න විසදන්නෙකු ලෙස ගාර්ඩ්නර්  ගේ පොත් 80 ක පමණ වැරදි ලෙස චෝදනා වලට ලක්වූ චුදිතයන් උසාවියේ නඩු විභාග වලින් සහ  සහ පිටත රහස් පරීක්ෂණ කටයුතු වලින් නිදහස් කර ගනියි. ඔහුට සහාය වන්නේ ඔහුගේ මිතුරු රහස් පරීක්ෂක පෝල් ඩ්රේක් සහ ලේකම් වරිය වන ඩෙලා ස්ට්‍රිට් ය. එතරම් පැහැදිලි නොවුවද ඩෙලා සහ පෙරී අතර යම් ප්‍රේම සම්බන්ධයක් තිබේ දැයි කියවන්නාට සැක සිතෙයි.

මෙම පොත් බොහෝ ගානක් රුපවාහිනි නාට්‍ය සහ චිත්‍රපට වලට නැංවුනි. මම බොහෝ කලක සිට court dramas ලෙස හැඳින්වෙන නැව කතා කියවන්නට ආශාවක් දක්වුයෙමි. දැනට අවුරුදු අටකට පමණ පෙර මම ඒ දවස් වල මම කියවමින් සිටි ගාර්ඩ්නර්  ගේ පොතක් පරිවර්තනය කලද එය ප්‍රකාශකයෙකුට දීම අතපසු විය. මේ ලඟකදී පොත් ප්‍රකාශකයෙකු පුවත් පතක දමා තිබුණු දැන්වීමක් දැක මෙය මතක් වී ඔවුනට එය ලබා දුන් අතර ඔවුන් එම පොත ගිය සතියේ  ප්‍රකාශයට පත් කළහ. යම් තාක්ෂණික ප්‍රශ්නයක් නිසා පහත පින්තුරය හිර වී ඇත. ඊට යටින් කතාව තිබේ.

එම පොතේ කතෘගේ පෙර වදන සහ කතෘ පිලිබඳ කෙටි සටහනක්  මම පහතින් අමුනන්නෙමි.

අර්ල් ස්ටැන්ලි ගාර්ඩ්නර්

 අර්ල් ස්ටැන්ලි ගාර්ඩ්නර්, පොත් මිලියන 170 ක් විකුණූ අභිරහස් කතු වරයෙකි. අතිදක්ෂ නීතිඥයෙකු වූ ඔහු, අපරාධ පරීක්ෂණ වලට නව තාක්ෂණයන් යොදා ගැනීම පිළිබද, ගැඹුරෙන් අධ්‍යයනය කලේය. එමෙන්ම වැරදි ලෙස මරණ දඩුවම නියම වූ යැයි සැක කරන පුද්ගලයින්, එයින් බේරා ගැනීම සදහා, ‘අවසාන උසාවිය‘ නමින් සංවිධානයක් පිහිටුවා ගත්තේය. දක්ෂ ඡායාරූප ශිල්පියෙකු හා ගවේශකයෙකු වූ ගාර්ඩ්නර්, ලියූ විශාල ස්වාභාවික හිස් අවකාශ පිළිබද ගවේශක ලිපි, ඔහුගේ අභිරහස් නීති ග්‍රන්ථ ලෙසටම ජනප්‍රිය විය. 1970 දී ඔහු මිය යන විට, ඔහුට වයස අවුරුදු 80 ක් විය.

                                            මුල් කථාවේ පෙර වදන.

ටික කලකට පෙර ‘මැසචුස්ටි‘ මහා මාර්ගයෙහි ගමන් ගන්නා වාහනයක රියදුරෙකු, රාත්‍රියකදී, තමන්ට ඉදිරියෙන් වාහනයක් හදිසියේම වමට හැරවී නොපෙනී යනු දුටුවේය.

එය සමහර විට මහන්සිය නිසා, තම මනස තුල ඇති වු ඇස්බැන්දුමක් ලෙස ඔහු සිතුවද, එම දසුන සත්‍යයක් යැයි සැක සිතූ රථයේ රියදුරා, එම දුටු තැන නවතා වාහනය පරීක්ෂා කළේය. ඔහුට දක්නට ලැබුනේ පාරේ සිට එක්වරම පහලට පහත් වී යන ගං ඉවුරකි. ඔහු ඉවුරෙන් පහලට බැස අසල ගඟ පරීක්ෂා කලේය. සිතූ පරිද්දෙන්ම වාහනයක රතු පාට පසුපස පහන් එලියක් ගඟෙහි වතුර තුලින් ඔහු දුටුවේය.

පොලීසිය කැදවිණ. දම්වැල් සහ යකඩ කොකු සහිත දොඹකරයක් මගින් වාහනය ඉහලට එසවිණ. එය තුල වාහනය පැද වු තැනැත්තාගේ මළ සිරුර හිරවී තිබිණ.

‘හාවඩ්‘ විශ්ව විද්‍යාලයේ නීති වෛද්‍ය අංශයේ ප්‍රධානියා වුද, බොස්ටන් නගරයේ නීති වෛද්‍යවරයා වූද, දොස්තර රිචඩ් ෆෝඩ් මරණ පරීක්ෂණය පැවැත්වූයේය. මරණය සදහා හේතුව ජලයේ ගිලීම වූ අතර, රථය ගඟට පෙරලීමට මුල් වූ කරුණක් සොයා ගැනීමට නොහැකි විය. සාමාන්‍යයෙන් වාහනයක් පදවද්දී, මෙලෙස අනතුරට පත්වීමට හේතුව වන, හදිසි හදවත් රෝගයක් හෝ වෙනත් එවැනි රෝගී තත්වයක් මිය ගිය තැනැත්තා ගෙන් දක්නට ලැබුනේ නැත. සමහර විට තමන්ගේ දරු පවුලට රක්ෂණ මුදල් ලබා ගැනීමට ඉඩක් ඇති කිරීමට, සිය දිවි හානි කර ගැනීමක් සේ නොපෙනෙන ලෙසට, ඔහු වාහනය ගඟ වෙතට හිතා මතාම පැද වුවාදැයි සැකයක් මතු විණ. මන්ද, සිය දිවි නසා ගැනීමකදී බිරිදට හා දරුවන්ට රක්ෂණ මුදල් නොලැබෙන හෙයිනි.

 කොතෙක් සිය දිවි නසා ගැනීම පැත්තට කරුණු තිබුනද, දොස්තර ෆෝඩ්  එම තර්කය පිලිගැනීමට මැලි විය. එලෙසම, මෙම අනතුර සිදුවීමට මූලික විය හැකි කිසිම යාන්ත්‍රික අඩුපාඩුවක්ද, වාහනයේ තිබී නැති බව පරීක්ෂණ වලදී හෙලි විය.මෙම අනතුර සිදු වූයේ සිය දිවි හානි කර ගැනීමක් මුල් කරගෙන බවට කරුණු දැක්වූ පිරිස් දොස්තර ෆෝඩ්, එම තර්කයට එකග නොවීම පිලිබදව ඔහුව විවේචනය කලහ.

එහෙත්, වචනයේ පරිසමාප්තියෙන්ම විද්‍යාඥයෙකු වූ දොස්තර ෆෝඩ්, පොදුවේ වි‍වේචනය වීමත්, ගෞරව ලැබීමත් ගැන එතරම් තැකීමක් නොකලේය. ඕනෑම ප්‍රශ්ණයකට තමන්ගේ හිතට එකගවන පරිදි, හරි පිළිතුරු සොයාගන්නවා මිස, අනෙක් අය තමන්ගේ එම වැඩ පිළිබදව සිතන්නේ කුමක්දැයි, ඔහුට දැන ගන්නට වුවමනා වූයේ නැත.

මාස හයකට පමණ පසු, තවත් රියදුරෙකු පෙර රිය අනතුර ලෙසටම එම ස්ථානයේම, තමන්ට ඉදිරියෙන් යන වාහනය හදිසියේම නොපෙනී යනවා දුටුවේය.

නැවත වරක් පොලීසියට දැන් විණ. පොලීසියෙන් පැමිණ යකඩ කොකු සහ දම්වැල් මාර්ගයෙන් වාහනය ඉහලට එසවූ විට, ජලයේ ගිලීමෙන් මිය ගිය තවත් රියදුරෙකු වාහනය තුලින් සොයා ගත හැකිවිය.

අනතුරු දෙකක්ම එලෙස සිදු වූ නිසා, මේ පිළිබදව විශේෂ පරීක්ෂණයක් සිදු කෙරිණ. එහිදී ප්‍රධාන මාර්ගයේ ඇති ලොකු වංගුවක් මග හැරීම සදහා, එම වංගුවට පෙර බෝතල් කර්මාන්ත ශාලාවක් හරහා, වැටී ඇති පුද්ගලික මාර්ගයක් ප්‍රදේශයට පලපුරුදු රියදුරන් පාවිචිචි කරන බවද, රාත්‍රියේදී එවැනි රථ එක්වරම මහා මාර්ගයට ඇතුල් වන විට, ‍මෙය දකින මහා මාර්ගයේ පහලින් යන රියදුරන්, තමන් මහා මාර්ගයේ වැරදි පැත්තේ ගමන් කරන බව සිතා, දකුණට හදිසියේ වාහනය කැපීමෙන්, එය ලිස්සන සුලු ප්‍රපාතයකට වැටී, අවසානයේ ගගේ ශීතල වතුරට වැටීමෙන්, ශෝකාන්තයකට අවැසි සියළු දෑ සම්පූර්ණ වන බව සොයා ගැණින.

දොස්තර ෆෝඩ්  ගේ පුද්ගලික පරීක්ෂණ නිසා, අවශ්‍ය තැන්වල ආරක්ෂක වැටවල් ඉදිකිරීමෙන්, මෙම ස්ථානයේ මෙලෙස නිතරම සිදු වූ රිය අනතුරු සදහටම වලක්වා ගැනීමට කටයුතු කරන ලදි, මෙම විස්තරය දොස්තර ෆෝඩ්ගේ රාජකාරී වල, ඔහු යෙදෙන ආකාරය සහ එමගින් ඇතිවන ප්‍රතිඵල පැහැදිලිවම පෙන්වා දෙයි.

ඇමරිකාවේ බුද්ධිමත්, ඉහල අධ්‍යාපනය ලැබූවන් සදහා කුලයක ඇත්තේ නම්, දොස්තර ෆෝඩ්  නිසැකයෙන්ම එම කුලයට අයත්වේ.

ඔහුගේ පියාද, මට දැනට මූණ ගැසුනු වැඩියෙන්ම ඇසූ පිරූ තැන් ඇති තැනැත්තාය. එහෙත් ඔහු ලොකු පණ්ඩිතයෙකු නොවේ. ඔහු ප්‍රායෝගික, පොළවෙහි ජීවත්වන, සෑම දෙනාගේම ආදරයට ලක්වූ පුද්ගලයෙකු විය. ඔහුගේ ඇගිලි තුඩුවල ඇති දැනුම සමහර දෙනෙකුගේ මොළයේද, සොයා ගන්නට නොහැක. ඔහුගේ මව නිව් ඉංග්ලන්ඩ් ප්‍රාන්තයේ කාන්තාවකි. කාන්තාවක් නිව් ඉංග්ලන්ඩ් ප්‍රාන්තයේ යැයි පැවසීම පමණක්ම නිව් ඉංග්ලන්ඩ් ගැන දන්නා කෙනෙකුට, ඇය පිළිබද අදහසක් ලබාගැනීමට ප්‍රමානවත්ය. දොස්තර රිචඩ් ෆෝඩ්  විද්‍යාඥයෙක්, දාර්ශනිකයෙකු සහ දක්ෂ වෛද්‍යවරයෙකුද වේ. ඔහුගේ සහෝදර වෛද්‍යවරුන්ගෙන් මා ඔහු ගැන විමසූ විට ලැබෙන්නේ එකම පිළිතුරකි. එනම්, ඔහුගේ  මිතුරන්ට ඇති  බැදීම, ඔහුගේ රැකියාවට ඇති බැදීම සහ ශුද්ධ විද්‍යාවට ඇති බැදීමයි.

 නීති වෛද්‍ය අංශයේ සහ අපරාධ පරීක්ෂණයන්හී, බොහෝ සොයා ගැනීම් වලට මුල් වූ,  කපිතාන් ෂ්‍රැන්සිස් ලී මහත්මියගේ යටතේ දොස්තර ෆෝඩ්, හාවඩ් වෛද්‍ය විද්‍යාලයේදී සිදු කල පශ්චාත් මරණ පරීක්ෂණයකට, මටද සහභාගි වීමට අවසර ලැබිණ.

ඔහු විසින් මරණ පරීක්ෂණයක් සිදු කරනු බලා සිටීම ආශ්චර්යයක් දෙස බලා සිටිනවා වැනිය. ඔහුගේ කාර්යක්ෂම ඇගිලි, කොතරම් නිවැරදිව හා විශ්වාසයෙන් චලනය වනවාද කීවොත්, ඒ අවස්ථාවේ ඇගිලි ඔහුගේ මොළයේ කොටසක් ලෙස පෙනේ. කුමක් සදහා කොතනක පරීක්ෂා කිරීමට අවශ්‍ය දැයි සහ එයින් නිගමනය වෙන්නේ කුමක්දැයි ඔහු දන්නේය. කිසිම සැකයක් නැතිව, ඔහු ලෝකයේ සිටින හොදම නීති වෛද්‍යවරයෙක් බව මට කියන්නට පුලුවන. පුද්ගලිකව නීති වෛද්‍ය විද්‍යාවට ඔහුගෙන් සිදු වූ විශාලතම සේවාව, ඔහු විසින් එකතු කරගෙන යනු ලබන වර්ණ වීඩියෝ දර්ශන පුස්ථකාලයයි. එම පුස්ථකාලය මගින් කුමන ආයුධයකින් කුමන විදිහේ තුවාලයක් අපරාධයකදී සිදුවුනා දැයි පෙන්වා දීමට පුලුවන. නඩුවකදී එවැනි තුවාල සම්බන්ධව, යම් විශ්ලේෂණයක් අවශ්‍ය වූ විට, මෙයට පෙර සිදු වූ එවැනි අපරාධවල දර්ශන නැරඹීමෙන්, අපරාධය පිළිබද පැහැදිලි සාක්ෂි ගොඩනැගීමට නීතිඥයන්ට පුලුවන.

නීති වෛද්‍ය විද්‍යාව පිළිබදව, ලියන ලද පොත්, සාක්ෂියක් විදිහට උසාවියේදී පාවිච්ච් කල නොහැක. නමුත් පෙර සිදු වූ එවැනි අපරාධයක, ඡායාරූප සාක්ෂිවලට සම්බන්ධ කර ගත හැක. මේ හේතුව නිසාම දොස්තර ෆෝඩ්  විසින් එකතු කරගෙන යනු ලබන ඡායාරූප පුස්ථකාලයෙහි වටිනාකම, කිව නොහැකි තරම් වේ.  මම මේ නව කථාව ගොඩ නැගීම සදහා යොදාගන්නේ පරිවේෂනීය සාක්ෂි වේ. මෙම සාක්ෂි වර්ගය පිළිබදව නීතිය සම්බන්ධ පිරිස් එතරම් කැමැත්තක් දක්වන්නේ නැත. නමුත් මෙම වර්ගයේ සාක්ෂි විද්‍යාත්මක ඇසකින් බැලුවහොත්, වැරදි අඩුවෙන්ම සිදුවිය හැකි සාක්ෂි වර්ගය යැයි පෙනී යයි.

පරිවේෂනීය  සාක්ෂිවල වැරදීමට ඇති ඉඩ කඩ බොහෝ අඩු අතර, ඇසෙන් දුටු සාක්ෂි වලට වඩා ලබා ගැනීමට පහසු වේ. එහෙත් ඒවා නොයෙකුත් නීතිඥයන් විසින් තේරුම් කරන ආකාරය නිසා, පරිවේෂනීය සාක්ෂිවලට නරක ප්‍රසිද්ධියක් ලැබී තිබේ. මෙලෙස වැරදි තේරුම් දෙන්නේ බොහෝ අවස්ථාවල අපරාධ පරීක්ෂණ කරන නිලධාරීන්ගේ නොදැනුවත්කම නිසාය. එලෙසම එම නිලධාරියා විසින්, අපරාධය සිදු වූ ස්ථානයේ ඇති සියලුම සාක්ෂි සම්පූර්ණයෙන් සහ හරියටම ලැයිස්තු ගත නොකිරීමෙන්ද මෙම සාක්ෂි දුර්වල වේ. බොහෝ විට පරීක්ෂණ කරන නිලධාරීන් ඉක්මනින්ම නිගමනයකට පැමිණ එම නිගමනයට පැමිණීමට ගැලපෙන   සාක්ෂි යෙදවීමෙන්ද, එම නිගමනයට නොගැලපෙන සාක්ෂි අතහැර දැමීමෙන්ද, සාක්ෂිවල හොඳ නම්‍යතාවයන් කැලැල් වී ඇත. විනිශ්චය පිහිටා ඇත්තේ සාක්ෂි මතය. පරිවේෂනීය සාක්ෂි රදා පවතින්නේ කරුණු මතය. මෙම සාක්ෂි වර්ගය සදහා, දොස්තර ෆෝඩ්  විසින්කරන ලද සේවය අගය කිරීමක් වශයෙන්, මා විසින් මෙම පෙරවදන ලියූ අතර, මෙම පොතද වෛද්‍ය රිචඩ් ෆෝඩ්ට   පුදකර සිටිමි.

වෛද්‍ය රිචඩ් ෆෝඩ් 

වැඩබලන ප්‍රධානි, නීති වෛද්‍ය අංශය, හාවඩ් විශ්ව විද්‍යාලය.

ප්‍රධාන නීති වෛද්‍ය නිලධාරී, ‘සුෂොල්ක්‘ කොටස, මැචෙසුට් ප්‍රාන්තය.

ලංකාවේ දිගම ග්‍රාම නාමය

මම 2008 වසරේ මන්නාරම ප්‍රදේශයේ නාවික හමුදා ආඥාපති වරයා ලෙස කටයුතු කලෙමි. මෙම බල ප්‍රදේශය එකල පුත්තලම යාපන අර්ධ ද්වීපයේ දකුණු පැත්ත දක්වා දිවෙන විශාල ප්‍රදේශයක් වූ අතර විශාලත්වය වැඩි නිසා පසුව දෙකට බෙදින. එකල එම බල ප්‍රදේශයේ ස්ථානගත  වී සිටි මුලු පිරිස 10000 ඉක්මවිය.
දවසක් මම යම් කටයුත්තක් සැලසුම් කිරීමට උරුමලේ ප්‍රදේශයේ සිතියමක් පරික්ෂාකරමින් සිටියදී එම සිතියමේ ඉතා දිග ප්‍රදේශ නාමයක් මට නිරීක්ෂණය විය. මෙම ග්‍රාම නාමය ලංකාවේ දිගම ග්‍රාම නාමය විය හැකි දැයි මට සිතුනි. මම ගුගල් කර පරික්ෂා කලද එවැනි දිගම ස්ථාන නාම වෙනත් රටවල් සඳහා තිබුනද ලංකාවේ එවැන්නක් ගැන සඳහනක් නොවිය.
මේ නිසා මම මේ පිළිබඳව අයිලන්ඩ් පුවත් පතට ලිපියක් සකස් කර යැව්වෙමි. එය ඊලග සතියේ පලවිය. මේ පහලින් තිබෙන්නේ එම ලිපියේ කොපියකි.

The longest place name in Sri Lanka

by Lakshaman T.B Illangakoon Kandy,

While going through Thalaimanna Island land map to look for a village near Urumalai.
I came across a place name that would probably be the longest place name in Sri Lanka.
The word modutakampaddankaddikudiyiruppu. Which has 31 letters when spelt in English, translates as "the settlement named alter modutakampaddan", a popular village chief long time back. After realizing that this probably is the longest place name is Sri Lanka I searched internet to see how this place name will compare with the world leaders lenghwise. But apparently here also we are nowhere near the gold medal. Lllanfairpwllqwyngylqoqercywyrnrobwyll-llantysilioqpqoqoch has 85 letters and is a town in North Wales.
The name translates as "The church of St. Mary in the hollow of white Hazel trees near the rapid whirlpool by St. Tysilio, of the red cave "in Welsh. With this place name England has long claimed the fame of having the longest name in the world. However, there is a hill in New Zealand called Taumatawhakatangihangako auauotamateapokaiwhenuakitanatanu.
This Maori word translates into English as the, place where Tamatea, the man with the big knees, who slid, climbed and swallowed mountains, known as ‘landeater, played his flute to his loved one".
However, for the honour of being the longest place, favourite of the Guinness Book of Records, is the name of Bangkok (Krungthep) in Thai:
Krungthepmahanakonbowornratanakosinmahintarayudyayamahadiloponopar
atanarajthaniburiromudomrajniewsmahaastarnamormpimarnavatarsatisakattiyavesanukamphrasit.
The Thai word translates into English as
‘The land of angels, the great city of
Immortality, varieties of devine gems.
The great angelic land unconquerable,
Land of nine noble gems, the royal city, the pleasant capital,
Place of the grand royal place,
Forever land of angles and reincarnated spirits,
Predestined and created by the highest devas."
So modutakampaddankaddikudiyiruppu may not he able to claim the honours of being in the same league as the top runners, but it probably can claim to be the longest place name in Sri Lanka.

Any other contenders

මෙම ලිපියට පිළිතුරක් ඊළඟ සතියේ එම පුවත් පතේම පලවිය. මෙම ලිපියෙන් කියවුනේ මා විසින් පෙන්වා දෙන ලද කරුණ නිවැරිදි බවත් නමුත් මම එම ගමෙහි තේරුම මා සඳහන් කල වෙනස් බවත්ය. ඒ ලිපිය මට මතක හැටියට ලියා තිබුනේ සිල්වා නමැති මහතෙකු විසිනි.
මෙම පුවත්පත් මට ගෙනවිත් දෙන විට මම මගේ නිවස්නයේ සිටියේ ලඟදි අප හැර ගිය  ධර්මසේන පතිරාජා මහතා සමගය.ඔහු ලංකාවේ දුම්රිය ඉතිහාසය පිළිබඳව වාර්තා චිත්‍රපටයක් සැදීමට රජයෙන් අවස්තාවක් ලැබී ඒ සම්බන්ධ කරුණු සෙවීමට තවත් කිහිප දෙනෙකු සමග පැමිණ සිටියේය.අපි දෙදෙනාම මහනුවර ධර්මරාජ විද්‍යාලයේ ආදී ශිෂ්‍යන් නිසා පාසල ගැනද කතාකරමින් සිටින විට පුවත් පත සමග පැමිණි නිලධාරියා මෙම ලිපිය ගැන මට පැවසිය.
පසුව මේ පිළිබඳව පතිරාජ මහතාද උනන්දු වී ලිපි දෙකම ඉල්ලා ගෙන බලා අප මෙතෙක් නොදුටු දෙයක් පෙන්වා දුන්නේය.
එනම් එම පිළිතුර ලියු සිල්වා මහතා ධර්මරාජ විද්‍යාලයේ කලකට පෙර ගුරුවරයෙකුව සිට දැන් විශ්‍රාම ගොස් කොළඹ වාසය කරන බවය. " මුල් ලිපිය ලිව්වේ ඔහු උගැන්වූ පාසලේ සිසුවෙකු යයි දන ගත්තොත් ඔහු බොහෝ සතුටු වෙයි." ඔහු කිවේය.
පසු කලෙක නාවුක හමුදාවේ යම් විශේෂ අවස්තාවක සැමරීමට වාර්තා චිත්‍රපටයක් හදන්නට කෙනෙකු සොයන විට මම ඔහු ඒ සඳහා සහභාගී කරගන්නට උත්සාහ කලද එය සාර්ථක වුයේ නැත.