නගරවලින් අධ්‍යාපනය
ඈත් කිරීම.
මම මහනුවර
ධර්මරාජ විද්‍යාලයේ ඉගෙන ගන්නා කාලයේ, දිනපතා පාසැලට ගියේ, ලේවැල්ල පාලම ලඟට ඇවිද
ගෙන ගොස් එගොඩ වී, 7 ට ලේවැල්ලෙන් පිටත් වන ලංගම ස්කූල් බස් එකෙනි. එක් අවුරුද්දක්
විශේෂ අවධානයට ගන්නේ නම්, මා 8 පන්තියේ සිටියදී, අපගේ 8 E පන්තියේ හැම දෙනාම පාසැල් පැමිණියේ,
මෙයට සමාන ක්‍රමයකටය. අපේ පන්තියේ කිසිම ශිෂ්‍යයෙකු, පුද්ගලික වාහනයකින් පාසැලට
පැමිණියේ නැත. මට මතක හැටියට මුලු පාසැලේම සිසුන්10/15 ක් වත්, පුද්ගලික වාහනයේ
පාසැලට පැමිණියේ නැත. ගෙදර වාහනයක් තිබුනත්, දරුවෙකු දිනපතා වාහනයක පාසැලට ගෙන
යාම, බොහෝ දෙමව්පියන්ගේ සිතට, නිකමට වත් ඇතුල් වන්නට වත් නොමැති බව මට සිතේ.
එහෙත් දැන්
තත්වය සම්පූර්ණයෙන්ම වෙනස්ය. නගරයේ පාසැලට බස් එකකින් එන ශිෂ්‍යයෙකු සොයා ගන්නට
වත් නොහැකිය. පලමු කැමැත්ත තමන්ගේම කාර් එකේ ළමයා ගෙනත් ඇරලීමය. යම් හේතුවනක් නිසා
එය අපහසු නම්, ඊලඟ තෝරා ගැනීම ස්කූල් වෑන් එකකි. මේ හේතුව නිසා, නගර වලට ඇතුලු වන
වාහන ප්‍රමාණය, දිනෙන් දින වැඩිවේ. සමහර නගර මේ හේතුව නිසාම පාසැල් වේලාවේදී, වාහන
වලින් පිරී යයි. කෙටියෙන් කියනවා නම්, චොක්-අ-බ්ලෝක් වෙයි. ඒ 26 මාර්ගය අසාධාරන
ලෙස වසා තිබීම, මෙම තත්වය තවත් උග්‍ර කරයි.
උදාහරණයකට මට
හොදින් හුරු පුරුදු මහනුවර නගරය දෙස බලමු. මෙම නගර සීමාව තුල, සත්‍ය වශයෙන්ම නගරය
(city proper) තුල ප්‍රධාන පාසැල්,
අන්තර් ජාතික පාසැල් වලට අමතරව 20 කට අධිකය. මහනුවර ධර්මරාජ විද්‍යාලයේ හා මහාමායා
විද්‍යාලයේ සිසුන් 10,000 ක් පමණ අධ්‍යාපනය ලබති. අනෙක් විදුහල් වල සිසුන් ප්‍රමාණය
මීට වඩා තරමක් අඩු විය යුතුය. අනෙක් පාසැල් වල ශිෂ්‍ය ජනගහනය සාමාන්‍ය 2500 ක්
යැයි උපකල්පනය කරමු. එවිට දවසකට නගරයට; නගර සීමාවට නොවේ, ඇතුලුවන ශිෂ්‍ය සංඛ්‍යාව
දල වශයෙන් 50,000 වෙයි.
සාමාන්‍යයක්
වශයෙන්, මේ සිසුන් 10 දෙනෙකුට එක් වාහනයක් නගරයට උදේ ඇතුල් වී, හවසට එළියට යන්නේ
නම්, මෙතන වාහන ගමන් 10,000 කි. ඊට අමතරව පාසැල් නිසා, වක්‍රව වාහන විශාල ගණනක්,
මෙම ගණනට එකතු කල යුතුය.
මෙම වාහන ප්‍රමාණය
දල වශයෙන්, මහනුවර නගරයට දිනපතා පැමිණෙන වාහන සංඛ්‍යා වෙන්, 50% ක් පමණ වෙන්නට
පුලුවන. මෙම විද්‍යාල මහනුවර නගරයේ නැත්නම්, නගරයේ දැන් පවතින වාහන සහ ජන තදබදය
සම්පූර්ණයෙන් නැති වී, එය නියම නගරයක් බවට පත් වනවා ඇත.
මේ සදහා කල
හැකි හොදම දෙය, විද්‍යාල සියල්ල ඉවත් කර, නගරයට ඇතුලු වීමට පෙර, ප්‍රදේශ තුනක
ස්ථාන ගත කිරීමයි. කටුගස්තොට පාලමට පෙර, කුණ්ඩසාලය ප්‍රදේශය, ඊරියගම/ පැණිදෙනිය ප්‍රදේශය,
මේ සදහා සුදුසුම ස්ථානය. ඉවත් කරන සියලුම පාසැල් එක්කෝ තනි තනිවම මෙම ස්ථාන තුනෙන්
එක් ස්ථානයකට, රැගෙන යා හැක, එසේත් නැත්නම් සෑම විද්‍යාලකම ශාඛාවක්, මෙම ස්ථාන
තුනෙහිම ඇති කල හැක. මෙම පාසැල් පද්ධති ස්ථාන තුනෙහිම පොදු පරිශ්‍රයක් තුල ඇති කල
විට, අන්තර් ජාතික තත්වයේ පොදු පහසුකම් ඇති කර, මෙම පොදු පද්ධති ලෝකයේ ඕනෑම විද්‍යාලයක්
හා තරඟකර ගත හැකි ආකාරයට ගොඩ නැගිය හැක.
දැන් ඩෙලර් 64,000
ක ප්‍රශ්නයට; ව්‍යාපෟතිය සදහා මුදල් සෙවීමට, විසදුමක් සෙවිය යුතුය. මෙය එතරම්
දුෂ්කර නොවේ. මහාමායා විදුහල භූමිය අක්කර 4 ක් පමණ වේ. වැව රවුමේ දැන් පර්චස් එක
මිලියන පහක් වේ. වෙළෙද පොල වටිනාකම මිලියන 3200 කි. ධර්මරාජ විද්‍යාලය අක්කර 54
කි. පර්චසයක් මිලියන දෙක ගණනේ බැලුවොත්, මිලියන 17280 කි. මේ දෙකෙන්ම මිලියන් 20,000
ටත් අධිකයි. අනෙක් විද්‍යාල වල භූමියේ වටිනාකමද එකතු කල හොත්, මුලු වටිනාකම මිලියන
50,000 කට වැඩි මිස, අඩු වන්නේ නැත. මේ මුදලින් එංගලන්තයේ Eton කොලීජියට වඩා පහසුකම් ඇති, පාසැල්
පරිශ්‍ර තුනක් නොව, පහක් හෝ ගොඩනැංවිය හැක්කේය.
මෙම ක්‍රියාවලියට
හොඳම උදාහරණයක්, මහනුවර කිංග්ස්වුඩ් විද්‍යාලයේ ඉතිහාසයෙන්ම සොයා ගත හැක්කේය. එය 1891
මුලින්ම පටන් ගැනුනේ, දලදා මාළිගය ආසන්නයේ පැවිලියන් වීදියේය. 1925 මෙම විදුහල
මුල්ගම්පොල, වෙල් අට ගමට රැගෙන යන ලද්දේ, නගරයෙන් එපිට නිස්කලංක පරිසරයකට, විදුහල
ගෙන යායුතු නිසාය.
මේ වැඩේ කෙරුන
හොත්, මහනුවර නගරයත් වියානා හෝ මිලාන් වැනි නිස්කලංක එමෙන්ම, ජනයා ඇතුලු වීමට ප්‍රිය
කරන, එහි පෞඩ ඉතිහාසයට ගැලපෙන ඵෛතිහාසික නගරයක් වනු ඇත.
මේ ක්‍රමවේදයම,
අනෙකුත් සෑම ප්‍රධාන නගරයකටම, අඩු වැඩියෙන් වෙනස් කර යොදාගත හැක.
meka nokerena wada file ekata damannna
ReplyDeleteAlways aim for the stars , even if you miss , you will land among stars , Norman Peale
ReplyDeletesorry "always aim for the moon, even if you miss, you will land among stars" Norman Peale
ReplyDeleteThe best solution would be to relocate the city to somewhere else.
ReplyDeleteYes, but there are many historical land marks and features in the city synonymous with Kandy , it will be very difficult
ReplyDeleteNo need to relocate the landmarks. Only the administration departments and trading section is needed to be relocated.
DeleteSchools as well as Kandy city has many historical landmarks. Therefore Major structural changes would not easily take place. But the government, Central Provincial Council, Kandy Municipality and Sri Lanka Police should implement methodical traffic flow plan immediately opening A 26. All the narrow roads should be make one way traffic.
ReplyDeleteSchools as well as Kandy city has many historical landmarks. Therefore Major structural changes would not easily take place. But the government, Central Provincial Council, Kandy Municipality and Sri Lanka Police should implement methodical traffic flow plan immediately opening A 26. All the narrow roads should be make one way traffic.
ReplyDeleteYes Upananda, I know the proposal is bit far fetched, but if implemented it will cure all the tragic ills of Kandy
ReplyDeleteTraffic
ReplyDelete/* එසේත් නැත්නම් සෑම විද්‍යාලකම ශාඛාවක්, මෙම ස්ථාන තුනෙහිම ඇති කල හැක. */
ReplyDeleteනුවර දිස්ත්‍රික්කයේ ඇති සෑම පාසලක්ම මහාමායා, ධර්මරාජ, ට්‍රිනිටි, කිංග්වුඩ්, සිල්වෙස්ටර්, පුෂ්පදාන, හිල්වුඩ්, හයි ස්කූල් යනාදී නම්වලින් එකකින් නම් කළොත්?