Saturday, March 16, 2019

කොලිටිය වැඩි පාසල් වැඩිවීමට විරුද්ධ වීම





පසුගිය දිනක හිටපු අධ්‍යාපන ඇමතිවරයෙකුද වන බන්ධුල ගුණවර්ධන ඇමතිවරයා රජයෙන් ආධාර ලබන පාසැල් වලට ශාඛා ආරම්භ කිරීමට ඉඩ නොදිය යුතු බවට ප්‍රකාශයක් කර ඇති බව මම fb එකෙන් දුටුවෙමි ( දැන් බොහොව්ට රටේ නිව්ස් දැනගන්නේ fb එකෙනි). ඔහු ඒ සඳහා හේතුව ලෙස කියා තිබුනේ එවැනි තත්වයක් ඇති වුවහොත් ධනපතීන්ට පමණක් එම අධාපනය ලබා ගනු ඇතිවන  බවයි.
මම ඔහුගේ මෙම ප්‍රකාශය ගැන කල්පනා කර බැලුවෙමි.
ඔහුගේ එම ප්‍රකාශයේ ඉතාමත් අවුල් සහගත කාරණා කිහිපයක් ගැබ්ව තිබේ.
එසේ ඔහු කියන පරිදි ධනපතියන්ට පමණක් (ඇත්තෙන්ම රජයේ ජනප්‍රිය පාසැල් තිබෙන නගරයක් ධනපතියන් කෙසේ හෝ තම මුදල් හෝ ධනය පාවිච්චි කර තම ළමුන් දමා ගන්නේ නගරයේ තිබෙන ජනප්‍රිය පාසැලටය, මෙතනදීත් බන්දුල ගුණවර්ධන මහත්මයාට වැරදී ඇත.) මේ පාසැල් වලට ළමයින් ඇතුලත් කර ගැනීමට උනන්දු වුවහොත් අනෙකුත් රජයේ පාසැල් වල එම ළමයින් ඇතුලත් නොකිරීමෙන් අලුතින් ඇතිවන පුරප්පාඩු වලට තව ළමයි 100 ක් 200 යකට ඇතුළු විය හැක. රටේ ප්‍රධාන නගර බොහොමයක  පාහේ මෙලෙස පුරප්පාඩු ඇතිවන විට මුළු රටේම එම අළුත් ශාඛා පාසැල් ඇති නොවුනා නම් ජනප්‍රිය පාසැල් වලට ඇතුල් විය නොහැකි වුන දරුවන් 2000 කට වැඩි පිරිසකට ජනප්‍රිය පාසැල් වලට ඇතුළු වීමට හැකිවනු ඇත.
මෙතරම් හොඳ ප්‍රතිපලයකට මන්ත්‍රීවරයා කැමති නැද්ද?

 එවන් රජයේ ආධාර ලබන පාසැල් වල මුදල් ඇති සිසුන් පමණක් අධ්‍යාපනය ලබන්නට ඉඩ ඇත්තේ යැයි හිටපු අධ්‍යාපන ඇමතිවරයෙකු මෙලෙස කණගාටුවකට පත්ව සිටින්නේ කුමන හේතුවක් නිසා විය හැකිද? එක් හේතුවක් විය හැක්කේ මුදල් වැඩියෙන් තිබෙන දෙමව්පියන්ගේ ළමයින් හොඳ අධ්‍යාපනයක් ලබා ගන්නවාට අකමැති වීම විය හැකිය. ඇත්තෙන්ම අධ්‍යාපනය ලබාගැනීමට ඇති හැකියාව දෙමව්පියන්ගේ අත ඇති මුදල් වලින් තීරණය වීම සාධාරණ නොවේ. නමුත් මෙතන ඇති ප්‍රශ්නය එසේ ආධාර ලැබෙන පුද්ගලික පාසැල් වල වඩාත් හොඳ අධ්‍යාපනයක් ලැබී දෙන්නේ යැයි හිටපු අධ්‍යාපන ඇමතිවරයෙකුම පිළිගැනීමෙන් අපගේ නිදහස් අධ්‍යාපනයේ තත්වය පිළිබඳව අපට සිතාගත හැකි වීමයි.
බන්දුල ගුණවර්ධන මහතා එලෙස ශාඛා පාසැල් දැමීමට විරුද්ධ වීමෙන්ම පෙන්වා දෙන්නේ නිදහස් අධ්‍යාපනය පවත්වා ගෙන යන ජනප්‍රිය  හෝ ජනප්‍රිය නොවන පාසැල් වල අධ්‍යාපනයේ තත්වය රජයේ ආධාර ලබන පාසැල් වල තත්වයට වඩා පහත් බව පිළිගැනීමයි.
එසේ තමන් වෙත ඇති යම් සේවයක හෝ භාණ්ඩයක තත්වය පහල නම් අප කල යුත්තේ අපගේ අපගේ නිෂ්පාදන වල තත්වය ඉහල දැමීම මිස අපට වඩා තත්වයෙන් වැඩි සේවයක් ලබා දෙන යම් නිෂ්පාදකයෙකු අපගේ වෙළඳපොළට පැමිණීම වැලැක්වීමද යන්න හටපු අධ්‍යාපන ඇමතිවරයා කල්පනා කල යුතු නේද?
මොහුගේ මෙම ප්‍රකාශයත්  හරියටම ඉංග්‍රීසි බැරි කෙනෙකු හෝ පිරිසක් ඉංග්‍රීසි භාෂාව සමඟ තරහ වී වෙනත් අයටත් ඉංගිසි ඉගනගැනීමට අපහසු කිරීම  හා සමාන නොවන්නේද?    

Tuesday, March 5, 2019

මාකඳුරේ මදුෂ් සහ පොලිසිය ඩොට්ස් කනෙක්ට් කිරීම





ඊයේ, 6 වෙනි අඟහරුවාදා, ස්වර්ණවාහිනියේ ප්‍රවෘති  ; අපේ ගෙදර ස්වර්ණවාහිනියේ ප්‍රවෘති බලන්නේ කාලයක් පරීක්ෂණ කර වඩාත්ම අපක්ෂපාති චැනලය ලෙස තොරගෙනය, බලනවිට අපුරු ප්‍රවෘතියක් නරඹන්නට ලැබුණි. අයවැය පටන්ගැන්ම ඊයේ නොතිබුනානම් මෙය අනිවාර්යයෙන්ම ප්‍රධාන ප්‍රවෘතිය වනු නොඅනුමානය. ඒ ප්‍රවෘතිය  මේ දිනවල ලනාවේ ප්‍රධාන ප්‍රවෘති වන මාකඳුරේ මධුෂ් ගෙ ගොලයෙකූ  අල්ලා ගැනීම පිළිබඳවයි.කැලුම් AKA කලුමා නමැති මෙම පාතාලයා ළඟ තබි අසුවුන මැණික් ස්වර්ණාභරණ දියමන්ති රන් බ්ස්කට් සහ මුදල් මේසයක තබා ප්‍රදර්ශනය කෙරින. තව ප්‍රදර්ශනය නොකරන ලද වස්තුව කොපමනදැයි අපට අමාරුවෙන්  සිතාගන්නට පුළුවන. පෙන්නන ලද වස්තුව අයිස් කුට්ටියේ මුදුන යය සිතාගැනීම සාධාරණය. මෙය ලකී ලුසියානෝ දුටුවේ වුවද ඔහුද ගෝඩ් ෆාදර් එනෙකු ලෙස ඉර්ශයාවට පත්වනු ඇත.

මාකඳුරේ මදුෂ් ඩුබායි හිදී අත්අඩංගුවට පත්වන්නේ පසුගිය පෙබරවාරි 4 වෙනිදාය. ඒ කියන්නේ දැනට මාසයකට පමණ පෙරය. ඔහු ඇල්ලීමට ලංකාවේ පොලිසිය කිසිම සම්බන්ධයක් නැතිවා පමණ නොව ඔහු අත්අඩංගුවට පත්වූ සාදයේ පොලසියේ කවුරුන් හෝ සිටි බවටත් ප්‍රවෘති තැන තැන සැරිසරයි. ඔහු අල්ලනවා තබා මෙතෙක් කාලයකට ඔහු සම්බන්ධ නඩුවක් ගොඩනඟා ඔහු අල්ලාදෙන ලෙස අන්තර්ජාතික පොලිසිය හරහා රෙඩ් නෝටිස් එකක්වත් යවා නැත. මෙය හිතාමතා රාජකාරිය පැහර හැරීමක්ද එසේත් නැත්නම් හරයට වැඩේ අරගන්නට තේරුමක් නැති කමද යන්න පැහැදිලි නැත.

කෙසේවුවත් හැමදාම මදුෂ් ගැන මෙහෙ කතාකරම්න් සිටියද ඔහු අල්ලා ගැනීමට එතරම් ඕනෑ කමක් තිබුණු බවක් නම් පෙනෙන්නට නැත. මාකඳුරේ මදුෂ් මෙහි පසුගිය වසරේ වූ සෑම පාතාල අපරාධයකටම පාහේ සම්බන්ධ බව කියූ පොලිසිය ඔහු අල්ලාගෙන ලංකාවට ගෙන ඒමට අවශ්‍ය කටයුතු නොකිරීම ඇත්තෙන්ම පුදුම සහගතය. මාකඳුරේ මදුෂ් ඩුබායි හිදී අත්අඩංගුවට ගෙන ඇති බව දැනගත් ජනාධ්පතිවරයා මේ පිලිබඳ වැඩි විස්තර දැනගැනීමට පොලිස්පතිවරයා ගෙන් දුර කතනයෙන් විමසුවිට ඔහු ඒ පිළිබඳව  දෑන නොසිටි බව තමන්  දැනගත් බව ඩේලිමිරර් පුවත්පත වාර්තාවද මේ පිළිබඳ අප පොලිසියේ නොදනුවතම පැහැදලිවම පෙන්වයි.

මේ සියල්ලටම වඩා අප ; බදු ගෙවන්නන්, පුදුම වියයුතු එසේම ශෝක  වියයුතු  කරුණ මතුවන්නේ ඊයේ කැලුම් අල්ලා ගත්ව්ටය. ඒ ලංකාවේ පොලිසිය සහ රහස් තොරතුරු ආයතන තිත් යාකිරීමට ඇති අකමැත්ත, එසේත් නැත්නම් නොදැනීම දුටුවිටය.. මාකඳුරේ මදුෂ් ඩුබායි හිදී අල්ලා ගන්නේ දැන් මාසයකට පෙරය. ඊට කලින් ඔහු ගැන පොලිසිය හැමදාම අපට කීයන්නේ අවුරුදු කිහිපයකට පෙර සිටය. මේ ඊයේ අල්ලපු කැලුම් ස්වර්ණවාහිනියට අනුව මාකඳුරේ මදුෂ් සමග එකට වැඩකර ඇත්තේ දශයකට දෙකකට පෙරය. ඒ මාකඳුරේ මදුෂ් රීයදුරු වූ බසයේ කොන්දොස්තර ලෙසටය. ඔවුන් දෙදෙන මුදල් වංචාවකට අසුවී එකට රිමාන්ඩ වී සිට ඇත. මාකඳුරේ මදුෂ් මේ තරම් පාතාල නායකයෙක් නම් පොලිසිය ඔහු ගැන දැනගත් වටම කළයුතුව තිබුනේ ඔහු ගැන සොයා බැලීමය. ඔහු කුඩාකල සිට ආශ්‍රය කලේ කවුදැයි පරික්ෂාකර බලා ඔවුන් පිළිබඳව ප්‍රවේශමෙන් සොයාබැලීමය. ඔවුන් එසේ, ඒ කිසිම ගෙදර වැඩක්, කර නොමැති බව දැන් පැහැදිලිව පෙනේ. ඔවුන් එසේ කලානම් මේ සියලු දෙන ගේ නිවෙස්  පරික්ෂා කීරීම කළයුතුව තිබෙන වසර ගණනකට පෙරය..
මේ සීයලු දෙන මෙයට බොහෝ කලකට පෙර අත්අඩංගුවට ගැනීමට පොලිසියට හැකියාව ලබාගන්නට ද තිබුණි.
මේ පෙනෙන විදිහට නම් පාතාලය මර්ධනය කිරීම පොලිසියට ඉතාමත් දුෂ්කර කාර්යයක් වන බවට කිසිම සැකයක් නැත. ඒ ඔවුන් රහස් තොරතුරු එකතු කිරීම, ඒවා විශ්ලේෂණය සහ අවශ්‍ය තැන් වලදී යොදාගැනීම කරන ආකාරය බොහෝ දුර්වල බව පෙනෙන බැවිනි.
පාතාලය මර්ධනය කිරීමට ඇත්තෙන්ම ඕනෑ කමක් තිබේ නම් පොලිසිය තිත් සම්බන්ධ කිරීමට උගත යුතුය. They must learn to connect the dots, at least the obvious dots.  

අලියා ආලින්ගනයේ යෙදෙන්නට බොහෝ කල් ගනී

D H ලෝරන්ස් 1922 වසරේ ලංකාවට සංචාරයක් සඳහා ඔහුගේ බිරිඳ සමග පැමිණියේය. ලංකාවට පැමිණි බොහෝ බටහිර සංචාරකයන් මෙන් ඔහුට ලංකාව ගැන එතරම් ...