Wednesday, November 9, 2016

ඇමරිකානු ඡන්දයෙන් උගත හැකි කරුණු කිහිපයක් උණු උණුවේම.







ඇමරිකානු ඡන්දය අද අවසන් විය. බොහෝ පණ්ඩිතයන්ගේ අනාවැකි බොරු කරමින් බොනල්ඩ් ජේ ට්‍රම්ප් ජනාධිපති බවට පත්විය. (මුල් නම, මැද නම සහ අග නම පිළිවෙලට තිබේ.) මේ ඡන්දයෙන් සහ එහි ප්‍රතිපලයෙන් බොහෝ සිත් ගන්නා කරුණු සහ වෙනත් දේශපාලන පක්ෂ විසින් ඉගෙන ගතයුතු බොහෝ කාරණා තිබේ. 

  1. ප්‍රධාන පක්ෂයේ උදව් නොමැතිව අපේක්ෂකයෙකුට ඕනෑම මැතිවරණයක් ජයග්‍රහනය කල හැකිය. ජුලියානි හැරෙන්නට ට්‍රම්ප්ට කිසිම රිපබ්ලිකන් පක්ෂ නායකයෙකු උදව් කලේ නැත. 
  2. ඡන්දයකදී වැදගත් වන්නේ ඡන්ද දායකයන්ට දෙන පණිවිඩයේය. 
  3. වේදිකාවට බයිලා කාරයන් අරගෙන ඒමෙන් වැඩක් නැත. ලේඩි ගාගාටත් බැරිනම් අනෙක් බයිලා කාරයන් ගැන කියනුම කවරේද?
  4.  හිටපු සහ ඉන්න ජනාධිපතිවරු වේදිකාවට ගෙන ඒම ඡන්ද අඩුකර ගැනීමට වට්ටෝරුවකි. ඔබාමා වාර විසි ගණනක් හිලරිගේ රැස්වීම්වල කතා කළේය. 
  5. කාන්තාවක් ඡන්දය ඉල්ලන විට කාන්තාවන් ඡන්දය දෙයි කියා සිතීම මුලාවකි. කාන්තාවන් වැඩිපුර ඡන්දය දෙන්නේ රට හොඳින් පාලනය කල හැකි යැයි සිතන පුද්ගලයාටය. 
  6. විශ්ව විද්‍යාල මහාචාර්යවරු ඡන්ද ප්‍රතිපල ගැන කියන අනාවැකි බොහෝ විට බොරු වෙයි. ට්‍රම්ප්ට විරුද්ධව CNN එකේ වැඩියෙන්ම ගෙනාවේ ප්‍රින්ස්ටන් වගේ ලොව සුපිරි විශ්ව විද්‍යාල වල මහාචාර්යවරුය. ඡන්දදායකයන් කිසිවෙකු ඒවා අසා නැති බව පෙනේ. 
  7. දේශපාලන පලපුරුද්ද දැන් අළුත් දේශපාලනයේ නුසුදුසු කමකි. හිලරිගේ අවුරුදු තිහේ පලපුරුද්දට වඩා ඡන්දදායකයන් පිළිගත්තේ තමන් විසින්ම ව්‍යාපාරයක් දියුණු කරගත් ට්‍රම්ප්ටය. 
  8. කුඩා ජාතීන් සතුටු කර ඡන්ද දිනන්නට බැරිය. කලයුත්තේ සියලු දෙනාටම ගැලපෙන පණිවිඩයක් ඉදිරිපත් කිරීමය. 
  9. ඕනෑවට වඩා අවශේෂ ජාතීන් සහ වර්ග සතුටු කරන්නට යාම භයානකය. 
  10. ඕනෑවට වඩා මාධ්‍ය මිතුරන් ගෙන් උදව් ලබා ගැනීම පරාජයට මඟ පෙන්වයි. මිනිස්සු මාධ්‍යවලින් ඔවදන් අහන්නට කැමති නැත. මාධ්‍ය කලයුත්තේ ස්වාධීනව තොරතුරු සහ ප්‍රවෘත්ති වාර්තා කිරීමයි. CNN හි ආධිපත්‍යයක ආකල්ප ටික කලකින් ඡන්දදායකයන්ට අප්‍රියජනක වේ.
  11. කොණ්ඩා සැකසුම ඡන්දය ඉල්ලීමේදී වැදගත් කරුණක් නොවේ. ඩයි කළයක් විතර නාගෙන ඡනදදායකයන් රවටන්නට ඕනෑ නැත. ට්‍රරම්ප්ගේ කොණ්ඩය ගැන බොහෝ දෙන විහිළු කලහ.        
  12. ඡන්ද ව්‍යාපාර සදහා වැඩිපුර මුදල් තිබීම ජයග්‍රහනයක් ලැබීමට හේතුවක් නොවේ. ඔක්තෝබර් මස 19 වෙනිදා වන විට හිලරි ඩොලර් බිලියන 1.3 ක් ඡන්දය සදහා එකතුකර ගැනීමට සමත් වූ අතර, ට්‍රම්ප්ට එකතුකර ගත හැකි වූයේ ඩොලර් මිලියන 795 කි. 
  13. මුල්වර ඡන්දය ඉල්ලද්දී බබාලා වඩා ගැනීම ප්‍රයෝජනවත් බව පෙනේ. දෙවෙනි තුන්වෙනි වාර වලදී එය එතරම් ප්‍රයෝජනයක් නැති බව අප මීට පෙර දැක ඇත. 
  14. ඡන්ද අපේක්ෂකයාගේ දක්ෂකම් හා අත්දැකීම් වලට වඩා ඡන්දයකදී වැදගත් වන්නේ ඔහු හෝ ඇය ජයග්‍රහණය කලහොත් ඔහු ක්‍රියාත්මක කරන්නට යන ප්‍රතිපත්ති වලින් ඡන්දදායකයන්ට සහ රටට ලැබෙන ප්‍රයෝජනයි. කාන්තාවක් හෝ වෙනත් සුළුතරයේ සාමාජිකයෙකු වීම පමණකින්ම කාන්තාවන් සහ සුළුතරය සියයට සියයක් තමන්ට ඡන්දය දිය යුතු යැයි සිතීම පරාජයට මුල්වේ.මේ දෙදෙනාගේ ඡන්ද ව්‍යාපාරවල තිබූ ප්‍රධානතම වෙනස මෙය වෙයි. 
  15. තමාගේ විරුද්ධවාදියාගේ අඩුපාඩු පෙන්වීමට වඩා, ඡන්ද ලබා ගැනීමට ඉවහල් වන්නේ තමා ඡන්දය ජයග්‍රහණය කලහොත් ඡන්දදායකයන්ට සහ රටට ලැබිය හැකි වාසිදායක ප්‍රතිපල පෙන්වා දීමෙනි.  ට්‍රම්ප්ගේ ටේප් එක සහ වරින් වර කාන්තාවන් දුසිමක් පමණ ට්‍රම්ප් තමන්ට දෙසට අපචාරාත්මකව හැසිරුනු බවට ඡන්දයේදී වරින් වර ප්‍රකාශ කලද එයින් කිසිම ප්‍රයෝජනයක් වූයේ නැත. 
  16. අවස්ථාවට උචිත වන පරිදි දක්ෂිණාංශික ධනවාදී පක්ෂයකට වාමාංශික ලිබරල්වාදී පක්ෂයකට වඩා ප්‍රගතශීලී විය හැක්කේය. ට්‍රම්ප් ධනවාදී දක්ෂිණාංශක රිපබ්ලිකන් පක්ෂයෙන් පෙනී සිටියද ඔහු ඉදිරිපත් කල ප්‍රතිපත්ති හිලරිගේ ප්‍රතිපත්ති වලට වඩා නවතාවයකින් හා කාර්යක්ෂමතාවයකින් යුක්ත විය.        

14 comments:

  1. ඩොලර් බිලියන 1.3 අනුව හිලරිට පැරදුනත් පාඩුනැත !

    ReplyDelete
    Replies
    1. Now people are realizing that they have been deceived by Trump since most of his promises cannot be done due to no support of Congress, no support of Senate and judicial decisions against Trump and he has no diplomacy with any other leaders, no no e.g. to do any promise he made at the election Rallies.

      Delete
    2. Now people are realizing that they have been deceived by Trump since most of his promises cannot be done due to no support of Congress, no support of Senate and judicial decisions against Trump and he has no diplomacy with any other leaders, no no e.g. to do any promise he made at the election Rallies.

      Delete
    3. Now people are realizing that they have been deceived by Trump since most of his promises cannot be done due to no support of Congress, no support of Senate and judicial decisions against Trump and he has no diplomacy with any other leaders, no no e.g. to do any promise he made at the election Rallies.

      Delete
  2. වේදිකාවට බයිලා කාරයන් අරගෙන ඒමෙන් වැඩක් නැත +++++++++++++++

    ReplyDelete
  3. 1300 millions
    1300 x 150 x 1,000,000 Rs.=195,000,000,000.00

    ReplyDelete
  4. ඇමෙරිකාවේ ජනාධිපතිවරයා මාරුවුනාට ආර්ථික, විදේශ ප‍්‍රතිපත්ති වෙනස්වෙන්නේ නැත. කරන්නට යන්නෙත් නැත. සංවර්ධනයද එසේම වේ. නමුත් ලංකාවේ......?

    ReplyDelete
  5. මේ ලිපිය යවන්න 'ලංකාවේ ඇඩ්‍රස් නැතිවෙච්ච දෙතුන් දෙනෙක්ගේ' ඇඩ්‍රස් එවන්නද..?

    ReplyDelete
  6. ජෝතිෂය කාරයන්ට නම් කෙල උන මේ පාර . එත් ගොන් හැත්ත උන්ගේ පස්සේ යන එක නවතන්නේ නැ

    ReplyDelete
  7. මා දුටු හොදම විග්‍රහය

    ReplyDelete

The truth

 He lived in a palace, in a big city where ,  market places were frequented by large caravans. Palaces were  full of laughter , merry making...