Tuesday, February 12, 2019

රජයට බැරිනම් අපිවත් බාරගමු




මම  කුඩා කල පටන්ම ගොවිතැනට ආසා කළෙමි, හැකි සෑම අවස්ථාවක ම ගොවිතැනෙහි  යෙදුනෙමි. අවුරුදු 33 ක හමුදා සේවයෙන්  සේවයෙන් පසුව රියර් අද්මිරාල් වරයෙකු ලෙස විශ්‍රාම ලබා  දැන් ලොකු විවේක කාලයක් ඇති  නිසා පූර්ණකාලීනවම ගොවිතැනෙහි  යෙදෙන්නෙමි.

හමුදා සේවයේ සිටියදී කොතලාවල ආරක්ෂක විශ්ව විද්‍යාලයේ සහ පකිස්තානයේ ජාතික ආරක්ෂක විශ්ව විද්‍යාලයේ පශ්චාත් උපාධි ලබා ඇති අතර යාන්ත්‍රික උපකරණයක් සඳහා පේටන්ට් බලපත්‍රයක්ද ලබාගෙන ඇති බව සඳහන් කරන්නේ මෙවැනි වැඩකට මට අතගැසීමට ඇති හැකියාව පෙන්වීමටය.

ගොවියෙක් වශයෙන් පමණක් නොව පුරවැසියෙකු වශයෙනුත් අපගේ ගොවියන්ගේ එළවලු විකුණා ගන්නට බැරි වී  මහත් අපහසුතාවයකට පත් වීම නිතර රූපවාහිනියේ ප්‍රවෘත්තිවල දැකීමෙන් මා මහත් කනස්සල්ලට පත්වෙමි.
ජපානය වැනි රටවල මෙවැනි වෙළඳපොල කඩා වැටීම වැළැක්වීම සඳහා ගොවියන්ට රජයෙන් සැලසුම් කළ වාණිජ එළවළු පමණක් ප්‍රදේශයේ පාරිභෝජන අවශ්‍යතාවයට අනුව පමණක්  වගා කිරීමට ඉඩ දෙන්නේ ඇයි මම අසා තිබේ.
එවැනි කිසිම සැලසුමක් අප රටේ නොමැති නිසා මෙවැනි අතිරික්ත නිෂ්පාදන ඇතිවීමෙන් වෙළඳපොල කඩා වැටීම ස්වභාවිකය,  එසේ නොවී සෑම බෝගයකටම ගොවියන් හා පාරිභෝගිකයන්ට  සාධාරණ මිල පරාසයක්  වර්ෂය පුරා පවත්වාගැනීමට නම් එක්කෝ  රජය සැළසුම් කළ යුතු ය එසේත් නැත්නම් රජය ගැන අමතක කර ගොවියන් තමන්ගේ වගා බෝග මොනවාදැයි සැලසුම් කරගත යුතුය.

මේ සඳහා රජය සැළසුම් කරන්නේ නැත්නම් තමන්ගේ බෝග නිෂ්පාදන වලට සාධාරණ වටිනාකමක් ලබාගැනීමට ඊළඟ කන්නය සඳහා තමන් වගා කළ යුත්තේ කුමන බෝගයක් දැයි තීරණයක් ගැනීම සඳහා ලංකාවේ අනිකුත් ගොවියන්; විශේෂයෙන්ම වෙළඳාම සඳහා එළවළු වගා කරන ගොවියන්, කුමක් ඒ කන්නයේ වගා කරන්නේ දැයි අදහසක් තිබිය යුතුය.

දැනට පවතින තත්වය අනුව එවැනි ගොවියෙකුට රටේ අනෙක් ප්‍රදේශවල කුමන භෝග  වගාකරන්නට සැලසුම් කරන්නේදැයි දැනගන්න විදිහක් නැත.
මෙම තොරතුරු එසේත් නැත්නම් දැනුම ඕනෑම ගොවියෙකුට තමන්ගේ කන්න පටන් ගැනීමට පෙර දැනගැනීම සඳහා ක්‍රමවේදයක් සකස් කිරීමට මට අදහසක් ඇතිවිය.

මේ පිළිබඳව මා IT තාක්ෂණය පිළිබඳව ඉතාමත් දක්ෂයකු වන මාතර  අචල උත්සුක  මිතුරා  හා කතා කළෙමි. ඇත්තෙන්ම ඔහු වසර කිහිපයකට පෙර මට හඳුන්වාදුන්නේ මගේ පැරණි මිතුරෙකු වන සරත්  විමලසුරිය විසිනි. අචල  මේ සඳහා ඉතාමත් උද්‍යෝගිමත් වූ අතර අප මෙලෙස ලංකාවේ ඕනෑම ගොවියෙකුට තමන්ගේ වගාව   පටන් ගැනීමට පෙර රටේ අනෙකුත් ප්‍රදේශ වල කුමන එලවලු බෝග වෙළඳාම සඳහා වගා වගා කරන්නේ ද යන්න නොමිලේ දැනගැනීමට මුහුණු පොතේ පිටුවක් සහ app එකක් සෑදීමට සාකච්ඡා කර ගත්තෙමු.

දැන් මෙම app එක සඳහා input ලබාගැනීමට ක්‍රමවේදයක් සකස් කල යුතුය. ඒ සඳහා ලංකාවේ වෙළඳාම සඳහා එළවලු වගාකරන ප්‍රදේශවලින් තොරතුරු මසකට දෙවරක් වත් සැපයීම සඳහා නියෝජිතයන් එසේත් නැතිනම් සහාරුවන් අවශ්‍යයය.
මේ සඳහා මුලින්ම එළවලු වෙළඳාම සඳහා වගාකරන ප්‍රදේශ හඳුනාගත යුතුය. එම ප්‍රදශ හඳුනාගැනීම සඳහා මම සුරගොවියා fb පටුවේ පෝස්ට් එකක් දැම්මෙමි.එයට ලැබුණු ප්‍රතිචාරය අනුව ලංකාවේ වෙළඳාම සඳහා එළවලු වවන ප්‍රදේශ පහත පරිදිය. ලැයිස්තුව ආකරාදී පිළිවෙලට ලිවීමේ පහසුව සඳහා ඉංග්‍රීසියෙන් ලියමි.


1.  Ambiliptya
2.  Angunakola palassa
3.  Anuradhapura
4.  Balangoda
5.  Bandaragama
6.  Bandarawela
7.  Beliaththa
8.  Beruwala
9.  Dambulla
10.              Gampola
11.              Halaawatha
12.              Jaffna
13.              Koslanda
14.              Kothmale
15.              Kurunagala
16.              Mahanuwara
17.              Mandaram nuwara
18.              Marassana
19.              Melsiripura
20.              Monaragala
21.              Nuwaraeliya
22.              Polonnaruwa
23.              Polpithigama
24.              Puththalama
25.              Ranna
26.              Suriyawewa
27.              Vavuniyawa
28.              Walapane
29.              Welimada



මෙම ලැයිස්තුවට තවත් ප්‍රදේශ එකතුවිය යුතු යයි ඔබ සිතන්නේ නම් කරුණාකර යෝජනාකරන්න.

දැන් අපට මෙම ලයිස්තුවේ සඳහන්ව ඇති සම ප්‍රදේශයකින්ම වාර්තාකරුවන් එක අයෙකු හෝ වැඩි ගණනක් අවශ්‍යය වන අතර මෙම සේවය ස්වෙච්චා සේවයක් බව මුලින්ම කිවයුතුය.
එම නියෝජිතයන්ගේ වගකීම වන්නේ මසකට දෙවරක් ( 5 වෙනිදා සහ 20 වෙනිදා)තමන් ජිවත්වන ප්‍රදේශයේ ගොවියන් කුමන භෝගයක් හෝ භෝගයන් වගාකරන්නේද කුමන භෝගයන්ගේ අස්වැන්න නෙලන්නේද යන්න  අපගේ fb පිටුවේ නියමිත  ස්ථානයේ  වාර්තා කිරීමයි.

අප මෙම තොරතුරු ව්ශ්ලේෂණය කර වගුගතකර සිතියමකට ඇතුලත් කරගත් පසු  අවශ්‍ය ගොවියෙකුට අවශ්‍ය වෙලාවක නොමිලේ ලංකාවේ ඕනෑම ස්ථානයක එසේත් නැත්නම් රටපුරා පොදුවේ කුමන භෝග වැවීමට සැරසෙන්නේද, කුමන භෝග වල අස්වැන්න නෙලන්නේද හෝ කුමන භෝගයන්හි අස්වැන්න කුමන කාලයකදී වෙළඳපොළට පැමිණෙන්නේද යන තොරතුරු ලබාගත හැකිවෙයි.
මේ පටන්ගැන්මෙදිය. කාලයත් සමග අපට මෙම app එක තවදුරටත් ප්‍රවර්ධනය කර තවත් බොහෝ ප්‍රයෝජන අප ගොවියන් වෙත ලබාදිය හැකි වනු නොඅනුමානය.

ඔබ මෙහි ප්‍රාදේශීය නියෝජිතයෙකු වීමට කැමැත්තේ නම් කරුණාකර ඉන්බොක්ස් කරන්න. මේ සඳහා ඔබ ගොවියෙකුම වීමට අවශ්‍ය නැත. රට අවුලින් ගොඩගැනීමට සැමවිට සිතන පුරවැසියෙකු වීම ප්‍රමාණවත්ය.

කරුණාකර මේ පිලිබඳ ඔබට යම් යෝජනාවක් හෝ අදහසක් ඇත්නම් කොමෙන්ට් කරන්න . එසේත් නැත්නම් පහත ලිපිනයන්ට දන්වන්න.
whatsap - 0702526565
1/38 sirimalwatta gunnapana 20270



8 comments:

  1. Galnewa, Thambuththegama, Kalpitiya, Hanguranketha, Galenbindunuwewa, Bakamuna,

    ReplyDelete
  2. Local pesticides dealers are the most updated people in this regards,and they are the people who benefiting and really wishing for boom in agriculture sector. let us know when application running so I'll try to catch few.

    ReplyDelete
  3. හොඳ ආරම්භයක්. ඔබේ උත්සාහය සාර්ථක වේවායි පතනවා. මම අහලා තියෙනවා ලංකාවේ වැඩිම ආචාර්ය උපාධිධාරීන් ප්‍රමාණයක් ඉන්නේ කෘෂිකර්ම දෙපාර්තමේන්තුවේ කියලා. හැබැයි පුරවැසියන් කරන මේ වගේ දේවල් සාර්ථක වෙන්න තියෙන ඉඩකඩ වැඩියි කියලා මං හිතනවා.

    ReplyDelete
  4. සාර්ථක වේවා..

    ReplyDelete
  5. නියමයි. අති සාර්තක වේවා

    ReplyDelete
  6. ඊයේ පස්වරු 6.30ත් 7ත් අතර මා ශ්‍රී ලන්කා ගුවන්විදුලි සන්ස්ථා ගොවි වැඩසටහනකට සවන් දුන්නා. කෘෂිකර්ම දෙපාර්තමේන්තුවෙන් දැනටමත් ඇන්ඩ්‍රොයිඩ් ඇප් එක එලි දක්වා ඇති බව දැන ගත්ත. නම නම් මතක නෑ.

    ReplyDelete
  7. https://play.google.com/store/apps/details?id=com.prasadbandra.bfn&hl=en_SG

    ReplyDelete

සතුටින් ජීවත් වීමේ සරල ක්‍රම

 පසුගිය වසර හය තුළ ෆින්ලන්තය ලෝකයේ සතුටින්ම සිටින රට ලෙස ශ්‍රේණිගත කර ඇත.  මම මගේ ජීවිතයේ වැඩි කාලයක් මෙහි ජීවත් වූ අතර, මනෝවිද්‍යාඥයෙකු සහ ...